Published:Updated:

ரூம் போட்டு யோசிப்பாங்களோ?

ரூம் போட்டு யோசிப்பாங்களோ?

ரூம் போட்டு யோசிப்பாங்களோ?

ரூம் போட்டு யோசிப்பாங்களோ?

Published:Updated:

'அம்மா பிறந்த நாளைக்கு நாம கொஞ்சம் ஸ்பெஷல்னு எப்படிக் காட்டுறது?" என்று தீவிரமாக யோசித்த சோழவந்தான் எம்.எல்.ஏ. கருப்பையா, ஒரு அற்புதமான முடிவுக்கு வந்தார்.

 டிராக் சூட்டும், கட்சிக் கொடி நிறத்தில் ஒரு டி-ஷர்ட்டும் போட்டுக்கொண்டு 60 அடி ஆழமுள்ள கிணற்றில் தொபுக்கடீர் என்று குதித்துவிட்டார் கருப்பையா. கிணற்றின் உள்ளே எட்டிப் பார்த்தால் கையையும் காலையும் செங்குத்தாக நீட்டியபடி கட்டை மாதிரி மிதந்துகொண்டிருந்தார் கருப்பையா. ஐந்து நிமிடங்கள் தம் கட்டி அவர் கிடந்த கோலத்தைப் பத்திரிகையாளர்கள் எல்லாம் வரிசையாக போட்டோ எடுத்தார்கள். அதில் ஒருவர், "அண்ணே கொஞ்சம் சிரிங்கண்ணே... கையில கட்சிக் கொடியைப் பிடிங்கண்ணே" என்று 'ட்ரில்' எடுத்தார்.

ரூம் போட்டு யோசிப்பாங்களோ?

மூச்சிரைக்க எம்.எல்.ஏ. வெளியே வந்ததும், ''கிணற்றில் குதித்து 'ஜலதோஷம்' செய்த கருப்பையா எம்.எல்.ஏ. வாழ்க" என்று கோஷம் விண்ணை முட்டியது. சட்டென்று முகம் மாறி, கோஷமிட்டவர் பக்கம் திரும்பிய கருப்பையா, "அது ஜலதோஷம் இல்ல தம்பி. ஜலபிரதஷ்ணம். அது ஒரு யோகா" என்று திருத்திவிட்டு வந்தார். ''பத்திரிகைகாரங்க எல்லாம் வந்தாச்சா?" என்று கேட்டவர், "புரட்சித் தலைவி, தங்கத் தாரகை, தமிழகத்தின் நிரந்தர முதல்வர், நாளைய பாரதப் பிரதமர் அம்மா அவர்களின் பிறந்த நாளை முன்னிட்டு, அவர்கள் நீடுழி வாழவேண்டி இந்த ஜலபிரதஷ்ண யோகாசனத்தைச் செய்துள்ளேன். " என்று சொல்ல மறுபடியும் கை தட்டினார்கள் ர.ர.க்கள்.

ரூம் போட்டு யோசிப்பாங்களோ?

இந்தக் களேபரத்துக்கு மத்தியில், முதல்வரின் நலனுக்காக கென்யா வீராங்கனைகளை மீனாட்சி அம்மன் கோயிலுக்கு அழைத்து வந்து சிறப்பு பிரார்த்தனை செய்யப்போவதாக ஆரப்பாளையம் பகுதி அ.தி.மு.க-காரர்கள் பந்தாவாகப் பத்திரிகையாளர்களுக்கு போன் போட்டார்கள். 'என்னன்னுதான் பார்ப்போமே’ என்று மீனாட்சியம்மன் கோயிலுக்குப் போனால், நல்ல உருளைக்கிழங்கு மாதிரி உருண்டையாக 10 கொரிய வீராங்கனைகளை அழைத்து வந்திருந்தார்கள். (கொரியாவை 'கென்யா' என்று சொன்னவர்களின் இங்கிலீஷில் தீயை வைக்க!)

'தூத்துக்குடியில் நடக்கிற கபடிப் போட்டிக்கு என்று கூட்டிவந்துவிட்டு, இப்படி எல்லாமாய்யா விளம்பரம் தேடுவீங்க’ என்று கடுப்பானோம். ஆண்களாக இருந்தாலும் கூட கோயிலுக்குள் அரைக்கால் சட்டையோடு போகக் கூடாது என்பது ரூல்ஸ். தேங்காய்ப் பழக் கடையில் ஒரு வேட்டியை வாடகைக்கு வாங்கி அணிந்துகொண்டால்தான் உள்ளே அனுமதிப்பார்கள். ஆனால், முதல்வர் பெயரைச் சொல்லி அந்தப் பிள்ளைகளை அரைக்கால் சட்டையோடு கோயிலுக்குள் அழைத்துக்கொண்டு போய்விட்டார்கள். கிழடு கட்டைகளில் ஆரம்பித்து, விடலைப் பசங்க வரைக் கும் எல்லோரும், 'கால் கண்டார் காலே கண்டார்' என்று பார்த்துக்கொண்டே இருந்தார்கள்.

அடக் கடவுளே..!

- கே.கே.மகேஷ்

படங்கள்: ஆர்.எம்.முத்துராஜ்