Published:Updated:

மம்மி பள்ளம்... ஹிட்லர் சொத்து... இயேசு கோப்பை!

மம்மி பள்ளம்... ஹிட்லர் சொத்து... இயேசு கோப்பை!

பிரீமியம் ஸ்டோரி
மம்மி பள்ளம்... ஹிட்லர் சொத்து... இயேசு கோப்பை!
சீக்ரெட் விகடன்
மம்மி பள்ளம்... ஹிட்லர் சொத்து... இயேசு கோப்பை!
மம்மி பள்ளம்... ஹிட்லர் சொத்து... இயேசு கோப்பை!
மம்மி பள்ளம்... ஹிட்லர் சொத்து... இயேசு கோப்பை!
மம்மி பள்ளம்... ஹிட்லர் சொத்து... இயேசு கோப்பை!
மம்மி பள்ளம்... ஹிட்லர் சொத்து... இயேசு கோப்பை!
மம்மி பள்ளம்... ஹிட்லர் சொத்து... இயேசு கோப்பை!
மம்மி பள்ளம்... ஹிட்லர் சொத்து... இயேசு கோப்பை!

லகின் ஒவ்வோர் அதிசயமும் ஒரு ரகசியம்!

பிரமிடுகள் ஒளித்துவைத்திருக்கும் ரகசியங்கள் இன்னும் கலைக்கப்படவே இல்லை. பிரமிடுகள் ஏன், எதற்காக, எப்படிக் கட்டப் பட்டன என்பது இன்னமும் புரியாத புதிர்தான். பிரமிடுகளில் மிகப் பெரிதான கிஸா பிரமிடு 23 லட்சம் கற்களால் கட்டப்பட்டு இருக்கிறது. இரண்டு முதல் ஒன்பது டன் வரை எடையுள்ள இந்தக் கற்களை எங்கிருந்து எப்படி இழுத்து வந்தார்கள், ஒன்றின் மேல் ஒன்றாக எப்படி ஏற்றினார்கள் என்பது எல்லாம் இன்று வரையிலான மர்ம முடிச்சுகள். இந்த அளவுக்கு பிரமாண்ட கற்களைத் தோண்டி எடுத்தால் எடுத்த இடத்தில் பள்ளம் இருக்க வேண்டுமே. அதையும் காணோம். மம்மி எழுந்து வந்து சொன்னால்தான் புதிர் விலகும் போல!

எங்கே தங்கப் புதையல்?

1947-க்கும் 1956-க்கும் இடைப்பட்ட காலத்தில் பாலஸ்தீனத்தின் மேற்குப் பகுதியில் உள்ள கும்ராம் மலைக் குகையில் இருந்து 2,000 ஆண்டுகள் பழமையான 900 ஆவணங்கள் கிடைத்தன. மெல்லிய செப்புத் தகடுகளில் எழுதப்பட்ட இவை சாக் கடல் சுருள்கள் (டெட் சீ ஸ்க்ரோல்ஸ்) என்று அழைக்கப்படுகிறது. ஹீப்ரு மொழியில் எழுதப்பட்ட இந்தச் சுருள்கள் ஒவ்வொன்றும் ஒரு ரகசியம். தங்கப் புதையலுக்கான தகவல்கள். 'புதையல் கரிசிம் மலையில் இருக்கிறது' என்கிறது ஒரு சுருள். கரிசிம் மலை எது என்பதே, பிரம்ம ரகசியம் என்பதுதான் பிரச்னை!

பாபிலோனின் தொங்கும் தோட்டம்!

இலக்கியமும், சினிமா பாடல்களும், வரலாறும் அலசிக் காயப்போட்ட பாபிலோனின் தொங்கும் தோட்டம் எங்கே இருக்கிறது என்பதே ஒரு ரகசியம்தான். கி.மு 400-ல் பெரோசஸ் என்பவர்தான் முதன்முதலாக பாபிலோன் தொங்கும் தோட்டம் பற்றி எழுதினார். பாக்தாத்துக்குப் பக்கத்தில் கி.மு 600-ம் வருடங்களில் உருவாக்கப்பட்டது என்பது சிலருடைய கணிப்பு. சமீபத்தில் யூஃப்ரிடிஸ் நதியருகே 75 அடி அகலச் சுவரைக் கண்டுபிடித்திருக்கிறார்கள். இது தொங்கும் தோட்டமாக இருக்கலாம் என்பது சிலர் நம்பிக்கை. இருந்தாலும் தோட்ட ரகசியம் இன்னும் விடுபடவில்லை!

மம்மி பள்ளம்... ஹிட்லர் சொத்து... இயேசு கோப்பை!

ஆல்ப்ஸ் மலை ரகசியம்!

ஆல்ப்ஸ் மலைதான் உலகின் பணக்கார மலை. காரணம், அடால்ஃப் ஹிட்லர்! இரண்டாம் உலகப் போரின்போது, எதிரிகளுக்குப் பயந்து தான் வைத்திருந்த பிளாட்டினம், தங்கம், வெள்ளி ஆபரணங்களை அள்ளி ஆல்ப்ஸ் மலையில் ஒளித்துவைத்தாராம் ஹிட்லர். பொருட்களைத் தேடி மலையெங்கும் அலைந்த அமெரிக்கப் படை, 1945-ம் வருடம் ஒரே ஒரு புதையலை மட்டும் கண்டுபிடித்தது. அது மட்டுமே பல ஆயிரம் கோடி ரூபாய் பெறுமாம். ஆல்ப்ஸ் மலையில் ரகசியம் தேடி அலைந்துகொண்டு இருக்கிறார்கள் மக்கள்!

தி ஹோலி கிரெயில்!

ஹோலி கிரெயில் என்பது இயேசு இறுதியாக திராட்சை ரசம் குடித்த கோப்பை. அந்தக் கோப்பை ஐஸ்லாந்தில் இருக்கிறது. பூமிக்கு அடியில் ஐந்து மீட்டர் சதுர அளவுள்ள ரகசிய அறையில் இருக்கிறது என்றெல்லாம் ரகசியக் கதைகள் உலவுகின்றன. அந்தக் கோப்பை உண்மையா, பொய்யா? அது எங்கே இருக்கிறது என்பது எல்லாம் காலம் காலமாக அவிழ்க்கப்படாத ரகசியம். கோப்பை இருக்கிறது, இல்லை என்று சண்டை போட்டபடி, அதைத் தேடிக்கொண்டு இருக்கிறார்கள்!

 

 
மம்மி பள்ளம்... ஹிட்லர் சொத்து... இயேசு கோப்பை!
-ரயன்
மம்மி பள்ளம்... ஹிட்லர் சொத்து... இயேசு கோப்பை!
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு