Published:Updated:

செப்டிலானில் ஒருத்தியம்மா நீ!

செப்டிலானில் ஒருத்தியம்மா நீ!

செப்டிலானில் ஒருத்தியம்மா நீ!

செப்டிலானில் ஒருத்தியம்மா நீ!

Published:Updated:
செப்டிலானில் ஒருத்தியம்மா நீ!

மெரிக்காவில் உள்ள வேகாஸ் நகரில் வசிக்கும் ஜூவான் கிந்தர் என்ற பெண்மணிதான் உலகிலேயே அதிர்ஷ்டக்காரப் பெண்மணி. ஏன்ன்ன்...னு கேட்கிறீங்களா? இன்ன தேர்தலில் இவர்தான் ஜெயிப்பார் என்று சரியாகக் கணிக்கக்கூடிய ஆக்டோபஸ் மீன் எதனையும் வீட்டில் வளர்க்கிறாரா? இல்லை. லாட்டரியில் வென்றிருக்கிறார். ஒருமுறை இருமுறை அல்ல... இதுவரை மொத்தம் நான்கு தடவைகள் ஜெயித்திருக்கிறார். 1993-ம் ஆண்டு முதன்முறையாக 2.50 கோடியையும், 2006-ம் ஆண்டு 90 லட்சத்தையும், 2008-ம் ஆண்டில் 1 கோடியே 40 லட்சத்தையும், அதே ஆண்டில் மறுபடியும் 50 கோடியையும் பரிசாக வென்றிருக்கிறார். ஒரே ஆள் 15 வருட இடைவெளியில் நான்கு முறை மிகப் பெரிய தொகைகளை லாட்டரியில் வெல்வது என்பதை உங்களால் நம்ப முடிகிறதா?

செப்டிலானில் ஒருத்தியம்மா நீ!

ஆனால், "அம்மணி போங்கு ஆட்டம் ஆடுகிறார், இந்த மாதிரி வெற்றி நடைமுறையில் சாத்தியப்படாது" என்று நெவேடா பல்கலைக்கழகப் பேராசிரியர் ஒருவர் கருத்துத் தெரிவித்திருக்கிறார். அதிர்ஷ்டத்தைப்பற்றிப் பேராசிரியருக்கு என்ன தெரியும் என்கிறீர்களா? நெவேடா பல்கலைக்கழகத்தின் 'சூதாட்டவியல் மற்றும் வணிகரீதியிலான விளையாட்டுத் துறை' பேராசிரியர் அவர் என்றால், அவருடைய சந்தேகம் நியாயமானதுதானே? கிந்தரின் தொடர் வெற்றி குறித்து சந்தேகம் எழுவதற்கு வேறொரு காரணமும் உண்டு. கிந்தர் அமெரிக்கப் பல்கலைக்கழகத்தில் புள்ளியியலில் பி.ஹெச்டி முடித்தவர். இப்போது மண்டைக்குள் மணியடிக் கிறதா? யெஸ்! தன்னுடைய புள்ளியியல் மூளையை உபயோகித்து எந்த எண் வெற்றி பெறும் என்பதை அவர் மிகச் சரியாகக் கணிக்கிறார். பரிசுத் தொகைக்கான எண்ணை சரியாகக் கணித்த பின், எந்தெந்த வரிசைக்குரிய எண்கள் எந்தெந்த டீலர்களுக்கு அனுப்பி வைக்கப்பட்டிருகின்றன என்ற விவரத்தை லாட்டரி அலுவலகத்தில் வேலை செய்யும் யாரோ ஒருவர் மூலமாகப் பெற்றுவிடுகிறார். இவர் மேல் ஊழல் குற்றச்சாட்டு வாசிப்போரின் அனுமானம் இதுதான். ஆனால், எதுவும் நிரூபிக்கப்படவில்லை.

இந்த மாதிரியான அதிர்ஷ்டம் எல்லாம் 18 செப்டிலானில் ஒருவருக்குத்தான் அடிக்கும் என்பதுதான் ஆச்சர்யத் தகவல். அதென்ன செப்டிலான்? மில்லியன், பில்லியன், ட்ரில்லியன் வரிசையில் செப்டிலானும் ஒன்று. புரியவில்லையா? இன்னும் கொஞ்சம் விளக்கமாச் சொல்லட்டுமா? 18000000000000000000000000. கண்ணைக் கட்டுதா, ஸ்பெக்ட்ரம் சைபர்களைவிட கொஞ்சம்தான் அதிகம் பாஸ்!

- சீலன்