Published:Updated:

முத்தம் தருவது... பெறுவது... எது கிக்? - ஹாய் மதன்-கேள்வி பதில்

முத்தம் தருவது... பெறுவது... எது கிக்? - ஹாய் மதன்-கேள்வி பதில்


ஹாய் மதன் கேள்வி பதில்!
முத்தம் தருவது... பெறுவது... எது கிக்? - ஹாய் மதன்-கேள்வி பதில்
முத்தம் தருவது... பெறுவது... எது கிக்? - ஹாய் மதன்-கேள்வி பதில்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
முத்தம் தருவது... பெறுவது... எது கிக்?
முத்தம் தருவது... பெறுவது... எது கிக்? - ஹாய் மதன்-கேள்வி பதில்

எஸ்.டேனியல் ஜூலியட், கோயம்புத்தூர்.

இரை கிடைப்பதை அறிந்துகொள்ள கழுகுக்கு மூக்கில் வியர்க்குமாமே?

முத்தம் தருவது... பெறுவது... எது கிக்? - ஹாய் மதன்-கேள்வி பதில்

அது ரீல்! நகம், கொம்பு, அலகு எல்லாம் 'கெரடின்' (Keratin) என்கிற பொருளால் உருவானது. நகத்துக்கு வேர்க்குமா?! கழுகுகளுக்குக் கண் பார்வை வெகு கூர்மையானது. மனிதக் கண்களைவிட மூன்று மடங்கு துல்லியமானது. (மூக்குக் கண்ணாடி அணிந்த ஒரு கழுகைக்கூட நீங்கள் பார்த்து இருக்க முடியாது.) தரையில் ஓடும் சுண்டெலி க்ளியராக 1,000 அடி உயரத்தில் பறக்கும் கழுகுக்குத் தெரியும். நேரடியாக ஒரே ஒரு 'டைவ்,' சுண்டெலி காலி!

சி.என்.ஸ்ரீனிவாசன், சென்னை-40.

'Naked Truth'- என்றால் என்ன?

'மேல் பூச்சு எல்லாம் அகற்றப்பட்ட, தூய்மையான, Naked ஆன உண்மை' என்று இதற்கு அர்த்தம் சொல்லப்பட்டாலும், இது குறித்து ஒரு புராணக் கதை உண்டு! - ஒரு சமயம் உண்மையும் பொய்யும் ஏரியில் குளிக்கப் போனபோது, பொய் முதலில் கரையேறி, அழகாக இருந்த 'உண்மை'யின் உடைகளைத் திருடி அணிந்துகொண்டு ஓடிவிட்டது. அந்த நிலையிலும், உண்மை கரையில் இருந்த பொய்யின் உடையை எடுத்து அணிந்துகொள்ள விருப்பப்படாமல் பிறந்த மேனியோடு வீட்டுக்குத் திரும்பியது - Naked Truth!

சி.ஆர்.நாகராஜன், பொள்ளாச்சி.

'துப்புக் கெட்டவன்' என்று திட்டுகிறோமே, அப்படி என்றால் என்ன?

தமிழில் ஏராளமான அர்த்தங்கள்கொண்ட ஒரு வார்த்தை - துப்பு! மிகச் சில அர்த்தங்கள் இதோ: வலி, அறிவு, உற்சாகம், துணை, உணவு, தாய்மை, பகை, ஆராய்ச்சி (துப்புறிவது!), துரு, அரக்கு, உமிழ்நீர்! 'துப்புக் கெட்டவன்' என்று சொல்லும்போது 'அறிவு' என்கிற அர்த்தத்தை எடுத்துக்கொள்கிறோம். அதாவது - அறிவு கெட்டவன்!

கே.எஸ்.கிருஷ்ணவேணி, சென்னை-75.

எல்லா சினிமாக்களும் கிராமத்தைச் சுற்றிய கதையாகவே எடுக்கப்படுகின்றனவே, ஏன்? நகர வாழ்க்கையில் கதைக்கரு கிடைக்க மாட்டேன் என்கிறதா?

முத்தம் தருவது... பெறுவது... எது கிக்? - ஹாய் மதன்-கேள்வி பதில்

எல்லா சினிமாக்களும் அல்ல; ஆனால், நிறையப் புது இயக்குநர்கள் கிராமத்தில் இருந்துதான் வருகிறார் கள். அவர்கள் புழுதியில் புரண்டு விளையாடியது கிராமத்தில்தான். அந்த அனுபவங்கள்தான் அவர்களுடைய நினைவலைகளில் பெரும்பகுதி வகிக்கிறது. ஒவ்வொரு இயக்குநரும் ஒவ்வொரு வருஷமாவது கிராமத்தில், காட்டில், பாலைவனத்தில், தீவில், வெளிநாட்டில், நகரத்தில், விண்வெளியில் வசித்தாக வேண்டும் என்று சட்டம் போட்டால், ஒவ்வொரு டைரக்டரிடம் இருந்தும் விதவிதமான படங்கள் வெளிவரும்!

வெ.கா, கடையநல்லூர்.

டிசைன் டிசைனாக தாடி, மீசை வைத்துக்கொண்டு திரியும் இளைஞர்களுக்குத் தாங்கள் கூறும் அறிவுரை என்ன?

ஷார்ட் ஆக முடி வெட்டிக்கொண்டு, நன்கு ஷேவ் செய்யப்பட்ட முகத்துடன், நெற்றியில் விபூதி, குங்குமம் (அல்லது நாமம்) இட்டவாறு ஓர் இளைஞர் வந்தால், நீங்கள் என்ன நினைப்பீர்கள்? முடி வெட்டும்போது, பக்கத்தில் அப்பா நின்றுகொண்டு மேற்பார்வை பார்த்திருப்பார், வீட்டுக்கு வந்தவுடன் அம்மா தலையில் தண்ணீர் கொட்டி, நெற்றியில் விபூதி இட்டு வெளியே அனுப்பி இருப்பார் என்று கிண்டலாக ஏற இறங் கப்பார்ப்பீர்கள்தானே?! 'இல்லை! எனக்குச் சுதந்திரமான மூளை உண்டு' என்னை யாரும் கட்டுப்படுத்த முடியாது! என் இஷ்டப்படிதான் எல்லாம் செய்வேன்!' என்று அறிவிப்பதற்காக இப்படி எல்லாம் இளைஞர்கள் (மற்ற இளைஞர்களைக் காப்பியடித்துதான்!) செய்கிறார்கள். அது உலகுக்கு ஓர் அறிக்கை Statement. மற்றபடி இளைஞர்களுக்கு ஏதாவது அறிவுரை சொல்லலாம் என்று நான் நிமிர்ந்து பார்த்தால்... கண்ணாடியில் என் முகம்! நைஸாக, நழுவிவிட்டேன்!

லீலா இராம், தக்கலை.

பல டி.வி. சேனல்களில் நிகழ்ச்சிகளின் துவக்கத்திலும் இறுதியிலும் போடப்படும், பங்கேற்பாளர்களின் பெயர் மற்றும் விவரங்களில், தமிழ் எழுத்துக்கள் பிழையாகக் கையாளப்படுவது வேதனை அளிக்கிறதே! ஏன் இப்படி நோகடிக்கிறார்கள்?

பத்திரிகைகளில் பிழை திருத்துபவர் (ஃப்ரூப் ரீடர்)போல டி.வி-யிலும் உண்டு. அவர்கள் விடுகிற கோட்டைதான் அது! அநேகமாக 'சரியாகத்தான் இருக்கும்' என்கிற

முத்தம் தருவது... பெறுவது... எது கிக்? - ஹாய் மதன்-கேள்வி பதில்

மூட நம்பிக்கையால், மேலே யாரும் அதை 'செக்' பண்ணாமல் விட்டுவிடுகிறார்கள். தமிழில் என்றில்லை; அண்மையில் பிரபல ஆங்கில டி.வி. சேனலில் ஒரு பெரிய இலக்கியவாதியின் பேட்டியில் பிரெஞ்சுப் புரட்சியாளர் 'ரூஸோ' (Rousseau) என்று அவர் குறிப்பிட்டார். 'சப்-டைட்டிலில் அதை 'Rousso' என்று எழுதி இருந்தார் ஒரு புத்திசாலி!

விஜயலட்சுமி, பொழிச்சலூர்.

முத்தம் தருவது; முத்தம் பெறுவது... எதில் 'கிக்' அதிகம்?

முத்தம் - பெறாமல் தர முடியாது. தராமல் பெற முடியாது. தரும்போது பெறுகிறோம். பெறும்போது தருகிறோம். அதாவது, இரண்டும் ஒன்றே!

முத்தம் தருவது... பெறுவது... எது கிக்? - ஹாய் மதன்-கேள்வி பதில்
முத்தம் தருவது... பெறுவது... எது கிக்? - ஹாய் மதன்-கேள்வி பதில்