Published:Updated:

மிஸ் யுனிவர்ஸ் ஆஸ்திரேலியாவாகத் தேர்வான இந்திய வம்சாவளி பெண்! #PriyaSerraro

மிஸ் யுனிவர்ஸ் ஆஸ்திரேலியாவாகத் தேர்வான இந்திய வம்சாவளி பெண்! #PriyaSerraro
மிஸ் யுனிவர்ஸ் ஆஸ்திரேலியாவாகத் தேர்வான இந்திய வம்சாவளி பெண்! #PriyaSerraro

இந்தியாவைப் பூர்வீகமாகக் கொண்ட பிரியா செராரோ, 2019-ம் ஆண்டின் 'மிஸ் யுனிவர்ஸ் ஆஸ்திரேலியா' பட்டத்தை வென்றிருக்கிறார். இவர், இந்த ஆண்டு நடைபெறவிருக்கும் 'பிரபஞ்ச அழகிப் போட்டியில்', ஆஸ்திரேலியா சார்பாகப் பங்குபெறப்போகிறார்.

மிஸ் யுனிவர்ஸ் ஆஸ்திரேலியாவாகத் தேர்வான இந்திய வம்சாவளி பெண்! #PriyaSerraro

26 அழகிகளைப் பின்னுக்குத் தள்ளி வெற்றிவாகை சூடிய பிரியா, "நான் இன்னும் பன்முகத்தன்மையைக் காண விரும்புகிறேன். என்னைப் போன்ற பின்னணியைக் கொண்டவர்களும் இங்கே இருக்கிறார்கள் என்பது அற்புதமாக இருக்கிறது. நான் இதற்கு முன்பு எந்த அழகிப் போட்டிகளிலும் பங்குபெறவில்லை. மாடலிங் செய்ததில்லை. இது எனக்கு மிகப் பெரிய ஆச்சர்யம். இந்த அனுபவத்தின் ஒரு பகுதியாகவே இருக்க விரும்பினேன்" என்று கூறினார். மேலும், இன்ஸ்டாகிராமில் தன் புகைப்படத்தோடு, "கடந்த 24 மணிநேரத்தில் என்ன நடந்தது என்று என்னால் நம்ப முடியவில்லை. இதுவரை நீங்கள் எனக்கு அளித்த ஆதரவுக்கு மிகப் பெரிய நன்றி" என்று கூறி பதிவிட்டிருந்தார்.

மிஸ் யுனிவர்ஸ் ஆஸ்திரேலியாவாகத் தேர்வான இந்திய வம்சாவளி பெண்! #PriyaSerraro

26 வயதான பிரியா, கர்நாடகாவில் பிறந்தவர். தன் பெரும்பாலான குழந்தைப் பருவத்தை ஐக்கிய அரபு நாடுகளில் கழித்தார். பிறகு,  11 வது வயதில் ஆஸ்திரிலியாவுக்குக் குடிபெயர்ந்தார். சட்டக் கல்லூரி மாணவியான இவர் தன் வாழ்நாளின் பெருமைமிக்கத் தருணமாக நினைப்பது, திமோர் - லெஸ்டேவில் ஐ.நா வளர்ச்சித் திட்டத்தில் தனது இன்டர்ன்ஷிப்பை முடித்ததுதான். தற்போது பிரபஞ்ச அழகி இறுதிப் போட்டிக்காக ஆவலோடு காத்துக்கொண்டிருக்கிறார்.

Vikatan