Published:Updated:

மன அழுத்தத்தைக் குறைக்கும் மகத்தான நூல்!

மன அழுத்தத்தைக் குறைக்கும் மகத்தான நூல்!

மன அழுத்தத்தைக் குறைக்கும் மகத்தான நூல்!

மன அழுத்தத்தைக் குறைக்கும் மகத்தான நூல்!

Published:Updated:

உலகிலேயே இந்தியர்கள்தான் அதிக அளவு மன அழுத்தத்துக்கு உள்ளாகிறார்கள் என்று அதிர்ச்சிகரமான தகவலைத் தெரிவித்துள்ளது உலக சுகாதார நிறுவனம். 

நோய்களின் பட்டியலில் மன அழுத்தம் நான்காவது இடத்தில் இருக்கிறது. இந்திய மக்கள்தொகையில், சுமார் ஒன்பது சதவிகிதம் பேர் மன அழுத்த நோய்க்கு ஆளாகியிருக்கிறார்களாம். நரம்பியல் துறையில் 30 ஆண்டுகள் அனுபவம் உள்ள டாக்டர் ஏ.வி.ஸ்ரீனிவாசன் எழுதியுள்ள 'மன அழுத்தம் வெல்வோம்’ என்ற இந்தப் புத்தகம், மன அழுத்த நோய் பற்றிய முழுமையான தகவல்களைத் தந்திருக்கிறது.

மன அழுத்தத்தைக் குறைக்கும் மகத்தான நூல்!

ஒட்டுமொத்த விகடனுக்கும் ஒரே ஷார்ட்கட்!

##~##

'நீர் ஓடும்போது திரவம், பனியாகும்போது திடம், ஆவியாகும் போது நீராவி’ என அதன் நிலைகள்தான் வெவ்வேறு. ஆனால், அதன் தன்மை ஒன்றுதான். அதுபோல், மனிதனுக்கு மனம் ஒன்றுதான் என்று மனதைப் பற்றிய புரிதலில் தொடங்கி ஜெட் வேகத்தில் பயணிக்கிறது இந்த நூல். ஒரு மனிதனுடைய வாழ்க்கையில், மன அழுத்தம் எந்த அளவில் பாதிப்புகளை ஏற்படுத்துகிறது என்பதை இது தெள்ளத்தெளிவாக விளக்குகிறது. மன அழுத்தம் வந்துவிட்டால், அது எவ்விதமான பாதிப்புகளை ஏற்படுத்தும், அது வராமல் தடுப்பது எப்படி, சிகிச்சைமுறைகள் என்ன, எப்படி மீட்டெடுக்க வேண்டும், அவர்களை எப்படிக் கவனித்துக்கொள்ள வேண்டும், மூச்சுப்பயிற்சி, தியானம் போன்ற நடைமுறைத் தீர்வுகளை, எளிமையான மொழியில் விரிவாக விளக்குகிறது.

மன அழுத்தம் என்பது ஒரே ஒரு காரணத்தால் வருவது அல்ல. தனி மனித குணாதிசயம் அல்லது உயிரியல் காரணங்களாகக்கூட இருக்கலாம். மன அழுத்தத்தால் பாதிக்கப்பட்டவரின் உணவு முறை, தூக்கம், பொழுதுபோக்கு என எல்லாவற்றிலும் அசாதாரண மாற்றம் தென்படும். வெவ்வேறு வகையான மன அழுத்தம், வெவ்வேறு வகையான அறிகுறிகளைத் தோற்றுவிக்கும். மேலும், மருத்துவ உலகில் விளக்க முடியாத சில வலிகள்கூட மன அழுத்தத்தின் அறிகுறியாக இருக்கும். சில சமயம் களைப்பு, தலைவலி, துயரம், தூக்கமின்மை போன்றவைகூட மன அழுத்தத்துக்கான காரணிகளாகிவிடும் என்கிற ஆசிரியர், ஒரு சின்ன விஷயத்துக்குக்கூட தற்கொலை செய்துகொள்ளும் எண்ணத்தை நொடிப்பொழுதில் தோற்றுவிக்கும் மன அழுத்தத்தில் இருந்து மீண்டு, வாழ்க்கையைச் சந்தோஷமாக வாழ்வது எப்படி என்பதை அருமையாகச் சொல்லியிருக்கிறார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism