Published:Updated:

உங்களுக்கு ஒரு சொந்த வீடு! கிரஹப்பிரவேசம்

உங்களுக்கு ஒரு சொந்த வீடு! கிரஹப்பிரவேசம்


08-07-09
கிரஹப்பிரவேசம்
உங்களுக்கு ஒரு சொந்த வீடு! கிரஹப்பிரவேசம்
உங்களுக்கு ஒரு சொந்த வீடு! கிரஹப்பிரவேசம்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
 
பாரதிதம்பி, படம்: வி.செந்தில்குமார்
உங்களுக்கு ஒரு சொந்த வீடு! கிரஹப்பிரவேசம்
உங்களுக்கு ஒரு சொந்த வீடு! உங்கள் எதிர்காலம் காக்கும் தொடர் - 13

உங்களுக்கு ஒரு சொந்த வீடு! கிரஹப்பிரவேசம்

'நிலம் என்னது, பணம் உன்னது!' என்பதுதான் வீடு கட்டுவதன் லேட்டஸ்ட் டிரெண்ட்.

நெரிசலான நகர வாழ்வில் இப்போது வீடு கட்ட இடமே இருப்பதில்லை. இதனால் பழைய வீடுகளை இடித்துவிட்டு, அந்த இடத்தில் இரண்டு மாடி, மூன்று மாடி என அபார்ட்மென்ட் கட்டும் கலாசாரம் அதிகரித்து வருகிறது. அப்படி தங்களது பழைய வீட்டை இடித்துவிட்டோ, அல்லது தங்களின் காலி இடத்திலோ வீடு அல்லது அபார்ட்மென்ட் கட்ட விரும்பும் ஒரு நடுத்தரக் குடும்பத்திடம் அதற்குரிய பணம் இருப்பதில்லை. அந்த நிலையில் ஒரு பில்டரிடம், 'எங்கள் இடத்தில் நீங்கள் அடுக்குமாடி குடியிருப்புக் கட்டி விற்றுக்கொள்ளுங்கள். எங்களுக்கு ஒரு வீடும் இத்தனை லட்ச ரூபாய் பணமும் கொடுத்துவிடுங்கள்' என்று ஒப்பந்தம் செய்துகொள்கிறார்கள். இந்தக் கூட்டு ஒப்பந்த நடவடிக்கைக்கு joint venture என்று பெயர். அதிகரித்துவரும் இந்த ஸ்டைல் வீடு கட்டலில் எந்த அளவுக்குக் கவனமாக இருக்க வேண்டும்..?

முதல் விஷயம், ஒரு நல்ல தரமான பில்டரிடம் தங்கள் நிலத்தை/வீட்டை ஒப்படைக்க வேண்டும். நல்ல பில்டரை அடையாளம் காண்பது எப்படி? அவர் இதே முறையில் கட்டிக் கொடுத்திருக்கும் முந்தைய புராஜெக்ட்டுகளை நேரில் சென்று பார்வையிட வேண்டும். அந்த நிலத்தின் உரிமையாளரிடம், பில்டர் சொன்னபடி நடந்துகொண்டாரா என்பதை உறுதிப்படுத்த வேண்டும். பிறகுதான் ஒப்பந்தம் போட வேண்டும். இப்போது, 'நிலத்தின் அளவு, நிலத்தின் பண மதிப்பு... இரண்டில் எதன் அடிப்படையில் ஒப்பந்தம் போடுவது?' என்ற அடுத்த சந்தேகம் முளைக்கிறது. இதற்குப் பதில் சொல்கிறார் பாபா ஃபவுண்டேஷன் கட்டுமான நிறுவனத்தைச் சேர்ந்த முஹமது இப்ராஹிம்.

