ரத்தம் குடி... சக்தி பிடி!

இணைப்பு - வில்லன் விகடன் . ரத்தம் குடி... சக்தி பிடி! .

உ லக இதிகாசம் எங்கும் விரவிக்கிடக்கிறார்கள் கவர்ச்சியான பல வில்லன்ஸ்! கதாநாயகன்களைவிட இவர்களை உருவாக்கத்தான் நிறைய கற்பனைத் திறன் தேவைப்பட்டிருக்கிறது.

. இப்லிஸ்

குரானின் அடிப்படையில் கடவுள் ஆதாமைப் படைத்ததும், எல்லா தேவதைகளையும் கூப்பிட்டு ஆதாமுக்கு முன் மண்டியிட்டு வணங்கச் சொன்னார். எல்லோரும் வணங்கினர், இப்லிஸைத் தவிர! 'நான் நெருப்பிலிருந்து பிறந்த தெய்வப் பிறவி' என்று மறுத்தான். கோபம்கொண்ட கடவுள் அவனை அங்கிருந்து துரத்திவிட்டார். 'பூமியிலுள்ள ஆதாமின் சந்ததியினரைத் தீய வழியில் கொண்டுசெல்வேன்' என்று சபதம் போட்ட இப்லிஸின் இன்னொரு பெயர்தான் சாத்தான்.

ஸ்டிரிகோய்

நிறைவேறாத ஆசைகளுடன் செத்துப்போனால் ஆவியாக அலைவார்கள் என்று கேள்விப்பட்டு இருப்பீர்கள். இதே சமாசாரம்தான் ரோமன் புராணங்களிலும். இங்கே நிம்மதிஅற்ற ஆத்மாக்களின் பெயர் ஸ்டிரிகோய். கல்லறைகளில் நிம்மதியாக உறங்க முடியாமல் எப்போது எழும்பி யாரைப் பிடிக்கலாம் என அலைந்து திரிபவை. 'விட்ச்' என்பது இந்த ஸ்டிரிகோய் வகைகளின் பெண் வடிவம். மனிதர்கள், விலங்குகள் என கிடைத்த கேப்பில் புகுந்து அட்டகாசம் செய்கின்றன. சிவப்பு முடி, நீல நிறக் கண்கள், இரண்டு இதயம் என திடுக் திடுக் வடிவத்தை இவற்றுக்குக் கொடுத்திருக்கிறது ரோமன் மித்தாலஜி. இந்த ஸ்டிரிகோய்களிடம் இருந்து தப்புவது ஒன்றும் பெரிய விஷயம் இல்லை. ஒரு பாட்டில் விஸ்கியை அவர்களுடைய கல்லறை அருகே புதைத்துவிட வேண்டும். அவை அதைக் குடித்துவிட்டு மயங்கிவிடுமாம். யேய்... அவனா நீயி?!

. லூகாரூ

கரீபியன் மித்தாலஜியில் உள்ள ஒரு வில்லன். சரியாகச் சொன்னால் வில்லி. இதுவும் சாத்தானும் அக்ரிமென்ட் போட்டுக்கொண்டு, மனிதர்களைச் சாகடிக்குமாம். சாத்தான் இதற்கு நிறைய மந்திர சக்தியெல்லாம் கொடுத்திருக்கிறது. பதிலுக்கு இது கொடுக்க வேண்டியது மனித ரத்தம். அப்படிக் கொடுக்காவிட்டால் அவ்வளவுதான், லூகாரூவின் ரத்தத்தையே சாத்தான் குடித்துவிடும். அதனால் எப்படியாவது ரத்தம் வேண்டும் என வெறியுடன் இவை அலைந்து திரியுமாம்.

ராத்திரியில் ஒரு ஒளிக் கீற்றையோ, நீல நிற ஒளிப் பந்தையோ பார்த்தால் அது லூகாரூதான் என்கின்றனர் கரீபியன்ஸ். சரி, இதன்

. பிடியில் இருந்து எப்படித் தப்புவது? வெரிசிம்பிள். வீட்டு வாசலில் ஒரு மூட்டை நெல்லையோ, அரிசியையோ அல்லது குறைந்தபட்சம் மணலையோ வைக்க வேண்டுமாம். லூகாரூ, வீட்டுக்கு முன் மூட்டையைப் பார்த்தவுடன் பிரித்து ஒவ்வொன்றாக எண்ண ஆரம்பிக்குமாம். எண்ணி முடிக்கும் முன் சூரியன் வந்துவிடுவான். 'அடடா! ஏமாந்துட்டோமே' என லூகாரூ ஓடிவிடுமாம். அட! முட்டாள் லூகாரூ, இப்படியா ஏமாறுவே?

அஸ்மோதேயுஸ்

நரகத்தில் உள்ள சாத்தான்களின் தலைவன். நரகத்தில் ஏழு சாத்தான் மன்னர்கள் உண்டாம். ஒவ்வொருவருக்கும் பெருமை, பொறாமை, காமம் என ஒவ்வொரு டிபார்ட்மென்ட். அஸ்மோதேயுஸின் துறை, காமம். இவனுடைய வேலை மக்களின் காம ஆசையைத் தட்டி எழுப்புவது. ஆசையைத் தூண்டி மக்கள் தப்பு செய்தால் இவனுக்கு வெற்றி. அவர்கள் எல்லாம் கடைசியில் இவனுடைய கட்டுப்பாட்டில் உள்ள இரண்டாவது நரகத்துக்கு வந்து சேர்வார்களாம். பருவ காலம் போல, இந்த சாத்தானுக்கும் செழிப்பான காலம் ஒன்று உண்டாம். அது நவம்பர் மாதமாம். பின்னே... அது குளிர் அடிக்கிற மாசமாச்சே!

.

இன்குபஸ்

சுமேரியர்களின் வில்லனான இன்குபஸ் கொஞ்சம் விவகாரமானவன். தூங்கும் பெண்களோடு உறவுகொள்ள ஆசைப்பட்டு அலைவான். இந்தக் குழுவில்

. வில்லிகளும் உண்டு. அவற்றுக்கு சுகுபஸ் என்பது பெயர். வில்லிகள் ஆண்களை நாடுவார்கள். இன்குபஸோ, சுகுபஸோ ஒருத்தரைப் பிடித்துவிட்டால் அவருடைய உடல் இளைத்து, ஆரோக்கியம் போய், கடைசியில் இறந்து விடுவார்களாம். ராத்திரி கனவு, திடீர் விழிப்பு, சொப்பன ஸ்கலிதம் உள்பட 'வாலிப வயோதிக அன்பர் களின்' அறிகுறிகள்தான் இன்குபஸ் வந்திருப்பதற்கான அறிகுறி!

. -சேவியர் .

ரத்தம் குடி... சக்தி பிடி!

Vikatan Correspondent