Published:Updated:

பெண்கள் கவனிக்க!

பெண்கள் கவனிக்க!

பெண்கள் கவனிக்க!

பெண்கள் கவனிக்க!

Published:Updated:
பெண்கள் கவனிக்க!

'உலக அளவில் 13 மில்லியன் பெண்கள் புற்றுநோயால் பாதிக்கப்படுகின்றனர். இந்தியாவைப் பொருத்தவரை 2001-02-ம் ஆண்டில் ஒரு லட்சத்துக்கு 18 பேர் என்ற ரீதியில் இருந்த பாதிப்பு, 2015-ல் ஒரு லட்சத்துக்கு 34 பேருக்கு மார்பகப் புற்றுநோய் வரலாம் என்று அஞ்சப்படுகிறது.'' -இப்படி அதிர்ச்சி கலந்த ஆராய்ச்சி செய்திகள் பெண்களைப் பீதிக்கு உள்ளாக்கி வருகின்றன. ''இந்த ஆய்வுகள் குறித்து நாம் கொஞ்சம் அக்கறை எடுத்தால் மார்பகப் பிரச்னை என்பதே இல்லாமல் செய்துவிடலாம்'' என கனிவான அறிவுரைகளை 'நில்... கவனி... கண்மணி!’ என்ற புத்தகத்தின் மூலம் அள்ளித் தந்திருக்கிறார் டாக்டர் சு. முத்துச்செல்லக்குமார்.  

மார்பகம் மறைமுக உறுப்பாகிவிட்டபடியால், அதில் ஏற்படும் பிரச்னை குறித்துப் பெண்கள் பகிரங்கமாகப் பேசத் தயங்குகிறார்கள். அதன் விளைவு, அவர்களின் உயிருக்கு ஆபத்தாக முடிகிறது. இந்த நிலையில், பெண்கள் மார்பகத்தைச் சுய பரிசோதனை செய்து கொள்வது நல்லது என்கிற டாக்டர் சு.முத்துச்ªசல்லக்குமார், ''20 வயதுப் பெண்கள் மாதம் ஒரு முறை மருத்துவரிடம் சென்று பரிசோதனை செய்துகொள்ள வேண்டும். 20 முதல் 40 வயதுக்கு இடைப்பட்டவர்கள் மூன்று வருடங்களுக்கு ஒரு முறையும், 40 வயதுக்கு மேற்பட்டவர்கள் வருடம் இரண்டு முறையும், 50 வயதுக்கு மேற்பட்டவர்கள் வருடம் ஒரு முறையும் மேமோகிராம் பரிசோதனை செய்துகொள்வதன் மூலம், மார்பகப் புற்றுநோய்ப் பிரச்னைகளைக் கண்டறிந்து குணப்படுத்த முடியும்'' என்கிறார் விளக்கமாக.

ஒட்டுமொத்த விகடனுக்கும் ஒரே ஷார்ட்கட்!

பெண்கள் கவனிக்க!

இளம் பெண்கள், மாதவிடாய் முடிந்த பெண்கள் மார்பகத்திற்கு ஏற்ப எந்த மாதிரியான பிரா அணிய வேண்டும் என்பதில் தொடங்கி, மார்பகத்தின் அமைப்பு, அதற்கான வளர்ச்சி, மார்பகத்துக்கான உடற்பயிற்சி, பராமரிப்பு, மார்பகத்தில் வரும் தொற்று, கட்டிகளில் சாதாரணக் கட்டி மற்றும் புற்று நோய்க் கட்டிகளை எப்படி வேறுபடுத்தி அறிந்துகொள்வது, புற்றுநோய் வருவதற்கான காரணங்கள், நவீன சிகிச்சை முறைகள் என மார்பகத்தைப் பற்றிய பல செய்திகளைத் தெளிவாகத் தந்திருக்கிறார் நூல் ஆசிரியர்.  

மேலும் தாய்ப்பால் கொடுப்பதால் மார்பகப் புற்றுநோய்கள் வரும் வாய்ப்புகள் வெகுவாகக் குறையும் என்பதையும், அதனால் தாய்க்கும் சேய்க்கும் ஏற்படும் நன்மைகளைப் பட்டியல் இட்டிருப்பதும் முத்தாய்ப்புத் தகவல்கள்.  

புற்றுநோயின் நிலைகள், யாருக்கெல்லாம் புற்றுநோய் வரும், ஆரம்பத்திலேயே கண்டறியும் சிகிச்சைகள், பரிசோதனைகள், 95% மார்பகப் புற்றுநோயைக் கண்டறியும் மேமோ பரிசோதனை பற்றிய விவரங்கள் எனக் குறைந்த விலையில் அதிகத் தகவல்களைத் தந்து, பெண் குலத்துக்கே இந்த புத்தகம் ஒரு ஆரோக்கியமான வழிகாட்டியாக விளங்குகிறது.

நின்று, நிதானமாகக் கவனித்து, படித்து, கடைப்பிடிக்கவேண்டிய அற்புதமான களஞ்சியம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism