சங்கீதத்துக்கு மட்டுமல்ல... இனிப்புக்கும் பெயர் போன இடம் திருவையாறு. 'அசோகா அல்வா' என்றால் தஞ்சாவூரைச் சுற்றிப் பிரபலம். 75 வருடங்களுக்கு முன்பு ராமைய்யர் என்பவர் கண்டுபிடித்த வித்தியாசமான ஸ்வீட் இது. அல்வாவையும் கேசரியையும் சேர்த்துச் செய்த கலவைபோல இருக்கும் இதன் புதுவகையான

சுவைதான் மக்களைச் சுண்டியிழுக்கிறது. மைதா, பாசிப் பருப்பு, பால்திரட்டு, முந்திரி, திராட்சை, சர்க்கரை என அனைவருக்கும் தெரிந்த பொருட்களைக்கொண்டுதான் ராமைய்யர் அசோகாவை உருவாக்கினார் என்றாலும், இன்றுவரை போட்டியாளர்களால் அப்படி ஒரு சுவையைத் தர முடியவில்லை. ஒரிஜினல் அசோகா அல்வா என்றால் அது

திருவையாறுஆண்ட வர் கடை மட்டும்தான். எப்போதும் இங்கு மக்கள் கூட்டம் அலைமோதும். தியாகராஜர் உற்சவத்துக்கு வரும் ஆந்திராக்காரர்கள், ஆண்டவர் கடையின் நெடுங்கால வாடிக்கையாளர்கள். தமிழகத்தைச் சேர்ந்த மத்திய, மாநில அமைச்சர்கள் பலரும்கூட அசோகா ப்ரியர்கள். இதன் தனித்துவமான சுவைக்குக் காவிரித் தண்ணீரும் காரணம். விறகு அடுப்பில் தயாரிக்கப்பட்ட அசோகாவை, திருவையாறு வாழை இலையில் வாசனையோடு, சுடச்சுடச் சுவைப்பதே அலாதி. கொஞ்ச மும் பழைமை மாறாமல், சின்னஞ்சிறு இடத்தில் வியாபாரம் சூடு பறக்கும் ஆண்டவர் அசோகா அல்வாக் கடையில் வேறு ஸ்வீட்கள் எதுவும் விற்கப்படுவது இல்லை!