Published:Updated:

கஷ்டத்துல இருந்துதான் சந்தோஷம் கிடைக்கும்!

கஷ்டத்துல இருந்துதான் சந்தோஷம் கிடைக்கும்!
பிரீமியம் ஸ்டோரி
News
கஷ்டத்துல இருந்துதான் சந்தோஷம் கிடைக்கும்!

மனசே மனசே...

``நம் ல்லோரின் வாழ்க்கையிலும் மன அழுத்தம் வரும், போகும்.    என் வாழ்க்கையிலும் அப்படித்தான்.  மன அழுத்தத்துல இருந்த காலத்தை இப்போ நினைச்சுப் பார்க்குறப்போ, ‘அழகான சம்பவம் அது’னு தோணுது...’’ என்கிறார் நடிகர் எஸ்.ஜே.சூர்யா. வாழ்க்கையில் மன அழுத்தத்திலிருந்த அந்த நேரம், அதற்குக் காரணமான  சம்பவம், அதிலிருந்து வெளியே வந்தது... எல்லாவற்றையும் பகிர்ந்துகொள்கிறார் அவர். 

கஷ்டத்துல இருந்துதான் சந்தோஷம் கிடைக்கும்!

‘` `கிழக்குச் சீமையிலே’ படத்துல பாரதிராஜா சார்கிட்ட உதவி இயக்குநரா சேரணும்னு ஆசைப்பட்டேன். தினமும் ஷூட்டிங் ஸ்பாட்டுக்குப் போயிடுவேன். பாரதிராஜா சாரைப் பார்ப்பேன். `ஒருநாள் நாமும் உதவி இயக்குநரா ஆகிடுவோம்’னு நினைச்சிட்டு இருந்தேன். ஆனா, என்னால அவர்கிட்ட உதவி இயக்குநரா சேரவே முடியலை. எனக்குப் பக்கத்துல நின்னுட்டு இருந்த ஒருத்தர் அவர்கிட்ட உதவி இயக்குநரா வேலைக்குச் சேர்ந்துட்டார். அவர் தினமும் காலையிலே ஷூட்டிங் ஸ்பாட்டில் க்ளாப் போர்டு அடிச்சிட்டு நிப்பார். எனக்கு அதைப் பார்த்தாலே அழுகையா வரும். உடனே, யாரும் பார்க்காத இடத்துக்குப் போய் ஓரமா நின்னு அழுதுட்டு வருவேன். இப்படித்தான் அந்த நாள்கள் இருந்தன.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
கஷ்டத்துல இருந்துதான் சந்தோஷம் கிடைக்கும்!



படத்துல உதவி இயக்குநர் வாய்ப்பு கிடைக்கலையே தவிர, ஜூனியர் ஆர்ட்டிஸ்ட் வாய்ப்பு கிடைச்சது. ‘கிழக்குச் சீமையிலே’ படத்துல ஒரு சீன்ல தலைகாட்டியிருப்பேன். ஒரு நாள் ஜூனியர் ஆர்ட்டிஸ்ட்டா வேலை பார்த்திருந்தாலும், மற்ற நாள்கள்லயும் ஷூட்டிங் ஸ்பாட்டுக்கு தவறாம போய் நின்னுருவேன். என் கவனமெல்லாம் பாரதிராஜா சார் மேலயேதான் இருக்கும். அவரும், கேமராமேன் கண்ணன் சாரும் என்ன பேசிக்குறாங்கனு கேட்டுட்டிருப்பேன். அப்படித்தான் டைரக்‌ஷன் கத்துக்கிட்டேன்.  அமெரிக்காவுக்குப் போய் சினிமா பற்றிப் படிச்சாக்கூட இந்த விஷயங்களையெல்லாம் கத்துக்க முடியாது. ஆண்டவன் அப்போ எனக்குப் பெரிய வாய்ப்பைக் கொடுத்திருக்கான். அது நல்லதுக்குனு தெரியாம நான்தான் அழுதிருக்கேன், மன அழுத்தத்தில் தவிச்சிருக்கேன்.  அன்னிக்கு என் அழுகைக்கும் மன அழுத்தத்துக்கும் காரணமாக இருந்த அதே விஷயத்தை இன்னிக்கு நினைச்சுப் பார்க்குறப்போ அற்புதமான விஷயமா தோணுது. என் வாழ்க்கையில நடந்த எல்லாமே நன்மைக்காகத்தான்னு தோணுது. வாழ்க்கையில் எப்போதும் மன அழுத்தம், கஷ்டம் வர்றப்போ, ‘ஐயோ... எனக்கு ஏன் இப்படி ஆகணும்’னு புலம்பக் கூடாது. அதுக்குள்ள ஏதோ ஒரு நல்லது இருக்கும். அதைத் தேடிப் பிடிச்சிக்கலாம்னு நினைக்கணும். கஷ்டத்தை மறந்துட்டு, சந்தோஷத்தை அனுபவிக்கணும்னு நினைக்குறது முடியாத விஷயம்தான். ஆனா, கஷ்டத்துல இருந்துதான் சந்தோஷம் கிடைக்கும்.’’

சனா - படங்கள்: பா.காளிமுத்து