Published:Updated:

டீன் கொஸ்டீன் - ஸ்கூட்டி பெண்ணை முந்தலாமா?

டீன் கொஸ்டீன் - ஸ்கூட்டி பெண்ணை முந்தலாமா?

டீன் கொஸ்டீன் - ஸ்கூட்டி பெண்ணை முந்தலாமா?

டீன் கொஸ்டீன் - ஸ்கூட்டி பெண்ணை முந்தலாமா?

Published:Updated:
டீன் கொஸ்டீன்  
ஸ்கூட்டி பெண்ணை முந்தலாமா?
டீன் கொஸ்டீன் - ஸ்கூட்டி பெண்ணை முந்தலாமா?

ஒட்டுமொத்த விகடனுக்கும் ஒரே ஷார்ட்கட்!

டீன் கொஸ்டீன் - ஸ்கூட்டி பெண்ணை முந்தலாமா?
 
.
டீன் கொஸ்டீன் - ஸ்கூட்டி பெண்ணை முந்தலாமா?
.

டீன் கொஸ்டீன் - ஸ்கூட்டி பெண்ணை முந்தலாமா?

எம்.சோபியா, சென்னை-14.

''சமீபத்தில் ஹேர் ஸ்டிரெய்ட்டனிங் செய்தேன். அப்போது தலையிலோ, முடியின் வேர்களிலோ படாமல் கூந்தலில் மட்டும் கெமிக்கல் தடவியபோதும், இப்போது முடி கொட்டுகிறது. ஹேர் ஸ்டிரெய்ட்டனிங் செய்த என் தோழிகள் சிலரும் இதே போல, முடிகொட்டுவதாகச் சொல்கிறார்கள். இதற்குத் தீர்வு கிடையாதா?''

வசுந்தரா
அழகுக் கலை நிபுணர்.

டீன் கொஸ்டீன் - ஸ்கூட்டி பெண்ணை முந்தலாமா?

''பொதுவாக, எந்தவித ட்ரீட்மென்ட்டுக்கும் உள்ளாகாத கூந்தலில் இருந்தே முடி உதிரும்போது, ஹேர் ஸ்ட்ரெயிட்டனிங் போன்ற கெமிக்கல் ட்ரீட்மென்ட்டுக்கு உள்ளான கூந்தலில் முடி உதிர்வது இயல்பான ஒன்றுதான்.

கூந்தலின் வேரில் நீங்கள் கெமிக்கல் தடவவில்லை என்றாலும், பாதிப்பு இருக்கத்தான் செய்யும். ஹேர் ஸ்டிரெய்ட்டனிங் சிகிச்சைக்குப் பிறகு அதற்கென உள்ள பிரத்யேக ஷாம்பு, கண்டிஷனர் ஆகியவற்றைப் பயன்படுத்தி, கூந்தலை அலச வேண்டும். நீங்கள் அதனைச் செய்யாமல் விட்டிருந்தாலோ, வேறு சாதாரண ஷாம்பு பயன்படுத்தியிருந்தாலோ கூந்தல் உதிரலாம். கவலைப்படாதீர்கள்... இதனைச் சரி செய்யதுவிடலாம். நீங்கள் ஹேர் ஸ்டிரெய்ட்டனிங் செய்த பார்லரில் உங்களுக்கேற்ற ஷாம்பு அல்லது கண்டிஷனர் எது என்று கேட்டு அதைப் பயன்படுத்துங்கள். கூந்தல் உதிர்வதைத் தவிர்க்க ஆயில் மசாஜ் ட்ரீட்மென்ட் மேற்கொள்ளலாம். அடுத்த முறை ஹேர் ஸ்டிரெய்ட்டனிங் செய்யும்போது அதனை கூந்தல் எதிர்கொள்ளுமா என்பதை முன்னரே பரிசோதித்துக்கொள்ளுங்கள். எப்போதும் கூந்தலின் இயல்பு, வேரின் தன்மை ஆகியவற்றை ஹேர் ஸ்கேனர் மூலம் அறிந்துகொண்டு அதன் பிறகு ஹேர் ஸ்டிரெய்ட்டனிங் செய்துகொள்ளுங்கள்!''

கி.ஐஸ்வர்யா, தூத்துக்குடி.

''மகளிர் சுய உதவிக் குழுவில் உள்ளேன். குழு மூலம் பெற்ற முதல் வங்கிக் கடனை அடைத்துவிட்டோம். இரண்டாவது கடன் பெறுவதற்காக வங்கியை அணுகினோம். அப்போது இரண்டு லட்ச ரூபாய் லோன் பெற என்.ஜி.ஓ-க்கு மூன்றாயிரம் ரூபாய் கொடுக்க வேண்டும் என்றார்கள். என்.ஜி.ஓ. அமைப்புக்குக் கட்டாயமாகப் பணம் கொடுக்கத்தான் வேண்டுமா?''

டி.உதயச்சந்திரன் ஐ.ஏ.எஸ்., நிர்வாக இயக்குநர்
தமிழ்நாடு மகளிர் நல மேம்பாட்டு நிறுவனம்.

டீன் கொஸ்டீன் - ஸ்கூட்டி பெண்ணை முந்தலாமா?

''பொதுவாக, மகளிர் சுய உதவிக் குழுவினரின் சேமிப்பு நிதியைச் சுழல் நிதி என்பார்கள். ஒரு மகளிர் சுய உதவிக் குழு, தங்கள் குழுவை வழிநடத்தும் விதம், அவர்களின் சேமிப்பு போன்றவற்றின் அடிப்படையில் உதவித் திட்ட அலுவலர், ஊராட்சி ஒன்றிய அளவில் உள்ள அதிகாரிகள், கிளை மேலாளர்கள் போன்றவர்கள் ஆராய்ந்து சுழல் நிதி அளிப்பது குறித்து முடிவெடுப்பார்கள். ஆனால், வங்கிக் கடன் பெறுவதற்காக எந்த என்.ஜி.ஓ. அமைப்புக்கும் பணம் கொடுக்க வேண்டியது இல்லை. உங்கள் மாவட்ட மகளிர் திட்ட அலுவலரிடம் என்.ஜி.ஓ. பணம் பெறுவதுபற்றித் தகவல் தெரிவித்தால் தக்க நடவடிக்கை எடுப்பார். அந்தத் திட்ட அலுவலரிடமே மேலும் உங்களுக்குத் தேவையான விளக்கங்களைப் பெறலாம்!''

செ.சுதாகர், சென்னை-48.

''தற்போதைய வெயில் காரணமாக இரவுகளிலும் தூக்கம் பிடிக்காமல் கசகசவென இருக்கிறது. இதனால் தூக்கம் கெட்டு மறுநாள் அலுவல்கள் பாதிக்கப்படுகின்றன. இந்த இரவு கசகசப்பை நீக்க முடியாதா?''

ஸ்ரீவித்யா
தோல்நோய் சிகிச்சை நிபுணர்.

டீன் கொஸ்டீன் - ஸ்கூட்டி பெண்ணை முந்தலாமா?

''இது உங்களுக்கு மட்டுமான பிரச்னை இல்லை சுதாகர். இந்த அக்னி நட்சத்திர காலத்தில் அனைவரும் எதிர்கொள்ளும் பிரச்னைதான்.

உடல் வெப்பநிலை அதிகரிக்கும்போது எல்லாம் நமக்கு வியர்க்கும். சுற்றுப்புற வெப்ப நிலை அதிகமாக இருக்கும்போது எல்லாம் வியர்க்கும். தற்போதைய வெயிலின் தாக்கம் இரவுகளிலும் நீடிப்பதால், உடல் வெப்ப நிலை வியர்வையை உற்பத்தி செய்தபடியே இருக்கிறது. உறங்கச் செல்லும் முன் குளிர்ந்த நீரில் குளித்துவிட்டுப் படுங்கள். அது வியர்வையின் தாக்கத்தைக் கொஞ்சம் குறைக்கும். முடிந்தால் உங்கள் அறையில் ஏ.சி., உயர்வேக மின்விசிறி, ஏர் கூலர் போன்றவற்றின் மூலம் குளிர்ச்சியை உண்டாக்குங்கள். பருத்தி உடை அணிந்து படுக்கச் செல்லுங்கள். வியர்க்குரு போன்ற பிரச்னை இருந்தால் மருத்துவர்களின் ஆலோசனை பெற்று ஸ்கின் க்ரீம் பயன்படுத்தலாம். வெயில் காலத்தில் அதிக காரமான உணவு சாப்பிடுவதாலும் அதிகமாக வியர்க்கும். எனவே, காரமான உணவுகளைத் தவிர்க்கவும். ஆல்கஹால், ஸ்மோக்கிங் போன்றவற்றையும் தவிர்த்திடுங்கள்!''

ப.ரவிகுமார், சேலம்.

''பைக் ஓட்டிச் செல்லும்போது பெண்கள் என்னை ஓவர் டேக் செய்தால் என்னால் பொறுத்துக்கொள்ள முடிவதில்லை. அவர்களை எப்படியேனும் ஓவர்டேக் செய்துவிட மனம் துடிக்கிறது. முட்டிமோதி ஓவர்டேக் செய்த பிறகுதான் இயல்பாகிறேன். இது ஏதேனும் மனநோயா?''

ஷாலினி, மனநல மருத்துவர்.

டீன் கொஸ்டீன் - ஸ்கூட்டி பெண்ணை முந்தலாமா?

''இளம் வயதில் இது போன்ற போட்டி மனப்பான்மையுடன் செயல்படுவது வாடிக்கைதான். ஒரு ஆண் முந்திச் சென்றாலே அவரை ஓவர்டேக் செய்ய வேண்டும் என்ற எண்ணம் தோன்றும். அதுவே பெண்ணாக இருந்தால் அந்த எண்ணம் அப்படியே இரு மடங்காகும். சிறு வயதில் பெண்கள் ஆண்களுக்கு அடங்கி நடக்க வேண்டும் என்று மனதில் பதிந்த பிம்பங்களின் பிரதிபலிப்புகூடக் காரணமாக இருக்கலாம். பக்குவப்பட்டால் இந்த எண்ணத்தில் மாற்றம் வரும். திறமைக்கும் பாலினத்துக்கும் சம்பந்தம் இல்லை என்று புரிந்துகொள்ளுங்கள். அவரவர்களின் திறமைக்கு ஏற்பதான் சாதிக்க முடியும். உங்களைவிட திறமையாக ஒரு பெண் பைக் ஓட்டிச் சென்றால், அதை மதித்து வழிவிட்டு ஒதுங்கிக்கொள்ளுங்கள். எவருக்கும் பாதிப்பு இல்லாமல், அந்தப் பெண்ணுக்கு எந்த இடையூறும் அளிக்காமல் உங்களால் அவரை முந்த முடியும் என்றால் முந்துங்கள். இல்லாவிட்டால் 'என் வழி தனி வழி' என்று உங்கள் பாதையில் பயணியுங்கள்!''

பி.சண்முகம், திருச்சி-20.

''நானும் என் மனைவியும் வேலை காரணமாக காலையில் வீட்டைவிட்டு வெளியே சென்றால், மாலைதான் வீடு திரும்புவோம். தற்போது இந்தியாவில் மக்கள்தொகைக் கணக்கெடுப்புக்காக ஒவ்வொரு வீட்டுக்கும் வருவார்கள் என்று செய்திகளில் படித்தேன். நாங்கள் வீட்டில் இல்லாத சமயம் யாரேனும் சென்சஸ் எடுக்க வந்தால், என்ன செய்வது? எங்கள் பெயர் பட்டியலில் இருந்து விடுபட்டுவிடுமா? பொதுவாக, அந்தக் கணக்கெடுப்பில் என்னென்ன விவரங்கள் கேட்பார்கள்?''

என்.ரவிச்சந்திரன், இணை இயக்குநர்,
மக்கள் தொகைக் கணக்கெடுப்பு இயக்குநரகம், தமிழ்நாடு.

டீன் கொஸ்டீன் - ஸ்கூட்டி பெண்ணை முந்தலாமா?

''கவலை வேண்டாம் சண்முகம். இந்த மக்கள் தொகைக் கணக்கெடுப்பில் எவரும் விடுபட வாய்ப்பு இல்லை. ஜூன் 1-ம் தேதி தொடங்கி, ஜூலை 15-ம் தேதி வரை மேற்கொள்ளப்படும் இந்தக் கணக்கெடுப்பில், ஒவ்வொரு வீட்டுக்கும் வந்து, வீட்டு உறுப்பினர்களிடம் சில கேள்விகள் கேட்பார்கள். சரியான பதில் சொன்னாலே போதும். ஆவணங்கள் எதையும் கையில் வைத்திருக்க வேண்டிய அவசியம் இல்லை.

இந்த முறை அனைவரையும் புகைப்படம் எடுத்து, கைரேகையும் பதிவு செய்யப்படும் என்பதால், ஒவ்வொருவரையும் சந்திப்பார்கள். கணக்கெடுப்பாளர்கள் வரும்போது நீங்கள் வீட்டில் இல்லை என்றாலும் பிரச்னை இல்லை. மீண்டும் மீண்டும் வந்து உங்களைத் தொடர்புகொள்ள முனைவார்கள். சம்பந்தப்பட்ட ஏரியாவில் கணக்கெடுக்க வருபவர்களின் செல்போன் எண்கள், அந்தப் பகுதி முழுக்க விளம்பரப்படுத்தப்படும். அதில் தொடர்புகொண்டு நீங்கள் வீட்டில் இருக்கும் நேரம் விவரத்தைத் தெரியப்படுத்தலாம். சனி, ஞாயிற்றுக் கிழமையிலும் கணக்கெடுக்க வருவார்கள். விரைவில் இதற்கென விழிப்பு உணர்வு விளம்பரங்களும் டோல் ஃப்ரீ எண்ணும் அறிவிக்கப்படும். கொஞ்சம் பொறுமை ப்ளீஸ்!''

டீன் கொஸ்டீன் - ஸ்கூட்டி பெண்ணை முந்தலாமா?
டீன் கொஸ்டீன் - ஸ்கூட்டி பெண்ணை முந்தலாமா?
டீன் கொஸ்டீன் - ஸ்கூட்டி பெண்ணை முந்தலாமா?
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism