Published:Updated:

தேனியிலதான் வாழ்க்கை இருக்கு!

தேனியிலதான் வாழ்க்கை இருக்கு!

##~##

'மைனா’வுக்குப் பிறகு 'கும்கி’ படத்துக்காக மீண்டும் தேனி வந்திருக்கிறார் இயக்குநர் பிரபு சாலமன்.

 ''சென்னையில் 10 சதவிகிதம்தான் நிறைவான வாழ்க்கை இருக்கு. மக்களுக்கான வாழ்க்கை கிராமப் பகுதிகளில்தான் இருக்கு. நிஜத்திலே நிறைய சினிமாவுக்கான கதைகள் தென் மாவட்ட  கிராமப்புறங்களில்தான் இருக்குது. அதான் சென்னை தாண்டி இங்கே வர்றோம். அதுவும் தேனியைச் சுற்றியுள்ள மலைகள், அடுக்கடுக்கான வயல் வெளிகள், பசுமை, ஈரம், மண் சார்ந்த மனிதர்கள் எல்லாமே பார்க்கவும், சொல்லவும் அவ்வளவு அழகான விஷயங்கள்!''

தேனியிலதான் வாழ்க்கை இருக்கு!

'' 'கும்கி’ யானைகளைப்பற்றி கொஞ்சம் சொல்லுங்க?''

''2012-ம் வருஷம் யானைகளோட வருஷம். யானை ஓர் அற்புதமான விலங்கு. அது யாருக்கும் எந்தத் தீங்கும் செய்யாது. யானைகளின் வாழ்வியல் ஆதாரங்களை மனிதர்கள் ஆக்கிரமிப்புச் செய்யும்போதுதான் யானைகள் உணவுக்காக, நீருக்காக ஊருக்குள் வருது. 'யானை ஊருக்குள், தோட்டத்துக்குள் புகுந்து அட்டகாசம்’னு வர்ற செய்தி, உண்மையிலேயே மனுசங்களுக்கு ஆதரவா எழுதப்படுற பொய். ஆனா, நிஜத்தில் யானைகளின் நியாயத்தை, உண்மையை யாரும் புரிஞ்சிக்கறதே இல்லை. கும்கிக்காக, 50-60 யானைகளைப் பார்த்து கடைசியில் 'மாணிக்கத்தை’த் தேர்ந்தெடுத்தோம். அழகான யானை அது. வெல்லம் கொடுத்து பழக்கி, கொஞ்சம் கொஞ்சமாக மாணிக்கம்கிட்ட ஃப்ரெண்ட் ஆனோம். ஷூட்டிங் முடிஞ்சு மாணிக்கம் கிளம்பும்போது அழுகையே வந்துடுச்சு!''

தேனியிலதான் வாழ்க்கை இருக்கு!

''பிரபு பையன் எப்படி நடிச்சிருக்கார்?''

''விக்ரம் பிரபு ரொம்ப நல்லா பண்ணி இருக்கார். அவர்கிட்டயே  பேசுங்க!'' என்று விக்ரம் பிரபுவை என்னிடம் அறிமுகப்படுத்திவைக்கிறார் பிரபு சாலமன்.

தேனியிலதான் வாழ்க்கை இருக்கு!

''தாத்தா, அப்பா எல்லாரும் பெரிய நடிகர்களாக இருந்தாலும்,  வேலைனு வந்துட்டா, எல்லாருக்கும் கஷ்டம் ஒண்ணுதான். சென்னை வாழ்க்கையெல்லாம் ஒரு வாழ்க்கையே இல்லைனு புரிஞ்சுக்கிட்டேன். அதை எனக்கு உணர்த்தினது இந்த யானைப் பாகன் கேரக்டர்தான். இந்தப் படம் எல்லா அப்பாவி யானைகளுக்குமான சமர்ப்பணம்!'' என்கிறார் விக்ரம் பிரபு.

தேனியிலதான் வாழ்க்கை இருக்கு!

-சண்.சரவணக்குமார்
படங்கள்: வீ.சக்தி அருணகிரி

அடுத்த கட்டுரைக்கு