Published:Updated:

பரிந்துரை... இந்த வாரம்... டீன் ஏஜ் குழந்தைகளின் பெற்றோர்களுக்கு...

பரிந்துரை... இந்த வாரம்... டீன் ஏஜ் குழந்தைகளின் பெற்றோர்களுக்கு...
பிரீமியம் ஸ்டோரி
News
பரிந்துரை... இந்த வாரம்... டீன் ஏஜ் குழந்தைகளின் பெற்றோர்களுக்கு...

பூங்கொடி பாலா

‘ஆனந்த விகடன்’ வாசகர்களுக்காக வாரந்தோறும் ஒவ்வொரு விஷயத்தைப் பரிந்துரைக்கிறார்கள் பிரபலங்கள்.  இந்த வாரம் `குழந்தைகள் உளவியல் மருத்துவர்’ பூங்கொடி பாலா...

வழ்வதற்குக் கற்றுக்கொண்ட குழந்தை எப்படி, தான் கண்ணில் பார்க்கும் பொருளையெல்லாம் உணவுதான் என நினைத்துச் சுவைத்துப் பார்க்க எண்ணு கிறதோ, அப்படித்தான் டீன் ஏஜ் பருவத்தை நெருங்கும் பிள்ளைகளும். மனிதர்கள்மீது தங்களுக்கு ஏற்படும் ஈர்ப்புகளை, அன்பெனத் தவறாகப் புரிந்துகொள்வார்கள். அந்த அதீத அன்புக்குக் காதலென்று பெயரும் வைத்துக்கொள்வார்கள். எனவே பெற்றோர்கள் தாம் சற்று முதிர்ச்சியுடன் இவர்களை அணுக வேண்டும். 

பரிந்துரை... இந்த வாரம்... டீன் ஏஜ் குழந்தைகளின் பெற்றோர்களுக்கு...

உங்கள் குழந்தையின் இந்தக் காதல் விவகாரம், உங்களுக்கு எப்படி, யார் மூலமாகத் தெரிய வந்துள்ளது என்பதை யோசியுங்கள். குழந்தை அவர்களாகச் சொல்லியிருந்தால், வாழ்த்துகள். உங்கள் குழந்தையின் நம்பத்தகுந்த நபராக நீங்கள் இருக்கின்றீர்கள். ஒருவேளை, தோழமைகள் அல்லது உறவுக்காரர்கள் மூலம் விஷயம் தெரிய வந்தது என்றால், விஷயத்தின் உண்மைத் தன்மையை நீங்களாகவே ஆராய்ந்து பாருங்கள். குழந்தையின் கம்ப்யூட்டர், மொபைல் பயன் பாட்டைக் கண்காணியுங்கள். எதையேனும் மறைக்கின்றனரா என்பதைக் கவனித்து வாருங்கள். பொய்யாக இருக்குமெனில், அதை அப்படியே கடந்து போய்விடுங்கள்.

தாமாகவே விஷயத்தைத் தெரிந்துகொண்ட பெற்றோர் பலரும், உணர்ச்சிக் கட்டுப்பாடின்றி அன்றைக்கே அப்பொழுதே, குழந்தையை அழைத்து அவர்களின் ஒழுக்கத்தை மோசமாக விமர்சிக்கவும் செய்துவிடுவர். அது தவறு. வசைகளை ஓரம் வைத்துவிட்டு, மேற்கொண்டு என்ன செய்யலாம் என ஆலோசியுங்கள். குழந்தையோடு அமர்ந்து பேசும் சூழலை உருவாக்கிக்கொள்ளுங்கள்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
பரிந்துரை... இந்த வாரம்... டீன் ஏஜ் குழந்தைகளின் பெற்றோர்களுக்கு...

`உனக்கு அந்த நபரை ஏன் பிடித்தது' எனக் குழந்தையிடம் கேளுங்கள். பெரும்பாலான குழந்தைகள், இந்தக் கேள்விக்கு சினிமாத்தனமான, விளக்கங்களைத்தான் கொடுப்பார்கள். அவர்களின் அந்தப் புரிதல் எந்தளவு அபத்தமானது மற்றும் ஆபத்தானது என்பதை அவர்களுக்கு விளக்குங்கள்.

இந்த வயதில் ஏற்படும் உடல்நல மற்றும் ஹார்மோன் மாற்றங்களை எடுத்துக்கூறி, இன்ஃபாட்சுவேஷன் (Infatuation) எனப்படும் ஈர்ப்பு பற்றிச் சொல்லுங்கள். பாலியல் ரீதியாக உடலில் ஏற்படும் மாற்றங்கள், வளரிளம் பருவத்தில் கருத்தரிப்பதால் ஏற்படும் உடல்நல மற்றும் மனநலச் சிக்கல்கள், பொருளாதார நெருக்கடிகள் குறித்துச் சொல்லுங்கள்.

மேலும், `உனக்கு ஏற்பட்டிருப்பது அட்ராக்‌ஷனா அல்லது காதலா?' எனக்கேட்டு அவர்களை பதில் சொல்ல அனுமதியுங்கள். `காதல்தான் அது' எனக் குழந்தை தொடர்ந்து கூறுமாயின், இருபது வயதுக்குப் பிறகு இதே காதல் அவர்களுக்கு எப்படி இருக்கும் என யோசிக்கச் சொல்லுங்கள். எல்லாக் கேள்விகளுக்கும் பிறகு, குழந்தையிடம் எப்போதும்போல இயல்பாக இருங்கள். எந்த விதத்திலும் இந்த உரையாடல்களுக்குப் பிறகு உங்கள் போக்கு மாறியதாக குழந்தை உணரக் கூடாது.

படிப்பின் மீதான கவனத்தைக் குழந்தைக்கு ஏற்படுத்த என்ன செய்ய வேண்டும் என யோசியுங்கள். அவர்களுக்கு எதில் ஆர்வம் அதிகம் இருக்கிறதோ, அது சார்ந்து செயல்பட அனுமதியுங்கள்.

காதல் வயப்பட்டு, அதிலிருந்து மீண்டு வர எண்ணும் டீன் ஏஜ் குழந்தைகள் அனைவரும், தங்களின் உணர்வுகளுக்கும், யதார்த்தத்துக்கும் இடையில் நின்றுகொண்டு மனதளவில் போராடிக்கொண்டிருப்பார்கள். எனவே, சில நேரங்களில் தங்களின் உணர்வுகளை அதீதமாக வெளிக்காட்டுவார்கள். பெற்றோராகிய நீங்கள் பயம்கொள்ளாமல், நீங்களும் வருத்தப்பட்டு அவர்களையும் வருத்தப்பட வைக்காமல், கோபப்படாமல் அவர்களிடம் பேசுங்கள். என்ன ஆனாலும், பெற்றோராகிய நாங்கள் உன்கூடவே இருப்போம்' என்ற நம்பிக்கையை அவர்களுக்கு விதைத்து, அவர்களின் பெஸ்ட் ஃபிரெண்டாகுங்கள். என்ன ஆனாலும், அவர்கள் நம் பிள்ளைகள்! நாம்தானே சரிசெய்ய வேண்டும்!  ஸோ, பீ ஃபிரெண்ட்லி!

-  தொகுப்பு: ஜெ.நிவேதா

-  படம்: மதன்சுந்தர்