Published:Updated:

வயிறைப் பற்றிய விரிவான புத்தகம்!

வயிறைப் பற்றிய விரிவான புத்தகம்!

வயிறைப் பற்றிய விரிவான புத்தகம்!

வயிறைப் பற்றிய விரிவான புத்தகம்!

Published:Updated:
##~##

டாக்டர் விகடனில், இரா.சரவணனின் எழுத்தாக்கத்தில், டாக்டர் செல்வராஜனின் 'இப்படிக்கு வயிறு’ என்ற கட்டுரைத் தொடராக வெளிவந்து, வயிறு தொடர்பான பிரச்னை உள்ளவர்களின் பலருடைய வயிற்றுக்குப் பால் வார்த்தது. வயிறுப் பற்றிய அனைத்து விஷயங்களையும் தீர்வுகளையும் சொல்லும் இந்த அரிய நூல், அனைவரும் படித்துப் புரிந்து கொள்ளும்வகையில் எளிய நடையில் எழுதப்பட்டுள்ளது. செரிமான மண்டல உறுப்புக்கள், அவற்றின் செயல்பாடுகள், பணிகள், அவற்றைப் பாதிக்கும் நோய்களைப் பற்றியும் விரிவாக எழுதியுள்ளார் டாக்டர் செல்வராஜன். 

இன்றைய தலைமுறையினர் பலருக்கு இருக்கும் பிரச்னை, குடல் புண். இரைப்பையின் இயக்கம் சீராக செயல்பட்டால் எந்தப் பிரச்னையும் இல்லை. ஆனால், அதில் ஏதேனும் மாறுபாடு ஏற்பட்டு, ஹார்மோன் சுரப்பும் அதிகமாகி, அமிலமும் சமன்படுத்தப்படாத நிலையில் அதிகமானால்தான் ஆபத்து. அமிலம்தான் குடல் புண்ணை ஏற்படுத்தி, அல்சரில் கொண்டுவிடுகிறது என்று எச்சரிக்கிறது இந்தப் புத்தகம். எந்தப் பிரச்னைக்கும் சுயமருத்துவம் செய்வது தவறு, அதன் பக்கவிளைவாக பாதிக்கப்படுவது என்னவோ... வயிறுதான் என்ற செய்தி, எச்சரிக்கை உணர்வை ஏற்படுத்துகிறது.

ஒட்டுமொத்த விகடனுக்கும் ஒரே ஷார்ட்கட்!

வயிறைப் பற்றிய விரிவான புத்தகம்!

நாம் உணவை உட்கொள்ளும்போது, தீவிரமாக வேலை பார்க்கும் இரைப்பை, 20 நொடிகளுக்கு ஒருமுறை சுருங்கி விரியும். இரைப்பையானது பட்டினிக்கிடக்கும்போது மூன்று நிமிடங்களுக்கு ஒருமுறை சுருங்கி விரியும். பட்டினிக் கிடப்பவர்களுக்கு பசி மயக்கதோடு வலியும் வருவதற்கு காரணம்... வெறுமனே இப்படி சுருங்கி விரிவதால்தான். 'பட்டினியில் இருப்பவர்களுக்கு இரைப்பை இரண்டு முதல் மூன்று நிமிடங்கள் சுருங்கி விரிவதால் உண்டாகும் வலியானது நான்கு நாட்கள் வரை விட்டு விட்டு நீடிக்கும்’ என்று வயிற்றைப் பட்டினிப் போடுவதால் ஏற்படும் பாதிப்பை விளக்கியிருக்கிறார் ஆசிரியர்.

பல அரிய தகவல்களைக்கொண்டு, வயிறு தன் கதையைத் தானே சொல்லும் முறையில் எழுதப்பட்டிருக்கும் இந்தப் புத்தகம், புதுமையானது. படிப்பதற்கு சுவாரஸ்யமாக இருப்பதுடன் எளிதில் புரிந்து கொள்ளவும் முடிகிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism