தூத்துக்குடியின் சுவை, உப்பு அல்ல... மக்ரூன்!

சோனியா காந்தி உட்பட மக்ரூனின் வாடிக்கையாளர் பட்டியல் அதிகம். இப்போது

கடல் கடந்து கனடா, அமெரிக்காவுக்கு ஏற்றுமதி ஆக ஆரம்பித்திருக்கிறது மக்ரூன்.

மக்ரூன் தயாரிப்புத் தொழிலில் 55 ஆண்டுகளுக்கும் மேலாக அனுபவம்கொண்டவர் 'சாந்தி பேக்கரி' ஸ்ரீதர். இவர் கடையில் எந்நேரமும் மக்ரூன் வாங்க கூட் டம் கும்மியடிக்கும். ''முதலில் சீனி மிட்டாய்தான் வித்துட்டு இருந்தோம். அதோட கரெக்டான அளவு முந்திரி பருப்பு சேர்த்தபோது, மக்ரூன் கிடைச்சது. ஒரு கிலோ 400 ரூபாய் வரைக்கும் விற்கிறோம். வெளி மாவட்டங் களிலும் நிறையப் பேர் மக்ரூன் செய்ய முயற்சி பண்ணிப் பார்த்தாங்க. சுவை அமையலை. அதனால், தூத்துக்குடி மாஸ்டர் களுக்கு நிறையச் சம்பளம் கொடுத்து வேலைக்குக் கூட்டிட்டு போறாங்க. ஆனாலும் தூத்துக்குடி சுவையை அவங்களால் கொண்டு வர முடியலை. தரமான மூலப் பொருட்கள்தான் மக்ரூன் சுவையின் ரகசியம். கொஞ்சம் அலட்சியமா இருந்தாலும், டேஸ்ட் கெட்டுடும். அதனால ஒவ்வொரு ஸ்டேஜிலும்

கவனமாத் தயாரிப்போம். மக்ரூன் தயாரிக்க முட்டை, முந்திரி, சர்க்கரை இந்த மூன்றும் வேண்டும். முந்திரிப் பருப்பை உடைச்சு எடுக்கும்போது, சில நேரம் காயில் உள்ளபால்பருப் பின் மீது பட்டுவிடும். அந்த முந்திரியைப் பயன்படுத்தினால், மக்ரூனின் சுவை கெட்டுவிடும். அதனால், முதல் தரமான முந்திரியை பயன்படுத்து வோம். இந்த மாதிரி ஒவ்வொருவிஷயத் தையும் பார்த்துப் பார்த்துச் செய்வோம். சரியான பதத்தில் உருவாக்கப்பட்ட மக்ரூன் உடனே கெட்டுப்போகாது. காற்றுப் புகாத மாதிரி பெட்டியில் 20 நாட்கள் வரை வைத்திருந்து சாப்பிடலாம். தூத்துகுடியில் இருந்து சிங்கப்பூர், மலேசியா, அமெரிக்கா, துபாய்னு பல நாடுகளுக்கும் ஏற்றுமதி ஆகுது மக்ரூன். அதே மாதிரி உள்ளூர் அரசியல்வாதிகள் சென்னைக்கு போகும்போது தங்களோட கட்சியின் தலைவர்களுக்கு மறக்காம மக்ரூன் வாங்கிட்டுப் போவாங்க. இந்தப் பழக்கம் டெல்லி வரை பரவி சோனியா காந்தி, மன்மோகன்சிங் என்று காங்கிரஸ் தலைவர்கள் நிறையப் பேர் மக்ரூன் டேஸ்ட்டுக்கு ரசிகர்கள். அடுத்த வருஷம் சென்னையில் ஒரு கடை திறக்க இருக்கோம்'' என்கிறார் ஸ்ரீதர்!