Published:Updated:

வருங்காலத் தொழில்நுட்பம்! -அண்டன் பிரகாஷ்

வருங்காலத் தொழில்நுட்பம்! -அண்டன் பிரகாஷ்

வருங்காலத் தொழில்நுட்பம்! -அண்டன் பிரகாஷ்
அண்டன் பிரகாஷ்
வருங்காலத் தொழில்நுட்பம்! -அண்டன் பிரகாஷ்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
வருங்காலத் தொழில்நுட்பம்! -அண்டன் பிரகாஷ்
வருங்காலத் தொழில்நுட்பம்! -அண்டன் பிரகாஷ்
வருங்காலத் தொழில்நுட்பம்!
வருங்காலத் தொழில்நுட்பம்! -அண்டன் பிரகாஷ்
வருங்காலத் தொழில்நுட்பம்! -அண்டன் பிரகாஷ்

சென்னை அண்ணா சாலை டிராஃபிக்கை நிறுத்தி வாகன ஓட்டிகள், ஆட்டோ/பேருந்து பயணிகள் என வித்தியாசம் பார்க்காமல், 'இணையம் என்பதை வரையறுக்கவும்' என எட்டாம் வகுப்பு அறிவியல் அரையாண்டுத் தேர்வு கேள்வி போலக் கேட்டால், கிடைக்கும் பதில்கள் பல வகையாக இருக்கும்.

'இணையம் ஒரு தொலைத் தொடர்புச் சாதனம். ஒரு பொழுதுபோக்கு ஊடகம். ஒரு வியாபாரத் தளம். ஒரு தகவல் பெட்டகம். தனி மனிதர்களை இணைக்கும் நெட்வொர்க்!' பதில் அளிப்பவர்களின் படிப்பு, தொழில், பின்னணியைச் சார்ந்து இந்தப் பதில்கள் வேறுபடலாம். உண்மையான பதில், 'மேற்கண்ட அனைத்தும்... அதற்கு மேலேயும்!'

வருங்காலத் தொழில்நுட்பம்! -அண்டன் பிரகாஷ்

இந்த வாரம் இணையம் எப்படி வியாபாரத் தளமாக இயங்குகிறது... அதன் வருங்கால வளர்ச்சி எப்படி இருக்கலாம் என்பதை அலசலாம். மனிதச் சமூகத்தின் மீது இணையத்தின் வீச்சு பரவ ஆரம்பித்த 90-களின் தொடக்கத்தில் இணையத்தின் மீது கட்டப்பட்ட இ-காமர்ஸ் நிறுவனங்களை வேறுபடுத்தச் சில வார்த்தைகள் அறிமுகப்படுத்தப்பட்டன.

B2C: பிசினஸ் டு கன்ஸ்யூமர். நுகர்வோருக்கு நேரடியாகப் பொருட்களையோ, சேவையையோ விற்கும் ஆன்லைன் நிறுவனம். உதாரணமாக, அமேசான் (new.amazon.com)

B2B: பிசினஸ் டு பிசினஸ். மற்ற நிறுவனங்களுக்கு மட்டுமே பொருள்+சேவையை வழங்கும் ஆன்லைன் நிறுவனம். மிகச் சிறந்த உதாரணம்: அலிபாபா (new.alibaba.com).

Click-and-mortar: நேரடியாக நுகர்வோரிடம் தமது பொருள்+சேவை வழங்கிக்கொண்டு இருக்கும் நிறுவனம் ஆன் லைன் மூலமாகவும் வழங்கத் தொடங் கினால், அதன் பெயர் கிளிக்-மார்ட்டர். உதாரணம்: new.walmart.com

'இ-காமர்ஸ்' மாடல்களில் வியாபாரம் என்பது மிக வெளிப்படை. சிறப்பாக வியாபாரம் செய்கிற நிறுவனங்கள் லாபகரமாக இயங்க, வரவைவிட செலவு அதிகம் ஆகக்கூடிய நிறுவனங்கள் திவாலாகும். ஆனால், இ-காமர்ஸ் அல்லாது, பலவித மாடல்களில் இணைய நிறுவனங்கள் கட்டப்பட்டு லாபகரமாக இயங்கிவருவதன் அடிப்படை ரொம்பவும் சிம்பிள் - விளம்பரங்கள்!

முதலில் சில அடிப்படைத் தகவல்கள்

உங்களது கணினித் திரை கோடிக்கணக்கான புள்ளிகளால் ஆனது. பிக்ஸெல் (pixel) எனப்படும் இந்த பிக்ஸெல்களின் வழியாகத்தான் நீங்கள் பார்க்கும் எழுத்துக்களோ, பிம்பங்களோ வெளியாகின்றன. கணினி மட்டுமல்ல, டி.வி, வீடியோ கேம், ஐ-பாட் போன்ற எந்தத் திரையுமே பிக்ஸெல்களால் ஆனதே. மெகா சைஸ் லென்ஸ் ஒன்றைவைத்து கம்ப்யூட்டர் அல்லது டி.வி. திரையை உற்றுப்பார்த்தால், சதுரம் சதுரமாகத் தெரியும் வில்லைகள்தான் பிக்ஸெல்ஸ்.

இந்த பிக்ஸெல்கள் இணைந்த முழுத் திரையை ரியல் எஸ்டேட் என்கி றார்கள். டி.வி-க்கும், இணை யத்துக்கும் உள்ள முக்கிய வித்தியாசம், ரியல் எஸ்டேட்டின் அளவு. சீரியல்களுக்கு இடையே மானாவாரியாகக் காட்டப்படும் விளம்பரங்கள் சில நொடிகளே நீடித்தாலும், அவை உங்கள் டி.வி. திரையை முழுமையாக ஆக்கிரமித்துக் காட்டப்படுகின்றன. இணைய தளத்தில் காட்டப்படும் விளம்பரங்களுக்குச் சுருக்கமான ரியல் எஸ்டேட்டே கிடைக் கிறது. ஆனாலும், இணைய விளம்பரஉலகம் தொடர்ந்து வளர்ந்துகொண்டே இருக்கிறது. பெப்சி போன்ற மெகா நிறுவனங்கள் டி.வி. ஊடகத்துக்கு நிகராக, இணையத்தைப் பயன்படுத்தத் தொடங்கிவிட்டன.

வருங்காலத் தொழில்நுட்பம்! -அண்டன் பிரகாஷ்

இணைய விளம்பரத்தைப் பளீரெனப் பயன்படுத்தி சில மாதங்களிலேயே மில்லியன் டாலர் பணம் சம்பாதித்த அலெக்ஸ் ட்யூவைப்பற்றித் தெரிந்துகொள்ளலாம்.

2006-ல் கல்லூரியில் படித்துக்கொண்டு இருந்த 21 வயதான அலெக்சுக்குத் தீவிர பணத்தட்டுப்பாடு. இணையத்தைப்பற்றிப் படித்துக்கொண்டு இருந்த அலெக்சுக்குக் கிளிக்கானது ஒரு ஐடியா. மில்லியன் பிக்ஸெல்களை மட்டுமே கொண்டு இருக்கும் இணையதளம் ஒன்றை உருவாக்கி, தளம் முழுதுமே விளம்பரங்களைக்கொண்டு இருந்தால் எப்படி இருக்கும்? கிட்டத்தட்ட ஒரு டி.வி. புரொகிராமின் 30 நிமிடங்களும் விளம்பரங்கள் மட்டுமே இருப்பது மாதிரி. கேட்பதற்குக் குளறுபடியான ஐடியாவாக இருந்தாலும், அலெக்ஸின் இணையதளம் மில்லியன் டாலர் ஹோம் பேஜ் = http://new.milliondollarhomepage.com ஹிட்சக்ஸஸ். பிசினஸ் மாடல் ரொம்ப சிம்பிள். ஒரு பிக்ஸெல் ஒரு டாலர். எத்தனை தேவையோ அத்தனை வாங்கலாம். ஆனால், ஒரு மில்லியன் விற்று முடிந்ததும் அதற்கு மேல் விற்பனை கிடையாது என அறிவிக்க, முதல் சில ஆயிரம் டாலர்கள் வருவதற்குத் திணறலாக இருந்தாலும், கிடைத்த பப்ளிசிட்டி மூலம் கிடுகிடுவென பிக்ஸெல்கள் விற்கத் தொடங்கின. நான்கு மாதத்துக்குள் ஒரு மில்லியன் டாலர்கள்!

கூகுள் தேடியிந்திர (Search engine) நிறுவனம் என்பதுதான் அதன் பயனீட்டாளர்களுக்குத் தெரிந்த அடையாளம். ஆனால், கூகுளின் அடித்தளம் அதன் விளம்பர இயந்திரம்தான்.

கூகுள் பணம் ஈட்டுவது இரண்டு வழிகளில்

(1) நீங்கள் கூகுளில் எதையாவது தேடும்போது வலது பக்கம் வெளியாகும் விளம்பரங்களை வெளியிடும் Google Adwords

(2) பிற வலைதளங்களில் 'Ads by Google' என்ற வரியுடன் வெளிவரும் விளம்பரங்களை வெளியிடும் Google Adsense.

வருங்காலத் தொழில்நுட்பம்! -அண்டன் பிரகாஷ்

Google Adwords இயந்திரத்தின் உதவியுடன், விளம்பரதாரர்களை ஏல அடிப்படையில் குறிச் சொற்களுக்காகப் போட்டியிடவைக்கிறது கூகுள்.

உதாரணமாக, 'Credit Cards' என்று தேடினால், உலகின் முக்கிய கிரெடிட் கார்டு நிறுவனங்களின் விளம்பரங்கள் வலது பக்கத்தில் வெளியாவதைப் பார்க்கலாம். 'Credit Cards' என்ற குறிச் சொல்லின் பதில்கள் வெளியாகும் பக்கங்களில் தமது விளம்பரம் வெளியாக இந்த நிறுவனங்கள் தமக்குள்ளாகப் போட்டியிட்டு, ஒருவர் கொடுப்பதைவிட மற்றவர் அதிகமாகக் கொடுத்து தமது நிறுவனத்தின் இணைய தளம் முதலில் இருக்கும்படி பார்த்துக்கொள்ள, கூகுள் காட்டில் டாலர் மழை.

டி.வி, பத்திரிகை போன்ற எந்த மீடியாவிலும் சாத்தியமாகாத விளம்பர மாடல் சாத்தியமாவது இணையத்தில் மட்டும்தான்.

Google Adsense ன் பயன்பாடு சற்றே வித்தியாசமானது. இணையதளம் ஒன்றை நீங்கள் நடத்திவந்தால், அதை விசிட் செய்யும் நபர்களின் டிராஃபிக்கை நீங்கள் விளம்பரதாரர்களுக்கு விற்றுப் பணம் பார்க்க முடியும். கூகுள் இடைத்தரகராக இருந்துகொண்டு, கமிஷன் எடுத்துக்கொண்டாலும், இந்த மாடல் எளிதானது என்பதால், டெக்னாலஜியில் அத்தனை பரிச்சயம் இல்லாத சாமானியர்களுக்கும் பயன்படுகிறது.

அதைப் பற்றியும், இணைய விளம்பர உலகின் லேட்டஸ்ட் டிரெண்டுகளையும் அடுத்த வாரம் பார்க்கலாம்.

Log off

 
வருங்காலத் தொழில்நுட்பம்! -அண்டன் பிரகாஷ்
வருங்காலத் தொழில்நுட்பம்! -அண்டன் பிரகாஷ்