"ஒரு நிலத்தின் மதிப்பு என்பது அது அமைந்திருக்கும் ஏரியாவைப் பொறுத்துதான் நிர்ணயிக் கப்படுகிறது. குறிப்பிட்ட ஏரியாவில் அமைந்திருக்கும் உங்கள் நிலத்தின் மதிப்பு 50 லட்ச ரூபாய் என்று வைத்துக்கொள்வோம். அதை பில்டரிடம் ஒப்படைத்து அவர் உங்கள் பங்கு களாகத் தரும் வீடுகளின் மதிப்பு தோராயமாக 70 லட்ச ரூபாய் வருகிறது என்றால், அந்த ஒப்பந்தம் லாபகரமானது. அதாவது, நிலத்தின் மதிப்பைவிட 20% லாபம் எதிர்பார்ப்பது நியாயமானது. ஆனால், இந்த 20% கணக்கு எல்லா ஏரியாவுக்கும் பொருந்தாது. சென்னை தி.நகரில் கூட்டு ஒப்பந்தம் மூலமாக ஒரு கிரவுண்டில் வீடுகள் கட்டப் படுகின்றன என்றால், அங்கு நிலத்தின் உரிமை யாளருக்கு 70% கூடத் தர முடியும். அதுவே புறநகர்ப் பகுதிகளில் இந்த லாப விகிதம் 20 சதவிகிதத்தைவிடக் குறையும். ஒப்பந்தம் போடும் முன்பு ஒரு இன்ஜினீயர் மூலமாகத் தனது நிலத்தின் மதிப்பையும், தனக்குரிய பங்காக எத்தனை சதுர அடி கிடைக்கும் என்பதையும் கேட்டுத் தெரிந்துகொள்ள வேண்டும்!'' என்கிறார்.

ஒரு கிரவுண்ட் என்பது 2,400 சதுர அடி. அரசின் விதிமுறைப்படி நிலத்தின் அளவைவிட ஒன்றரை மடங்கு முதல் ஒன்றே முக்கால் மடங்கு வரையில் கட்டடம் (பிளிந்த் ஏரியா) கட்டிக்கொள்ளலாம். அப்படியானால் 2,400 சதுர அடி நிலத்தில் சுமார் 4,000 சதுர அடி வரையில் கட்டடம் கட்ட முடியும். 4,000 சதுர அடியில் 4 வீடுகள் வரை கட்டலாம். இதில் நிலத்தின் உரிமையாளராகிய உங்களுக்கு இரண்டு வீடுகள் வரை கிடைக்க வாய்ப்பு இருக்கிறது. கூட்டு ஒப்பந்தத்தில் கட்டப்படும் வீடுகளில் நிலத்தின் உரிமையாளருக்கு எத்தனை சதுர அடியில் வீடு வேண்டும் என்பதை வைத்துதான் ஒட்டுமொத்தக் கட்டட வடிவமைப்பும் தீர்மானிக்கப்படுகிறது. எனவே, உங்களது தேவை என்ன என்பதைப்பற்றி பில்டரிடம் தெளிவாக விளக்கி ஒப்பந்தம் போட வேண்டும். இதில் யு.டி.எஸ். (undivided shares) என்று ஒரு விவகாரம் உண்டு. அதாவது, கட்டடத்தில் உங்களுக்கு எத்தனை சதுர அடி சொந்தம், பில்டருக்கு எத்தனை சதுர அடி சொந்தம் என்பதை விளக்கும் விஷயம் இது. பில்டருக்குரிய யு.டி.எஸ். பகுதிகளை விற்பதற்கு மட்டுமே அவ ருக்கு உரிமை உண்டு. அதற்குரிய பவர் மட்டுமே அவருக்குக் கொடுக்கப்பட வேண்டும். சிலர் விவரம் புரியாமல் ஒட்டுமொத்தமாக எல்லா பகுதிகளுக்கும் சேர்த்து பில்டருக்குப் பவர் கொடுத்துவிடுவார்கள். அது பல நேரங்களில் வில்லங்கத்தில்தான் போய் முடிகிறது.

இரண்டாவது, சில பில்டர்கள் ஒப்பந்தம் போட்ட பின்பு அதைவைத்து வங்கியில் புராஜெக்ட் லோன் வாங்கிவிடுவார்கள். முறையாகத் திருப்பிச் செலுத்திவிட்டால் பஞ்சாயத்து இல்லை. பில்டர் கடனைத் திருப்பிச் செலுத்தாமல் போய்விட்டால் உங்களுக்கும்தான் சிக்கல். அதனால் ஒப்பந்தம் போடும்போதே இதை வைத்துக் கடன் வாங்கக் கூடாது என்ற விஷயத்தையும் அதில் கட்டாயம் குறிப்பிட வேண்டும்.

உங்களுக்கு ஒரு சொந்த வீடு! கிரஹப்பிரவேசம்

மூன்றாவது, கூட்டு ஒப்பந்த அடிப்படையில் ஒரு புராஜெக்ட் கட்டப்படுகிறது என்றால், அந்த நிலத்தின் உரிமையாளருக்குப் புது வீடு கைக்குச் சேரும் வரையில் வீட்டு வாடகை கொடுப்பது பில்டரின் பொறுப்புதான். வாடகையை முறை யாகக் கொடுத்துவிடும் சில பில்டர்கள் வீட்டை மட்டும் குறிப்பிட்ட காலத்தில் கட்டித் தராமல் இழுத்தடிப்பார்கள். இருந்த வீட்டையும் இழந்து புது வீடும் கைக்கு வராமல் பெரிய மன உளைச் சலைச் சந்திக்க வேண்டியிருக்கும். அதனால், '15 மாதங்களுக்குள் வீடு கட்டி ஒப்படைக்கிறேன்' என்று பில்டர் ஒப்பந்தம் போடுகிறார் என்றால், '15 மாதங்களைத் தாண்டினால் வாடகைத் தொகையில் 50% உயர்த்தப்பட வேண்டும்!' என்பதையும் ஒப்பந்த ஷரத்தாகச் சேர்த்து எழுதுங்கள். அப்போதுதான் பில்டருக்கும் பொறுப்பு வரும்.

இதில் மக்கள் தரப்பில் நடக்கும் தவறுகளும் உண்டு. குறிப்பிட்ட ஏரியாவில் ஒரு கிரவுண்ட் இடத்தில் 2,000 சதுர அடிதான் தர முடியும் என்றால், சில பில்டர்கள் 2,500 சதுர அடி வரை தருவதாகச் சொல்வார்கள். அந்தத் தூண்டிலில் சிக்கக் கூடாது. அவர் விதிமுறைகளை மீறித்தான் அந்தக் கட்டடத்தைக் கட்டித் தர முடியும். அதில் என்றைக்கு இருந்தாலும் வீட்டு வாசலில் பொக்லைன் வந்து நிற்கும் அபாயம் இருக்கிறது. சில இடங்களில் நில உரிமையாளர்களே, 'இப்பல்லாம் யாருதான் விதியோடு வீடு கட்டுறாங்க. மூணு மாடியாக் கட்டித்தாங்க, மூணாவது மாடில உங்களுக்கு ஒரு வீடு, எனக்கு ஒரு வீடு' என்று பில்டருடன் பேரம் பேசுகின்றனர். நீங்களே விதிமீறலுக்குத் தூபம் போட்டால், அவர் கட்டித் தரும் வீட்டின் தரமும், நம்பகத்தன்மையும் அதே மாதிரிதான் இருக்கும். தலைமுறை தலைமுறையாக நம் வாரிசுகள் வாழப்போகும் வீட்டைப் பொய் செங்கற்களால் அடுக்காமல், நேர்மைக் கலவையால் கட்டுங்கள். அப்போதுதான் இரவு நிம்மதியாகத் தூக்கம் வரும்!

தனியாரிடம் ஃப்ளாட் வாங்குவதைவிட அரசு வீட்டு வசதி வாரியத்தில் வீடு வாங்குவது நல்லது என்பது பலரின் எண்ணம். இது உண்மையா?

 
உங்களுக்கு ஒரு சொந்த வீடு! கிரஹப்பிரவேசம்
-இன்னும் பிரவேசிக்கலாம்...
உங்களுக்கு ஒரு சொந்த வீடு! கிரஹப்பிரவேசம்