Published:Updated:

90-களில் பிறந்தவரா நீங்கள்..? அப்படினா இதைப் படிச்சுப் பாருங்க! #நாஸ்டால்ஜியா #NostalgicCharacters

தார்மிக் லீ
90-களில் பிறந்தவரா நீங்கள்..? அப்படினா இதைப் படிச்சுப் பாருங்க! #நாஸ்டால்ஜியா #NostalgicCharacters
90-களில் பிறந்தவரா நீங்கள்..? அப்படினா இதைப் படிச்சுப் பாருங்க! #நாஸ்டால்ஜியா #NostalgicCharacters

நீங்கள் 90 களில் பிறந்தவர்களா..? அப்படினா இவங்களை உங்களால மறக்கவே முடியாது தெரியுமா..?  இதோ நான் சொல்லச் சொல்ல அப்படியே நாஸ்டால்ஜியா உலகத்துக்குள்ள கண்ணு முன்னாடி  வருவாங்க பாருங்க..!

Macaulay Culkin :

90-களில் பிறந்தவரா நீங்கள்..? அப்படினா இதைப் படிச்சுப் பாருங்க! #நாஸ்டால்ஜியா #NostalgicCharacters

என்னடா இது பெயரே கொச கொசனு கொஸக்ஸி பசப்புகழ் மாதிரி இருக்கேன்னு பார்க்காதீங்க. இந்தப் பேருக்கும் 90-களில் பிறந்த குழந்தைகளுக்கும் நிறைய பந்தம் இருக்கு. இன்னும் யார்னு தெரியலையா..? உங்களுக்கெல்லாம் 'ஹோம் அலோன்'னு ஒரு படம் ஞாபகம் இருக்கிறதா? அந்தப் படத்தில் சுட்டித் தனம் செய்யும் அதே சிறுவன் தான் 'மெக்குலே குல்கின்' அதுமட்டுமல்லாமல் 'ரிச்சி ரிச்'னு ஒரு தொடர் ஞாபகம் இருக்கிறதா மக்களே? எப்படி மறக்க முடியும்? அது இல்லாமல் நம்ம பிறவி முழுமையடையாதே..! சிறு வயதில் அதானே நமக்குப் பொழுதுபோக்கே. குழந்தை நட்சத்திரமாக இவர் அந்தக் காலத்தில் எல்லோருக்கும் பிடித்தமானவராக இருந்தார். இன்னமும்கூட ஒரு சிலர் போர் அடித்தால் இவர் நடித்த 'ஹோம் அலோன்' 'ரிச்சி ரிச்' போன்ற படங்களைப் பார்ப்பது வழக்கம். 50 சிறந்த குழந்தை நட்சத்திரப் பட்டியலில் இன்றுவரை இவருக்கெனத் தனி இடமே உண்டு! 

Mukesh Kanna :

90-களில் பிறந்தவரா நீங்கள்..? அப்படினா இதைப் படிச்சுப் பாருங்க! #நாஸ்டால்ஜியா #NostalgicCharacters

என்னடா இது பெயரே சாம்பார் மாதிரி இருக்குனு பாக்காதீங்க. அட இவருதான்யா நம்ம 'சக்திமான்'!  இவரை சக்திமான் என்றே நெஞ்சில் விதைத்து விட்டு உண்மையான பெயரைச் சொன்னவுடன் யாருக்கும் தெரிய வாய்ப்பில்லை. பின்னங்கால் பொடனியில் பட ஓடிவந்து டி.வி முன் உட்கார்ந்து பார்க்கும் முதல் நாடகம் இதுவாகத் தான் இருக்கும். மொத்தம் 400 எபிசோடுகள்...அத்தனையும் அதகளம்!  இந்த சீனைச் சொல்லி `இது எந்த எபிசோட்?' என்று கேட்டால் இன்ச் மாறாமல் யாராவது சொல்லிவிட்டால் அவர்கள் நிச்சயம் 90-களில் பிறந்த குழந்தையாக மட்டும் தான் இருக்க முடியும்! எத்தனை சூப்பர் ஹீரோ இருந்தாலும் நமக்கு இவர் தான் முதல் சூப்பர் ஹீரோ. அந்த டைட்டில் சாங்கை இப்பக்கூட மனப்பாடமாய் பாடும் மீசை வைத்த குழந்தைகள் ஊருக்குள் ஏராளம். அந்த நாடகத்திற்கு இவர் தான் தயாரிப்பாளர் என்பதும் குறிப்பிடத்தக்கது. 

Rowan Atkinson :

90-களில் பிறந்தவரா நீங்கள்..? அப்படினா இதைப் படிச்சுப் பாருங்க! #நாஸ்டால்ஜியா #NostalgicCharacters

பருவம் ஆரம்பித்த பின்னர் இவரது காமெடிகளை பார்த்துத் தான் வளரத் தொடங்கினோம். யார்னு இன்னுமா தெரியவில்லை? அட இவர் தான்யா நம்ம மிஸ்டர் பீன். இவரின் உண்மையான பெயரைச் சொன்னால் 'என்னடா கெட்ட வார்த்தையெல்லாம் பேசுற?'னு கேட்கும் கூட்டம் நிறைய. எந்தத் தலைமுறையினருக்கு கிடைக்காத 90-களில் சந்தோஷமான தருணங்களைக் கொடுத்ததில் இவருக்கும் பெரும் பங்குள்ளது. மனிதனுக்கு சோற்றுக்கு பிறகு தேவை சிரிப்பு தான். அதை அள்ளி அள்ளித் தருவதில் வள்ளல் இவர். இவரைப் பார்த்து சிரிக்காதவர் யாரும் இருக்க முடியாது. ஆனால் நிஜ வாழ்கையில் இவர் ரொம்ப சீரியஸாம் பாஸ். இவருக்கு கார்கள் என்றால் மிகவும் பிடிக்கும். சார்லி சாப்ளினிற்குப் பிறகு ப்ளாக் காமெடியில் கிங் என்றால் அது சாட்சாத் நம்ம மிஸ்டர் பீன் தான் மக்களே!

G.S.Pradeep :

90-களில் பிறந்தவரா நீங்கள்..? அப்படினா இதைப் படிச்சுப் பாருங்க! #நாஸ்டால்ஜியா #NostalgicCharacters

இவர் யார் என்று தெரிந்த பின் உதட்டோரத்தில் கண்டிப்பாக சிரிப்பு வரும் மக்களே. ஒரு சிலருக்கு குபீர் சிரிப்பாகக் கூட அது இருக்கலாம். இதச் சொல்றேன் ஞாபகம் வருதான்னு பாருங்க? 'யார் மனசில யாரு? உங்க மனசில யாரு... அவங்களுக்கு என்ன பேரு?' கரெக்ட்... அவரே தான்! மலையாளம் கலந்து அழகாகத் தமிழ் பேசும் ஜி.எஸ். பிரதீப் தான் அவர். விஜய் டி.வி-யில் ஒளிபரப்பாகும் 'க்ராண்ட் மாஸ்டர்' ப்ரோகிராமின் மாஸ்டர் இவர் தான். நமக்குத் தெரிந்த முதல் விஞ்ஞானி இவர் தான். மனதில் யாரையாவது நினைத்துக்கொண்டு அவர் கேட்கும் கேள்விகளுக்கு ஆம், இல்லை என்று சொன்னாலே போதும். அது யார் என்று சொல்லிவிடுவார். அவர் பேச்சைக் கேட்டாலே தெரிந்து விடும் ஹீ இஸ் ஃப்ரெம் கேரளா என்று! ஆளு ஸ்டேட் லெவல் கேரம் ப்ளேயர்! இவரே 5 புத்தகங்களும் எழுதி இருக்கார்னா பார்த்துக்கோங்க! 

Kinshuk Vaidya, Hansika Motwani :

90-களில் பிறந்தவரா நீங்கள்..? அப்படினா இதைப் படிச்சுப் பாருங்க! #நாஸ்டால்ஜியா #NostalgicCharacters

சிலருக்கு இவர்களைத் தெரிந்திருக்கலாம், சிலருக்குத் தெரியாமலும் இருக்கலாம். இவங்க ரெண்டு பேரும் தான் சிறு வயதில் நாம் செய்த கிறுக்குத் தனத்திற்குக் காரணம். ஆம்! கோவில் திருவிழாக்களில் அம்மாவிடம் சண்டை போட்டு ஒரு பென்சில் வாங்கியது நினைவில் இருக்கிறதா ஃப்ரெண்ட்ஸ்? அதை எழுதினால் அப்படியே அந்தப் பொருள் கண் முன் வந்து நிற்கும் என்ற எண்ணத்தை விதைத்தவர்கள் இவர்கள் தான். அதற்குக் காரணம் இந்த 'ஷகலக்க பூம் பூம்' என்னும் நாடகத் தொடர். இவர்கள் இருவரும் தான் இந்த சீரியலில் வரும் முக்கிய கதாபாத்திரம். மும்பை வாலாக்கள் என்றாலும் டப்பிங் உபயத்தால் நம்ம வீட்டுச் சுட்டீஸாய் ஆனார்கள். நாங்கூட இவங்களுக்கு ஃபேந்தான் ஃப்ரெண்ட்ஸ்! 

John Tui :

90-களில் பிறந்தவரா நீங்கள்..? அப்படினா இதைப் படிச்சுப் பாருங்க! #நாஸ்டால்ஜியா #NostalgicCharacters

பெயரைப் பார்த்து கன்ஃபியூஸ் ஆகாதீங்க.  'பவர் ரேஞ்சர்ஸ்'னு சொன்னா 'கபால்'னு புடிச்சுக்குவீங்க. கையில் பொம்மை போன் போல வைத்துக் கொண்டு 'எஸ்.பி.டி எமர்ஜென்ஸி' என்று இவர் பேசிய டயலாக் ஞாபகம் இருக்கிறதா? நாய் வடிவத்தில் முகத்தை வைத்து பவர் ரேஞ்சர்ஸில் ஒரு கேரக்டர் வருமே அவர் தான் 'ஜான் டுய்'... அந்த பவர் ரேஞ்சர்ஸ் டீமிற்குத் தலைவன். அதில் வரும் 'டாகி க்ரூகர்' இவரே தான். ஹாலிவுட்டில் பட்டையைக் கிளப்பிய 'தி ஹாபிட்' என்னும் திரைப்படத்தில் 'போல்க்' என்னும் கதாப்பாத்திரத்தில் நடித்தவரும் இவர் தான்! 

Kamal Chopra :

90-களில் பிறந்தவரா நீங்கள்..? அப்படினா இதைப் படிச்சுப் பாருங்க! #நாஸ்டால்ஜியா #NostalgicCharacters

இவரின் பெயர் யாருக்கும் தெரிய வாய்ப்பில்லை. இப்போ டி.வி-யில் விளம்பரங்களைப் பார்த்தால் அடுத்த சேனலை மாற்றுவது தான் வழக்கம். ஆனால் அந்தக் காலத்தில் விளம்பரங்களும் கூட ரசிக்கும் விதமாக இருக்கும். அப்படி ஒரு வின்டேஜ் விளம்பரத்தைச் சொல்றேன்... ஞாபகம் வருதான்னு பாருங்க! ஏரியில் ஒருவர் பல மணி நேரமாக உட்கார்ந்து மீன் பிடித்துக் கொண்டிருப்பார். அப்போது ஒருவர் வந்து அவர் கையில் இருக்கும் குச்சியில் 'ஃபெபி க்விக்கை' எடுத்து மூன்று சொட்டுகளை வைத்து மூன்று மீன்களை மூன்றே செகண்டில் பிடித்துவிட்டுக் கிளம்பிவிடுவார். இந்த விளம்பரத்தை யாராலும் மறக்கவே முடியாது தானே.? அதில் தொப்பி போட்டு வரும் தாத்தா தான் 'கமல் சோப்ரா'. பாலிவுட்டில் 'பரின்டா' 'சிங் இஸ் கிங்' என சில படங்களில் பிரமாதப்படுத்தி இருப்பார் இந்த சோப்ரா தாத்தா!

அடுத்த வாரம் வேறு சில நபர்களுடன்  சந்திக்கலாம்.

- தார்மிக் லீ