ஆச்சர்யங்களை தன்னுள் பொதித்துவைத்து இருக்கும் காடுகள் பற்றிய பிட்ஸ் கொஞ்சம்...

50 ஆண்டுகள் வளர்ந்த ஒரு மரம் ஆண்டு ஒன்றுக்கு 5.5 லட்ச ரூபாய் மதிப்புள்ள ஆக்ஸிஜனைவெளி யிடுகிறது. 10 லட்ச ரூபாய் மதிப்புக்கு உணவைத் தருகிறது. உலகில் மிக அதிகக் காலம் வாழக்கூடிய உயிரினம் மரம்தான். ஸ்வீடனில் இருக்கும் ஊசியிலை மரத்தின் வயது 9,550 ஆண்டுகளுக்கும் அதிகம்!

வீரபாண்டிய கட்டபொம்மன் வெள்ளையர்களிடமிருந்து தப்பித்து, புதுக்கோட்டை மாவட்டம் பொன்னமராவதிக்கு அருகில் உள்ள காட்டில் மறைந்திருந்தார். அவர் மறைந்திருந்த காடு நூற்றாண்டுகளைக் கடந்த பின்னும் இப்போதும் அந்தப் பகுதி மக்க ளால் பாதுகாக்கப்படுகிறது. அங்கு யாரும் மரம் வெட்டுவதோ, சுள்ளி பொறுக்குவதோ இல்லை. அந்தக் காடு அவர்களுக் குத் தெய்வம்!

தொல்லுயிர்ப் படிமத்தின் மரபணு மூலம் ஒரு டைனோஸரை உருவாக்கும் ‘ஜுராஸிக் பார்க்’ டெக்னாலஜியை நிஜமாக்கும் முயற்சிகள் உலகெங் கும் நடக்கின்றன. ஜப்பானில் 10 ஆயிரம் வருடங்களுக்கு முன்பு வரை சைபீரிய பனிப் பிரதேசங்களில் வாழ்ந்த கம்பள யானையின் (Woolly Mammoth) மரபணுவைச் சேகரித்து, அதை உயிரோடு உள்ள ஆப்பிரிக்க யானைக்குச் செலுத்தி மீண்டும் கம்பள யானையை உருவாக்கும் முயற்சி கள் நடக்கின்றன!

பெட்ரிஃபைட் காடுகள் தெரியுமா? கல்லாக மாறிவிட்ட மரப் படிமங்கள்தான் இவை. சுமார் 20 கோடி ஆண்டுகளுக்கு முன் சுனாமியால் வீழ்த்தப் பட்ட மரங்கள்இவை. மணல், சகதி, எரிமலைக் குழம்பு என பலவற்றா லும் மூடப்பட்டு மரம் மக்கிப் போக ஆரம்பித்தன. ஆனாலும் கொஞ்சம் கொஞ்சமாக மரத் துண்டுகளுக்குள் தாதுக்கள் நிறைந்த நீர் நுழைந்ததால் அதன் வடிவம் மட்டும் அப்படியே அச்சுபோல இப்போதும் இருக்கிறது. மரத்தின் வயதைக் கண்டுபிடிக்க உதவும் வளையங்கள் கூட மாறவில்லை. கிரேக்கத்தில் உள்ள லெஸ் வாஸ் தீவில் உள்ள கல் காடுதான் உலகின் மிகப் பெரிய கல் காடு. கிட்டத்தட்ட 150 சதுர கி.மீ. பரப்பளவு உள்ள காட்டுப் பகுதி இங்கு கல் காடாக மாறியிருக்கிறது. வருடா வருடம் 12 டன் அளவு ஒரிஜினல் கல் மரத் துண்டுகளை ஆட்டையைப் போடுகிறார்களாம் சுற்றுலாவாசிகள்.

இவனுங்க எப்பவுமே இப்படித்தான் பாஸ்!

தீபக், மன்னர்,
எம்.ஜி.பாஸ்கரராஜன்