இதைப் படிக்காதீங்க!

18-02-09 ஸ்பெஷல் . இதைப் படிக்காதீங்க! . முதுகுவலியைக் காரணமாகச் சொல்லி, முதன்மைப் பொறுப்பை மகனுக்கு மாற்றிக்கொடுக்கும் ஆலோசனையைக் குடும்பத்துக்குள் சிலர் அரசல்புரசலாகப் பேச ஆரம்பித்திருக்கிறார்கள். ஆனால், யார் இதைப் போய் சொல்வது என்ற தயக்கம் தள்ளிக்கொண்டே போகிறது! . இரண்டு காங்கிரஸ் தலைவர்கள் பேசிக்கொண்டு இருந்தார்கள்- 'நம்ம கட்சிக்கு திராவிட பெரியவரை விட்டால், வேறு நல்ல கொ.ப.செ. யாரு கிடைப்பாங்க?'

. தேர்தல் தேதி எப்போது அறிவிக்கப்படுமோ என்ற பதற்றத்தில் இருக்கிறார்கள் மந்திரிகள். 'கண்டவனைஎல்லாம் ஜெயிக்கவைக்க நாம காசு செலவழிக்கணுமே' என்று இப்பவே புலம்ப ஆரம்பித்திருக்கிறார்களாம்!

. தனது ஊருக்கு வந்து இறங்கிய நடிகர் கம் தலைவரை பத்திரிகையாளர்கள் மொய்த்துக்கொண்டு இலங்கை குறித்துக் கேட்டார்கள். 'நான் இப்ப ஷூட்டிங்குக்கு வந்திருக்கேன். அது பத்தி கேட்கக் கூடாது' என்று ஓடி விட்டாராம். நொந்துகொண்டார்கள் நிருபர்கள்!

. மகனை மந்திரிப் பதவியில் இருந்து விலகச் சொல்லப் போகிறார் என்று பரபரப்புத் தலைவர் குறித்து தகவல் பரவியது. 'அடுத்த அட்மிஷன் சீஸன் முடியுற வரைக்கும் ராஜினாமா இருக்காதுங்க' என்று விஷயத்துடன் கண்அடிக்கிறார்கள் அந்த கூடாரத்துக்காரர்கள்!

. மீசைக்கார மாஜி மந்திரி இலைக் கட்சியை விட்டுப் போனதால் மாம்பழ மாவட்டத்தில் கொஞ்சம் சரிவாம். அதைச் சரிக்கட்ட அந்த ஊர்க்காரர்களை மட்டும் தோட்டத்துக்கு வரச் சொல்லி, உற்சாக வார்த்தைகள் உதிர்த்து அனுப்பியுள்ளாராம்

. அம்மா!

. மாடலிங்கில் நுழைந்து, சினிமா வழியாக டி.வி-க்குள் வந்துவிட்ட காம்பியர் நடிகை, தனிப்பட்ட டிஸ்கஷன்களுக்காக மட்டும் வாரத்தின் மூன்று நாட்களை ஒதுக்கிவிடுகிறாராம். சிரிப்பாய் சிரிக்கிறார்கள் டி.வி. ஆட்கள்!

.

இதைப் படிக்காதீங்க!

Vikatan Correspondent