Published:Updated:

காதலுக்குப் பள்ளிக்கூடம் கட்டப் போறேன் நானடி!

காதலுக்குப் பள்ளிக்கூடம் கட்டப் போறேன் நானடி!

காதலுக்குப் பள்ளிக்கூடம் கட்டப் போறேன் நானடி!

காதலுக்குப் பள்ளிக்கூடம் கட்டப் போறேன் நானடி!

Published:Updated:

''காதல்ங்கிறது பரீட்சை இல்லை, அது ஒரு ஃபீலிங்'', ''காதல்ங்கிறது பூ இல்லை, அடிக்கடி உதிர்றதுக்கு'', ''காதல்ங்கிறது ஆயாக் கடை பாயா இல்லை, ஆறிப் போறதுக்கு''... இப்படி எல்லாம் நம் தமிழ் சினிமாக்களில் காதல் பற்றி பாடம் எடுத்துப் பாடாய்ப்படுத்துவது தெரியும். ஆனால், பீகாரில் மதுக்நாத் என்ற பேராசிரியர் 15 லட்ச ரூபாய் செலவில் காதல் பள்ளிக்கூடம் ஒன்றையே கட்டி வருகிறார். 'அவ்ளோ பெரிய அப்பாடக்கரா?’ என்கிறீர்களா? .

மதுக்நாத்துக்கு வயது 60. பீகார் தேசியக் கல்லூரியில் இந்திப் பேராசியராகப் பணியாற்றியவருக்கு ஏழு வருடங்களுக்கு முன்பு, தன்னிடம் படித்த 23 வயது மாணவி ஜூலி மீது காதல் வந்தது.  'ஜூலி ஐ லவ் யூ’ என்று புரபோஸ் செய்தார். சும்மா விடுவார்களா மாணவர்களும் ஊர்க்காரர்களும். மதுக்நாத்தை வெளுத்துவிட்டார்கள் வெளுத்து. கல்லூரி நிர்வாகம், மதுவை டிஸ்மிஸ் செய்து வீட்டுக்கு அனுப்பியது. ஆனால், அங்கேதான் ஒரு ட்விஸ்ட்.

காதலுக்குப் பள்ளிக்கூடம் கட்டப் போறேன் நானடி!

காதலனை அண்ணனின் ஆட்கள் அடி பின்னி எடுத்ததும், தமிழ் சினிமா ஹீரோயின்களுக்கு வருமே பரிதாப உணர்ச்சியில் தோய்ந்த காதல், அது ஜூலிக்கும் வந்தது. 'நம் மீது உள்ள அன்பாலேதானே  இவ்வளவும் பொறுத்துக்கொள்கிறார்’ என்று 'ஐ டூ லவ் யூ’ சொல்லிவிட்டார் ஜூலி.

முதல் மனைவியை விட்டுவிட்டு, காதலியுடன் குஷியாக இருக்கும் மதுக்நாத், இந்தக் காதலர் தினத்தில் படு உற்சாகமாகிவிட்டார். காரணம், ஒரு கார். ஒரு புதுரக காரை கணவரிடம் எப்படியாவது கேட்டு வாங்கிவிட வேண்டும் என்று ரொம்ப நாளாக மனதில் நினைத்திருந்தாராம் ஜூலி. ஆனால், வேலன்டைன்ஸ் டே அன்று, தான் மனதில் நினைத்த அதே கார் வீட்டு வாசலில் சர்ப்ரைஸாக வந்து நின்றதைப் பார்த்து ஓடிப்போய் இறுகக் கட்டிகொண்டு முத்தம் கொடுத்தாராம் ஜூலி. காருக்கு அல்ல, அன்புக் கணவருக்கு.

காதலுக்குப் பள்ளிக்கூடம் கட்டப் போறேன் நானடி!

தான் சொல்லாமலே தனக்கு வேண்டியதை வாங்கித் தரும் அன்புக் கணவரை ஜூலி அனுதினமும் அன்பால் ஆராதிக்க, தனக்கு வாழ்வின் அர்த்தத்தை உணர்த்திய ஜூலியைப்போல் எல்லோரும் காதல் என்னும் அற்புதத்தை அனுபவிக்க வேண்டும் என்று  பல லட்ச ரூபாய் செலவு செய்து காதல் பள்ளிக்கூடம் ஒன்றைக் கட்டியிருக்கிறார் இந்த 'சீனியர் சிட்டிசன்’ ஷாஜகான்.

நடத்துங்க தாத்தா, நடத்துங்க!

கே.பிரபாகரன்