Published:Updated:

வெள்ளத்தால் பழுதடைந்தால் தானாக சரியாகும் சாலை!

வெள்ளத்தால் பழுதடைந்தால் தானாக சரியாகும் சாலை!
வெள்ளத்தால் பழுதடைந்தால் தானாக சரியாகும் சாலை!

வெள்ளத்தால் பழுதடைந்தால் தானாக சரியாகும் சாலை!

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

மது ஊர்களில் உள்ள தார் சாலைகள் மழைகளாலும், கனரக வாகனப் போக்குவரத்தினாலும் சேதப்படுத்தப்பட்டு எப்போதும் பல்லைக்காட்டி கிடக்கும். அந்த சாலையில் பயணம்செய்யும்போது எப்பபோது இந்த சாலைக்கு தீர்வு கிடைக்கும் என்று நம்மில் பெரும்பாலோனோர் நினைத்திருப்போம். எப்படா இதை சரிசெய்வீங்க எனும் எண்ணமும் மனதில் தோன்றாமல் இருக்காது. கிராமத்திலோ அரசு ஒருமுறை அமைக்கும் சாலைகள் ஒரு வருடத்திற்குகூட தாங்குவதில்லை. ஆனால் நகரத்திலோ சாலைமேல் சாலை அமைத்து சாலையின் உயரத்தை அதிகப்படுத்திக்கொண்டே இருக்கிறார்கள். இதற்கு என்னதான் தீர்வு என நாம் யோசிக்கும் நேரத்தில், இதுதான் தீர்வு என நிகழ்த்திக்காட்டியிருக்கிறார் நாக்பூரை சேர்ந்த, நேம்குமார் பந்தியா.

நேம்குமார் பந்தியா பிரிட்டீஷ் கொலம்பியா பல்கலைக்கழகத்தில் சிவில் பொறியியல் துறை பேராசிரியராக பணியாற்றி வருகிறார். 34 ஆண்டுகளுக்கு முன்பு தரமான சாலைகளுக்கான தேடலை கனடாவில் தொடங்கியவர். தரமான பொருட்கள் மற்றும் தொழில்நுட்பத்தில் சாலை அமைத்தால் அதிக ஆண்டுகளுக்கு ஆயுள் நீடித்தும், நிலையானதாகவும் அமையும். இதனை நிரூபிக்கும் விதமாக பெங்களூருவில் இருந்து 90 கி.மீ தொலைவில் உள்ள கிராமத்தில், கிராமவாசிகளின் உதவியுடன் தன்னைத்தானே சரிசெய்துகொள்ளும் சாலையை அமைத்துள்ளார்.

    இத்தொழில்நுட்பம் குறித்து அவர் பேசும்போது, 'சாம்பலின் மூலம் 60% அளவு சிமெண்ட் அளவினை குறைத்து சாலையை அமைக்க முடியும். பசுமை இல்ல வாயுக்களின் அளவு குறையும். இந்தத் திட்டம் கடந்த ஆண்டு நிறைவு பெற்றது. நான்கு பருவக்காலங்களிலும் இந்த சாலை பரிசோதனை செய்யப்பட்டுள்ளது. அதில்  வெற்றியும் காணப்பட்டுள்ளது. இந்த சாலையின் தடிமன் பொதுவான இந்திய சாலையை காட்டிலும் தடிமன் குறைவாக இருக்கிறது. இதற்கு பயன்படுத்தப்படும் உற்பத்தி பொருட்களின் செலவும் குறைவுதான். இதில் பயன்படுத்தப்படும் வலிமைகொண்ட கான்கிரீட் நானோ பூச்சுகொண்ட பைபர் தொழில்நுட்பத்தால் அமைக்கப்பட்டுள்ளதால் அதிக தண்ணீரை உறிஞ்சும் தன்மை கொண்டதாக இருக்கும்.



     இந்த சாலை மீது 'ஹைட்ரோஃபோனோபில் நானோபூச்சுக்கள்' இருப்பதால் தண்ணீரை உறிஞ்சும்போது சாலை சேதமடைந்தால் தானாக சிலிகேட் உற்பத்தியாகி தானாக சரி செய்துகொள்ளும். தற்போது இருக்கும் சாலைகளின் தரத்தினை விட 15 ஆண்டுகளுக்கு மேல் இந்த சாலைகள் நீடித்து இருக்கும். இந்த வகை சாலை அமைக்க ஆகும் செலவு, சாதாரண சாலையை விட 30% செலவும் குறைவு. 'நானோ பூச்சுகொண்ட பைபர்' சாலையானது கிராமப்புரத்தில் உள்ள 2.4 மில்லியன் தூரத்திற்கு சாலை அமைக்கப்படும். இந்த சாலையானது முதற்கட்டமாக ஹரியானா மற்றும் மத்திய பிரதேசம் தொடங்கி பல்வேறு மாநிலங்களில் இதிட்டம் செயல்படுத்தப்பட உள்ளது. இந்த திட்டம் விரைவில் கனடாவிலும் செயல்படுத்தப்பட உள்ளது' என்றார்.


                


      இந்த சாலைகள் பற்றி பேசிய கனடா-இந்தியா ஆராய்ச்சி மையத்தின் அறிவியல் துறை இயக்குநர், 'இந்திய சாலைகளை இந்த புதிய தொழில்நுட்பத்தில் அமைப்பது புதிய வழியாக இருக்கும். இவற்றின் செலவு குறைவு, சுற்றுச்சூழலுக்கும் உகந்தது' என்றார்.

     
 

- துரை.நாகராஜன்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு