Published:Updated:

ஹாய் மதன் கேள்வி - பதில்

சென்ற ஆண்டின் ஹீரோ?!

வ.செல்வா, திண்டுக்கல்.

 ஒவ்வொரு புத்தாண்டையும் இவ்வளவு ஆர்பாட்டமாகக் கொண்டாட வேண்டியது அவசியம்தானா?

ஹாய் மதன் கேள்வி - பதில்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

அடுத்த புத்தாண்டை நாம் சந்திப்போம் என்பது என்ன நிச்சயம்?! நம் வாழ்நாளில் அது (நாமே ஏற்படுத்திக்கொண்ட) மைல்கல்! அடுத்த மைல்கல்லைப் பார்ப்போம் என்று யாராலும் நிச்சயமாகச் சொல்ல முடியாது. ஆகவே, கொண்டாடுகிறோம்! 'ஹேப்பி நியூ இயர்!’ என்று சொன்னால் பதிலுக்குச் சிடுசிடுவென்று 'ஸேம் டு யூ!’ என்று உறுமுபவர்களையும் நான் சந்தித்து இருக்கிறேன்! ஜனவரி 1-ம் தேதியில் புத்தாண்டைக் கொண்டாடாத நாடே இருந்தது. அமெரிக்கா! 1752-ம் ஆண்டு வரை மார்ச் 25-ம் தேதியைத்தான் அமெரிக்கா புத்தாண்டாகக் கொண்டாடியது. காரணம், அப்போதுதான் மலர்கள் பூக்க ஆரம்பிக்கும் இளவேனிற் பருவம் (Spring) துவங்குகிறது. பிறகு, காலண்டரை மாற்றி ஜனவரி 1-ம் தேதியாக மாற்றினார்கள்!

 வி.கிருஷ்ணசாமி, தஞ்சாவூர்.

##~##

அனுபவம் என்றால் என்ன? அதை அளவு எடுக்க முடியுமா?

முடியாது! மூளையில் உள்ள கோடானு கோடி 'செல்’கள் உள்வாங்கித் தக்கவைத்துக்கொண்டு, பிற்பாடு வெளிப்படுத்தும் Data-தான் அனுபவம்! மற்றபடி (பெருமூச்சோடு சொல்ல வேண்டும்என்றால்) அனுபவம் என்பது நீங்கள் முடி எல்லாம் இழந்த பிறகு, வாழ்க்கை உங்களுக்குத் தரும் சீப்பு!

 காமினிகேசவன், புனே-3.

  உங்களைப் பொறுத்தவரையில் சென்ற ஆண்டின் ஹீரோ யார்?

சுற்றிலும் நிகழும் தவறுகளுக்கு அருகில் வாழ்ந்தாலும், தவறுகள் செய்யாமல் வாழ்வதற் காக, விடாமல் முயன்றுகொண்டு இருக்கும் சாதாரண மனிதன்தான் எந்தப் புத்தாண்டிலும் என்ஹீரோ!

ஜெ.உமேஷ்குமார், விசாகப்பட்டினம்.

  ஆண்களுக்கு மார்பில் முடி இருக்கிறது. பெண்களுக்கு ஏன் இல்லை? (ப்ளீஸ், விஞ்ஞான காரணம் தேவை!)

ஹாய் மதன் கேள்வி - பதில்

இரண்டு விதமான முடிகள் மனிதனுக்கு உண்டு. மெல்லிய (பூனை!) Vellus  முடி, அடர்த்தியான 'terminal’ முடி. உடலின் குறிப்பிட்ட இடங்களில் 'டெர்மினல்’ முடி இருப்பினும், உடல் முழுவதும் மனிதனுக்கு 'வெல்லஸ்’ முடி உண்டு. மார்பில் முடி இல்லாத ஆண்களும் உண்டு. (குறிப்பாக கீழ்த் திசை நாடுகளில்). குழந்தைக்கு இடைஞ்சல் இல்லாமல் பால் தர வசதியாக பெண்களுக்கு மார்பில் முடியில்லாமல் போய்விட்டது - Evolution! முடி என்பது குளிரில்இருந்து ஒரு பாதுகாப்பு. ஸ்வெட்டர் என்பது 'முடி’தான்! உடலில் முடியே இல்லாத இடங்கள் - தொப்புள்,உதடு கள்,  முலைக் காம்பு, உள்ளங்கை - கால்!

 விஜயகுமாரி ராகவ், பெங்களூரு-5.

ஒரு கெட்ட பழக்கமும் இல்லாத மனிதர்கள் உலகில் எவ்வளவு பேர் இருப்பார்கள்?

பல கெட்ட பழக்கங்கள் ரகசியம் என்பதால்... எனக்குத் தெரியாது! ஒரு கெட்ட பழக்கமும் இல்லாத வாழ்க்கை கொஞ்சம்  'போர்’ அடிக்கும்தான்! அட்லீஸ்ட், சற்று வயதான பிறகு, டாக்டரிடம் போனால் அவர் 'விட்டுவிடச் சொல்வதற்காகவாவது’ ஒரு கெட்ட பழக்கம் வேண்டாமா?!

 ம.குமரேசன், கோயம்புத்தூர்-8.

என் 'கேர்ள் ஃப்ரெண்ட்’ அவ்வப்போது, காரணம்எதுவும் இல்லாமல் என் மீதுஎரிந்து விழுகிறாள். நான் என்ன தவறு செய்கிறேன் என்று எனக்கே புரியவில்லை?

உங்களுக்கே புரியாவிட்டால், எனக்கு என்ன டெலிபதியா தெரியும்?! ஆனால், ஒன்று - வாய்ப்புகளைத் தவறவிடுகிற பாய் ஃப்ரெண்ட் மீது பெண்ணுக்கு ரொம்ப எரிச்சல் வரும்தான்!

 என்.ஆராவமுதன், திருச்சி.

தர்பூசணி, சப்போட்டா போல எந்தப் பழத்தின் விதைகளையும் சாப்பிடக் கூடாது. விழுங்கினால், தொப்புள் வழியாக அந்தச் செடி வளரும் என்கிறான் என் நண்பன். என்

ஹாய் மதன் கேள்வி - பதில்

பயத்தை மதன் சார்தான் போக்க வேண்டும்?!

  அப்படி என்றால், ஆலம் விதையை விழுங்கினால்? தொப்புளில் இருந்து விழுதுகளோடு பெரிய ஆலமரம்?! நினைக்கவே கதி கலங்குகிறது! அதெல்லாம் மகா டூப். அல்லது ஃபோபியா! முதலில் நல்ல விளை நிலத்தில்இருந்து மண்ணை ஒரு பிடி விழுங்கி, பிறகு விதையை விழுங்கி, ஒரு டம்ளர் தண்ணீரைக் குடித்தாலும் (நீர் பாய்ச்சுதல்!) எந்தச் செடியும் தொப்புளில் இருந்து வளராது! வயிற்றில் இருந்து தொப்புளுக்கு 'ரூட்’டே கிடையாது. சிறுகுடல் வழியாகப் பெருங்குடலுக்குப் போய்விடும் (மாங்கொட்டை என்றால் Constipation ஏற்படும் என்பது வேறு விஷயம்!). ஆனால், ஒரே இடத்தில் மல்லாக்கப்படுத்துக்கொண்டு, தொப்புளில் கொஞ்சம் மண்ணைப்போட்டு, விதைத்து, ஒரு சிறு செடியை வளர்க்க முடியும்... உஷார்!