Published:Updated:

மாப்பிள்ளையாக சபதம் எடுக்கணுமா? - இது ட்ரெண்டி கல்யாணம்!

தார்மிக் லீ

ஒட்டுமொத்த விகடனுக்கும் ஒரே ஷார்ட்கட்

Use App
மாப்பிள்ளையாக சபதம் எடுக்கணுமா? - இது ட்ரெண்டி கல்யாணம்!
மாப்பிள்ளையாக சபதம் எடுக்கணுமா? - இது ட்ரெண்டி கல்யாணம்!

மாப்பிள்ளையாக சபதம் எடுக்கணுமா? - இது ட்ரெண்டி கல்யாணம்!

ந்தக் காலத்து ட்ரெண்டில் பொண்ணுக்கு மாப்பிள்ளை பார்க்க வேண்டுமென்றால் ஒருவேளை இந்தத் தகுதியெல்லாம் எதிர்பார்ப்பாங்களோ? தட் கல்யாணம் நடந்த மாதிரி தான் மொமெண்ட்!

மூன்று முறை சபதம் எடுக்க வேண்டும் :

பொண்ணு பார்க்கப்போய் பொண்ணு பிடித்துப் போனால் தமிழ்நாட்டில் எந்த மூலையில் இருந்தாலும் வேகமா ஒரு பஸ்ஸைப் பிடிச்சு சென்னை, மெரினாவுக்கு வந்திடணும். வந்துட்டு மூணு தடவை அம்மா சமாதியில் எனக்கு வர்றப்போற பொண்ணை நல்லாப் பார்த்துக்குவேன், கஷ்டப்படுத்த மாட்டேன், கேட்கிறதெல்லாம் வாங்கித் தருவேன் என்ற இந்த மூன்று சபதங்களும் செய்தால் மட்டுமே இந்தக் கல்யாணம் நடக்கும். டிசைன்ல இருக்கு பாஸ்! 

சொந்தமா ரிசார்ட் இருக்க வேண்டும் :

கல்யாணம் பண்ணனும்னா கோடி கோடியா சொத்துகள் இருக்க வேண்டும் என்ற அவசியம் இல்லை. ஒன்ணே ஒண்ணு கண்ணே கண்ணுனு ரிசார்ட் மட்டும் இருந்தால் போதும். குடும்பத்துடன் ஏதாவது சிக்கலில் மாட்டிக்கொண்டால் தப்பிக்கிறதுக்கு அங்கே போய் இருக்கலாம், லீவ் நாட்கள்ல குழந்தை குட்டியோட அங்கே போய் சந்தோஷமாக இருக்கலாம், சம்மர் காலங்களில் ஜாலியாக நீச்சல் குளத்தில் குத்தாட்டம் போட்டுச் சூட்டை தணிக்கலாம். இது போன்று நிறைய விஷயங்களைச் செய்யலாம். 

காளையை அடக்க வேண்டும் :

ஜல்லிக்கட்டு தடை நீங்கிய பிறகு இதுவும் நடைமுறைக்கு வந்தாச்சு. பொங்கல் பண்டிகையில் பல ஊர்களில் ஜல்லிக்கட்டு நடக்கும். முக்கியமாக மதுரைப் பக்கம் போய் பார்த்தால் சின்னச் சின்ன கிராமங்களில்கூட ஜல்லிக்கட்டு நடக்கும். அதுக்கெல்லாம் பயிற்சி எடுத்து மாட்டை அடக்கினால்தான் கல்யாணம் ஆகும் ஃப்ரெண்ட்ஸ். காளையை அடக்குங்க... கல்யாணம் பண்ணுங்க. 

தியானம் செய்ய வேண்டும் :

தியானம் செய்தால் உடலுக்கு மட்டும் நல்லது இல்லை. கல்யாணமெல்லாம்கூட நடக்குமே. எப்படியும் கல்யாணம் ஆன பிறகு சண்டையெல்லாம் நடக்கும், நிறைய டென்ஷன்கள் வந்து போகும். எனவே அதையெல்லாம் கருத்தில்கொண்டுதான் இந்தத் தகுதி. கல்யாணம் பண்றதுக்கு முன்னாடி கல்யாணம் பண்ணணும்னு தியானம் பண்ண வேண்டும். பண்ணின பிறகு ஏன்டா பண்ணோம்னு தியானம் பண்ண வேண்டும். இப்போ இருந்தே ஆரம்பிங்க மக்களே. பின்னாடி யூஸ் ஆகும்.

கமல் ட்வீட்டிற்கு அர்த்தம் சொல்ல வேண்டும் :

மேற்கூறிய அனைத்தையும் ஏதாவது குரங்கு பல்டி அடித்துக்கூடச் செய்துவிடலாம். ஆனால் இது நம்ம பசங்களுக்கு சவாலான ஒரு காரியம்தான். ஏனென்றால் விடை தெரியாத கேள்விகளுக்குக்கூட ஏதாவது விடை சொல்லித் தப்பித்து விடலாம். ஆனால் கமல் போடும் ட்வீட்டுகளுக்கு கேள்வியே தெரியாதே. அப்படி ஒவ்வொன்றும் வேற லெவல் ப்ரோ. இவர் போடும் ட்வீட்டுகளுக்கு அர்த்தம் சொன்னால்தான் கல்யாணம் என்றால் எவருக்குமே கல்யாணம் என்பது கனவுதான். 

மணவறையில் கிழிந்த சட்டையுடன் உட்கார வேண்டும் :

கல்யாண நேரம் கைகூடி வரும்போது தாலி கட்ட மணவறையில் உட்கார்ந்திருக்கும்போது சட்டையைக் கிழித்துக்கொண்டுதான் உட்கார வேண்டும். அது அவரது அரசியல் வாழ்க்கைக்கு ஒரு பிள்ளையார் சுழியாகக்கூட இருக்கலாம். அதோடு பாவம் மாப்பிள்ளை கிழிந்த சட்டையுடன் இருக்கிறார் என்று பார்ப்பவர்கள் மத்தியில் சிம்பதி க்ரியேட் பண்ணி மொய் பணமும் கொட்டோ கொட்டுனு கொட்டும். அப்படியே ஃபேஸ்புக்ல போடும் மீம்களுக்கும் டெம்ப்ளேட் ஆகிவிடலாம்!

- தார்மிக் லீ

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு