Published:Updated:

தமிழகத்தின் ஈரம்: திண்டுக்கல், தர்மபுரி, கிருஷ்ணகிரி

ஒட்டுமொத்த விகடனுக்கும் ஒரே ஷார்ட்கட்

Use App
தமிழகத்தின் ஈரம்: திண்டுக்கல், தர்மபுரி, கிருஷ்ணகிரி
தமிழகத்தின் ஈரம்: திண்டுக்கல், தர்மபுரி, கிருஷ்ணகிரி

தமிழகத்தின் ஈரம்: திண்டுக்கல், தர்மபுரி, கிருஷ்ணகிரி

பிரீமியம் ஸ்டோரி
தமிழகத்தின் ஈரம்: திண்டுக்கல், தர்மபுரி, கிருஷ்ணகிரி

மிழகத்தில் இருக்கும் நீர்நிலைகள் அனைத்துமே நீர் இல்லா நிலையில் இருக்கின்றன. ஏரிகள், குளங்கள், கண்மாய்களில் ஆடு, மாடுகள் அருந்துவதற்குக்கூட மருந்துக்கும் நீரில்லை! ஒட்டுமொத்தத் தமிழகமும் நிலத்தடி நீரை நம்பி வாழ்ந்துவரும் இந்தச் சூழலில், தமிழகத்தின் ஈரம் குறித்து அடுத்தடுத்து வரும் பக்கங்களில் தெரிந்துகொள்ளலாம்...

தண்ணீர் அரசியல்...  தவிக்கும் மக்கள்... கண்டு கொள்ளாத கலெக்டர்! - திண்டுக்கல்

தி
ண்டுக்கல் மாவட்டத்தில் மூன்று நகராட்சிகள், 24 பேரூராட்சிகள், 14 ஊராட்சி ஒன்றியங்கள் உள்ளன. இவற்றில் நகராட்சிகள், பேரூராட்சிகள் ஆகியவற் றுக்குக் காவிரிக் கூட்டுக்குடிநீர்த் திட்டம் உள்ளிட்ட சில திட்டங்கள்மூலம் குடிநீர் விநியோகம் செய்யப்படுகிறது. கொடைக்கானல் ஊராட்சி ஒன்றியம் தவிர்த்து மற்ற ஒன்றியங்களில் மொத்தம் 3,428 கிராமங்கள் உள்ளன. இவற்றில், பெரும்பாலான கிராமங்களுக்கு வைகை நீராதாரம், காவிரி நீராதாரங்களின் அடிப்படையிலான திட்டங்கள்மூலம் குடிநீர் வழங்கப்படுகிறது. சுமார், 1,300 கிராமங்களுக்கு உள்ளூர் நீராதாரங்கள் மற்றும் ஆழ்துளைக்கிணறுகள் மூலம் குடிநீர் விநியோகிக்கப் படுகிறது.

திண்டுக்கல் மாவட்டத்தில் ஆத்தூர் காமராஜர் நீர்த்தேக்கம், மருதாநதி அணை, குடகனாறு அணை, பாலாறு-பொருந்தலாறு அணை, குதிரையாறு அணை போன்றவை உள்ளன. இவற்றில் கொடைக்கானல் மலையடிவாரத்தில் இருக்கும் அணைகளில் கொஞ்சம் தண்ணீர் தேங்கியிருக்கிறது. ஆத்தூர் நீர்த்தேக்கத்தில் நீர் மட்டம் மைனஸ் 7 அடியாக இருக்கிறது. குடகனாறு அணை வறண்டு கிடக்கிறது.

திண்டுக்கல் மாவட்டத்தில் சரியான முறையில் பகிர்ந்தளித்தால் ஓரளவு தண்ணீர் பிரச்னையைச் சமாளிக்கலாம். ஆனால், அரசியல் ரீதியான அணுகுமுறையால் செயற்கையான தண்ணீர் பஞ்சத்தை உருவாக்கி வைத்திருக்கிறது, மாவட்ட நிர்வாகம்.

தமிழகத்தின் ஈரம்: திண்டுக்கல், தர்மபுரி, கிருஷ்ணகிரி

மாவட்டத்தில் உள்ள ஏழு சட்டமன்றத் தொகுதிகளில், நான்கு தொகுதிகள் தி.மு.க வசம் உள்ளன. மீதி மூன்று தொகுதிகள் அ.தி.மு.க வசம் உள்ளன. ஆத்தூர் நீர்த்தேக்கத்திலிருந்துதான் திண்டுக்கல் மாநகராட்சிப் பகுதிக்குத் தண்ணீர் கொண்டு வரப்படுகிறது. ஆனால், வழியோர கிராமங்களுக்குத் தண்ணீர் கொடுக்கப்படுவ தில்லை. ‘‘கிட்டத்தட்ட 60 ஆண்டுகளாக வழியோர கிராமங்களுக்குக் கொடுக்கப்பட்டு வந்த தண்ணீர் தற்போது நிறுத்தப்பட்டுள்ளது. அந்தக் கிராமங்கள், தி.மு.க துணைப் பொதுச்செயலாளர் ஐ.பெரியசாமி யின் ஆத்தூர் தொகுதிக்குள் அடங்கி யிருப்பதுதான் தண்ணீர் நிறுத்தப் பட்டதற்குக் காரணம்’’ என்கிறார்கள், தி.மு.க-வினர்.

காவிரிக் கூட்டுக் குடிநீர்த் திட்டத் திலிருந்து... வேடசந்தூர், ரெட்டியார் சத்திரம், ஒட்டன்சத்திரம் ஆகிய பகுதிகளுக்குக் குடிநீர் கொண்டுவருவதற்கான சோதனை ஓட்டம் முடிந்து எட்டு ஆண்டுகள் ஆகின்றன. இவற்றில், வேடசந்தூர் தொகுதி அ.தி.மு.க வசம் இருப்பதால், அந்தப் பகுதிக்கு மட்டும் தாராளமாகத் தண்ணீர் திறந்துவிடப்படுகிறது. ரெட்டியார் சத்திரம், ஒட்டன் சத்திரம் பகுதிகள் தி.மு.க எம்.எல்.ஏ-க்கள் வசம். எனவே, அப்பகுதிகளுக்குத் தண்ணீர் விடப்படுவதில்லை.

‘தண்ணீர் பகிர்ந்தளிக்கும் இடத்தில் தினமும் 70 லட்சம் லிட்டர் தண்ணீர் வீணாகிறது. இந்தத் தண்ணீரைக் கொடுத்தாலே ரெட்டியார் சத்திரம், ஒட்டன் சத்திரம் பகுதிகள் பயன்பெறும்’ என கலெக்டரிடம் கடந்த வாரம் ஐ.பெரியசாமி முறையிட்டும் பலனில்லை.

குதிரையாறு அணையின் நீர் பிடிப்புப் பகுதியின் உயரம் 80 அடி. அதில் தற்போது, 26.73 அடி தண்ணீர் இருக்கிறது. பரப்பலாறு அணையின் உயரம் 90 அடி. அதில் தற்போது, 58.76 அடி தண்ணீர் இருக்கிறது. வரதமாநதி அணையின் மொத்த உயரம் 66.47 அடி. அதில் தற்போது, 42.85 அடி தண்ணீர் இருக்கிறது. குடகனாறு நீர்த்தேக்கத்தின் மொத்த உயரம் 27 அடி. தற்போது தண்ணீர் இல்லை. பாலாறு - பொருந்தலாறு அணையின் மொத்த உயரம் 65 அடி. தற்போது 28.31 அடி தண்ணீர் இருக்கிறது. நங்காஞ்சியாறு அணையின் மொத்த உயரம் 39.37 அடி. தற்போது 6.62 அடி தண்ணீர் இருக்கிறது. மருதாநதி அணையின் மொத்த உயரம் 74 அடி. தற்போது 26.25 அடி தண்ணீர் இருக்கிறது.

- ஆர்.குமரேசன்
படங்கள்: வீ.சிவக்குமார்

பாலைவனம் போல் காட்சியளிக்கும் அணைகள்... - தர்மபுரி, கிருஷ்ணகிரி

ர்மபுரி, கிருஷ்ணகிரி மாவட்டங்களில் உள்ள 50 சதவிகித குடியிருப்புகளுக்கும் 16 பேரூராட்சிகளுக்கும் தர்மபுரி, கிருஷ்ணகிரி, ஓசூர் ஆகிய மூன்று நகராட்சிகளுக்கும் ஒகேனக்கல் கூட்டுக் குடிநீர் திட்டம்மூலம் குடிநீர் வழங்கப்படுகிறது.

தர்மபுரி மாவட்டத்தின் மற்றப் பகுதிகளின் நீர் ஆதாரமாக இருக்கும் பஞ்சபள்ளி அணை, தும்பஹள்ளி அணை ஆகியவை, பருவ மழை பொய்த்துப்போனதால் வறண்டு கிடக்கின்றன. இதனால், பாலக்கோடு, காரிமங்கலம் பகுதிகளில் கடுமையான குடிநீர் தட்டுப்பாடு ஏற்பட்டுள்ளது. தென்பெண்ணை ஆற்றின் குறுக்கே அமைந்துள்ள ஈச்சம்பாடி அணை, முன் எப்போதும் இல்லாத அளவுக்கு வறண்டுவிட்டது. இதனால் நிலத்தடி நீர் வெகுவாகக் குறைந்துவிட்டது. எனவே, அரூர் பகுதியில் குடிநீர்த் தேவைக்கும் விவசாயத் தேவைக்கும் கடும் தட்டுப்பாடு நிலவுகிறது.

தமிழகத்தின் ஈரம்: திண்டுக்கல், தர்மபுரி, கிருஷ்ணகிரி

கிருஷ்ணகிரி மாவட்டத்தின் குடிநீர்த் தேவையை ஒகேனக்கல் கூட்டுக் குடிநீர்த் திட்டம், தென்பெண்ணை ஆறு ஆகியவை பூர்த்தி செய்து வந்தன. மழையின்மையாலும் பெங்களூருவிலிருந்து போதுமான நீர் வரத்து இல்லாததாலும் மாவட்டத்தில் உள்ள ஏரிகளுக்குத் தண்ணீர் வரத்து இல்லாத சூழல் ஏற்பட்டுள்ளது. கிராமப் பகுதிகளில் குடிதண்ணீர் தட்டுப்பாடு ஏற்பட்டுள்ளது.

அதிக மக்கள் தொகை, அதிக அளவு வணிக நிறுவனங்களுள்ள ஓசூரில், குடிநீர்த் தேவைக்கான நீண்ட காலத் திட்டம் எதுவுமே முழுமையாக நிறைவேற்றப்படவில்லை. தென்பெண்ணை ஆற்றில் அமைக்கப்பட்டுள்ள கெலவரப்பள்ளி அணையில், பெங்களூருவின் கழிவுநீர் கலப்பதால், அந்த அணையின் நீரைக் குடிக்க முடியாத நிலை உள்ளது. ஒகேனக்கல் கூட்டுக்குடிநீர்த் திட்டம் ஆறு மாதங்களாகச் செயல்பாட்டில் இல்லை.

- எம்.வடிவேல், படம்: வ.யஷ்வந்த்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு