Published:Updated:

தமிழகத்தின் ஈரம்: தேனி, திருவண்ணாமலை

ஒட்டுமொத்த விகடனுக்கும் ஒரே ஷார்ட்கட்

Use App
தமிழகத்தின் ஈரம்: தேனி, திருவண்ணாமலை
தமிழகத்தின் ஈரம்: தேனி, திருவண்ணாமலை

தமிழகத்தின் ஈரம்: தேனி, திருவண்ணாமலை

பிரீமியம் ஸ்டோரி
தமிழகத்தின் ஈரம்: தேனி, திருவண்ணாமலை

தேனி - தரைமட்டத்துக்கு வந்த வைகை... கை கொடுக்கும் கிணறுகள்!

தே
னி மாவட்ட மக்களின் குடிநீர்த் தேவை, கூட்டுக் குடிநீர்த் திட்டம் மற்றும் ஆறுகளில் அமைக்கப்பட்டுள்ள உறை கிணறுகள் மூலமாகத்தான் பூர்த்திசெய்யப்பட்டு வருகிறது. மழை இல்லாததால், அணைகளுக்குத் தண்ணீர் வரத்து முற்றிலும் இல்லை. உறை கிணறுகளிலும் தண்ணீர் வற்றிக் கொண்டிருக்கிறது.

ஆண்டிபட்டி மக்களுக்குத் தண்ணீர் கொடுக்கக் கூட்டுக் குடிநீர்த் திட்டம் செயல்படுத்தப்பட்டது. ஆனால், அந்தத் தண்ணீர் ஆண்டிபட்டி நகரத்துக்கே போதவில்லை. கண்டமனூர், கடமலைக்குண்டு, வருசநாடு பகுதிகளில் உள்ள நூற்றுக்கும் மேற்பட்ட கிராமங்கள் தண்ணீரின்றி தவிக்கின்றன.

தமிழகத்தின் ஈரம்: தேனி, திருவண்ணாமலை

முல்லைப்பெரியாறு அணையின் நீர்ப்பிடிப்புப் பகுதிகளில் மழை இல்லாததால், அணையின் நீர் மட்டம் நாளுக்கு நாள் குறைந்துகொண்டே வருகிறது. ஆனாலும் குடிநீருக்காக விநாடிக்கு 100 கன அடி நீர் திறக்கப்பட்டு வருகிறது. இந்தத் தண்ணீர், கம்பம், பாளையம், சின்னமனூர், கோட்டூர், பி.சி.பட்டி ஆகிய பகுதிகளுக்கே சரியாகிவிடுகிறது. அதனால், வைகை அணைக்குத் தண்ணீர் வருவதில்லை. வைகை அணையின் நீர் மட்டம் குறைந்துகொண்டே வருகிறது.

71 அடி உயரம் கொண்ட வைகை அணையில் 69 அடிவரை தண்ணீர் தேக்க முடியும். ஏழு ஆண்டுகளுக்குப் பிறகு கடந்த ஆண்டு ஆகஸ்ட் மாதம் தனது முழுக் கொள்ளளவை எட்டியது, வைகை அணை. தற்போது அணையின் நீர்மட்டம் 31.92 அடி. மதுரை மக்களின் குடிநீர் தேவைக்காக விநாடிக்கு 60 கன அடி தண்ணீர் திறந்துவிடப் படுகிறது. இன்னும் சில நாள்களுக்கு மேல் தண்ணீர் திறப்பு முற்றிலுமாக நிறுத்தப்படலாம். அணையை முறையாகத் தூர்வாராமல் இருப்பதால், 15 அடிவரை சேறு நிரம்பியிருக்கிறது. முல்லைப்பெரியாறு அணை வறண்டு கிடப்பதால் வைகை அணைக்குச் சிறிதளவுகூட நீர்வரத்து இல்லை.

முல்லைப்பெரியாறு அணையைப் பொறுத்தவரை நீர்ப் பிடிப்புப் பகுதிகளில் போதிய மழை இல்லாததால், அணையின் நீர் மட்டம் நாளுக்கு நாள் குறைந்து வருகிறது. தற்போது அணையின் நீர்மட்டம் 112.05 அடி. அணைக்கு நீர்வரத்து விநாடிக்கு 100 கன அடி.

- எம்.கணேஷ்
படம் : வீ.சக்தி அருணகிரி

திருவண்ணாமலை - ஆகஸ்ட் மாதம் வரைதான் குடிநீர்!

மிழகத்தில் உள்ள குறிப்பிடத்தக்க அணைகளில் ஒன்று சாத்தனூர் அணை. திருவண்ணாமலை மாவட்டத்தின் குறுக்கே ஓடும் தென்பெண்ணை ஆற்றின் குறுக்கே கட்டப்பட்டுள்ளது, இந்த அணை. இதன் உயரம் 119 அடி. இதன் கொள்ளளவு 7,321 மில்லியன் கன அடி. தற்போதைய கடும் வறட்சியால் அணையின் நீர்மட்டம் அதலபாதாளத்துக்குச் சென்றுவிட்டது. தற்போது நீரின் இருப்பு, 65.95 அடி உயரம், 796 மில்லியன் கன அடி. இந்தத் தண்ணீரை வைத்து ஆகஸ்ட் மாதம்வரை மட்டுமே குடிநீர் வழங்க முடியும்.

தமிழகத்தின் ஈரம்: தேனி, திருவண்ணாமலை

இந்த அணையின் மூலம், திருவண்ணாமலை நகராட்சிக் கூட்டுக் குடிநீர்த் திட்டம், செங்கம்-புதுப்பாளையம் கூட்டுக் குடிநீர்த் திட்டம், தானிப்பாடி-தண்டராம்பட்டு கூட்டுக் குடிநீர்த் திட்டம், வானாபுரம்-லாடவரம் கூட்டுக் குடிநீர்த் திட்டம், சாத்தனூர் கூட்டுக் குடிநீர்த் திட்டம் ஆகிய ஐந்து கூட்டுக் குடிநீர்த் திட்டங்கள் செயல்பட்டு வருகின்றன. இதன் மூலம் தினமும் 88.65 லட்சம் லிட்டர் குடிநீர் விநியோகிக்கப் படுகிறது.

2017-ம் ஆண்டு பெய்த மழையில் அணை 100.5 அடி உயரம் நிரம்பி தண்ணீர் திறந்துவிடப்பட்டது. அதில் 300 டி.எம்.சி அளவுக்கு மேல் கடலில் கலந்தது. 2018-ம் ஆண்டு மே மாதம், அணையின் இடது மற்றும் வலதுபுற கால்வாயில் முறையே வினாடிக்கு 350 கன அடி மற்றும் 220 கன அடி வீதம் தண்ணீர் திறக்கப்பட்டது. ஆனால், இந்த ஆண்டு குடிக்கவே தண்ணீர் எடுக்க முடியாத அளவுக்கு அணை வற்றியுள்ளது.

‘கடந்த 15 ஆண்டுகளுக்கு மேலாகச் சாத்தனூர் அணை தூர் வாரப்படாமல் கிடக்கிறது. நீர்ப் பிடிப்புப் பகுதிகளில் புதர் மண்டிக் கிடக்கிறது. அணையைத் தூர் வார வேண்டும். நீர்ப் பிடிப்புப் பகுதிகளில் ஆழப்படுத்த வேண்டும் எனப் பல முறை விவசாயிகள் போராட்டங் களை நடத்தினர். ஆனால், இதுவரை அரசாங்கம் அதற்கான எந்த முயற்சியையும் எடுக்க வில்லை. தூர்வாரியிருந்தால், இன்னும் ஓர் ஆண்டுக்குப் பிரச்னை இல்லாத நிலை ஏற்பட்டிருக்கும்.

- கா.முரளி

அணைகள் இருந்தும் பயனில்லை!

தி
ருவண்ணாமலை மாவட்டத்தில் சாத்தனூர் அணையைத் தவிர குப்பனத்தம் அணை, செண்பகத்தோப்பு அணை, மிருகண்டா அணை ஆகிய 3 சிறிய அணைகள் உள்ளன. இவை விவசாயத் தேவைக்காக உருவாக்கப்பட்டவை. இந்த அணைகள் தூர்வாரப்படாததால் தண்ணீர் சேமிக்க முடியாத நிலையில் உள்ளன. குப்பனத்தம் அணையின் உயரம் 59.04 அடி. அணையின் மொத்தக் கொள்ளளவு 700 மில்லியன் கன அடி. செண்பகத்தோப்பு அணையின் நீர் மட்டம் 62.32 அடி. மொத்தக் கொள்ளளவு 287 மில்லியன் கன அடி. மிருகண்டா அணையின் உயரம் 22.97 அடி. அணையின் மொத்தக் கொள்ளளவு 87.235 மில்லியன் கன அடி. தற்போதைய நிலையில், இந்த மூன்று அணைகளாலும் விவசாயிகளுக்கு எந்தப் பயனும் இல்லை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு