'இடி'அமீன் கிராமம்!

சீக்ரெட் விகடன் . 'இடி'அமீன் கிராமம்! . ம ழை வேண்டி கழுதைக்குக் கல்யாணம் செய்து வைக்கும் கிராமங்கள் தெரியும். ஆனால், மதுரை மாவட்ட லொட்டுசெட்டிப்பட்டி கிராம மக்கள் வானத்தில் மேகங்கள் கூடினாலே, அலறி ஓடுகிறார்கள். ஒவ்வொரு முறை இடி விழும்போதும் இங்கு பல உயிர்கள் பலியாகின்றன. காமராஜர் பல்கலைக்கழகப் புவியியல் துறை அறிஞர்கள் கள ஆய்வு செய்து,

. 'அருகில் இருக்கும் சதுரகிரி மலை மடிப்பு மடிப்பாக இருக்கிறது. அதில் ஏற்படும் காற்றழுத்தச் சுழற்சி புயலை உருவாக்கி, மேகங்களை சுழற்றி ஒன்றோடு ஒன்று மோதி இடி விழுகிறது. ஆனாலும் மடிப்பு மலைகளை ஒட்டி உள்ள கிராமங்களில் இடி விழுவதில்லை!' என மர்ம அறிக்கை சமர்ப்பித்தனர். 'எனக்கொரு உண்மை தெரிஞ்சாகணும்' ஸ்டைலில், மத்திய அரசின் புவியியல் துறையை நாடியது தமிழக அரசு. 'இந்தக் கிராமத்து மண்ணில் காந்தம், இரும்புத் தாதுக்கள் நிறைய இருக்கின்றன. இருப்பினும் அது மட்டுமே காரணம் அல்ல!' என அவர்களும் திகில் அறிக்கை தந்தார்கள். சமீப மழைக்கு லொட்டுசெட்டிப்பட்டி யில் இடிதாக்கி 10 ஆடுகள் செத்துப் போனது இந்த மாதச் சோகம்!

.

. - இரா.முத்துநாகு .

'இடி'அமீன் கிராமம்!

Vikatan Correspondent