Published:Updated:

ஓணான் கதைய கேட்காமலே இருந்திருக்கலாம்..! - 90ஸ் கிட்டின் குற்றவுணர்ச்சி #MyVikatan

ஓணான்
ஓணான் ( Pixabay )

இப்படி ஓணானைப் பிடித்து நாங்கள் சித்திரவதை செய்வதற்குக் காரணம் யாரோ எப்போதோ சொல்லி சென்ற ஓணான் கதைதான். 80ஸ் 90ஸ் கிட்ஸுக்கு இந்தக் கதை கண்டிப்பாகத் தெரிந்திருக்கும்.

பொறுப்புத் துறப்பு: இந்தக் கட்டுரை, வாசகரின் படைப்பு. கட்டுரையில் குறிப்பிடப்பட்டுள்ள தகவல்களுக்கும் கருத்துகளுக்கும் அதன் ஆசிரியரே பொறுப்பாவார். கட்டுரை சம்பந்தமாக உங்களுக்கு ஆட்சேபனை இருந்தால், my@vikatan.com-க்கு மின்னஞ்சல் அனுப்புங்கள்!

இப்பொழுது இருக்கும் சிறுவர்களுக்கு ஓணான் கதை அவ்வளவாக தெரிய வாய்ப்பில்லை. தெரியாமல் இருப்பதும் ஒருவிதத்தில் நல்லதுதான். இல்லை என்றால் இந்நேரம் எத்தனை ஓணான்கள் சிறுவர்களின் தொல்லைகளுக்கு ஆளாகி இறந்து போயிருக்குமோ!

நமக்கும் பால்யகாலத்தில் ஓணான் கதை தெரியாமல் இருந்திருந்தால் எத்தனையோ ஓணான்கள் இறக்காமல் போயிருக்கும். எவ்வளவு ஓணான்களை கஷ்டப்படுத்தி துன்பப்படுத்திவிட்டோம்.

ஆம் அப்பொழுதெல்லாம் சனி, ஞாயிறு விடுமுறை என்றால் எங்களை போன்ற சிறுவர்களுக்கு ஒரே கொண்டாட்டம்தான். காலை 8 மணிக்கெல்லாம் வீட்டில் சாப்பிட்டுவிட்டு வெளியே விளையாட தயாராகிவிடுவோம். ஓணானை பிடிப்பதுதான் முதல் விளையாட்டு.

ஒவ்வொரு நண்பனின் வீட்டுக்கும் சென்று ஒவ்வொருவராய் பிக்கப்பண்ணி கொண்டு செட்டு சேருவோம். கையில் ஆயுதம் தயார்நிலையில் இருக்கும். ஆயுதம் என்றால் பச்சை ஓலைமட்டையின் விசுறு.

ஓணான்
ஓணான்

பின் ஒவ்வொருவரும் மரம், செடி, கொடிகளை நோக்கி தனித்தனியாக ஓணானை நோக்கி படையெடுப்போம்.

ஓணானைப் பார்த்துவிட்டால் எல்லோருக்கும் ஒரே சந்தோசம்தான். இப்படி ஓணானைப் பிடித்து நாங்கள் சித்திரவதை செய்வதற்குக் காரணம் யாரோ எப்போதோ சொல்லி சென்ற ஓணான் கதைதான். 80ஸ் 90ஸ் கிட்ஸுக்கு இந்தக் கதை கண்டிப்பாகத் தெரிந்திருக்கும்.

"முருகர் சாமி ஒருமுறை வேட்டையாட போகும்போது ஒரே தண்ணிதாகமாம். மயக்கமாக இருந்ததாம். அப்போது வழியில் ஒரு ஓணான் வந்ததாம். அந்த ஓணானிடம் முருகர் சாமி தண்ணீர்கேட்டாராம். அந்த ஓணான் உதாசீனப்படுத்திவிட்டதாம். அதற்கு முருகர் சாமி ஓணானை திட்டி சாபம் விட்டு தண்டணை கொடுத்தாராம். அதனால்தான் ஓணான் உடம்பு பார்ப்பதற்கு அருவருப்பாக இருப்பதாகச் சொல்வார்கள். பின்னர் முருகரின் தாகத்தை ஒரு அணில் தீர்த்ததாம். உடனே முருகர் சாமி அணிலுக்கு ஆசீர்வாதம் செய்தாராம். அதனால்தான் அணிலின் உடம்பு மீது மூன்று கோடு இருக்கிறதாம்’’

இப்படியான கற்பனை கதையைக் கேட்டு வளர்ந்த நாங்கள், ஓணானை கண்டாலே அடித்து விரட்ட வேண்டும் என்று நினைத்துவிட்டோம்.

"சாமிக்கு தண்ணி தரமாட்டேன்னு சொல்லிட்டல..?’’ என்று கண்ணுக்கு அகப்படும் ஓணான்களை கையில் வைத்துள்ள பச்சை ஓலமட்டை விசுரில் சுருக்கு போன்று கட்டி இழுப்போம். ஓணான் வசமாய் மாட்டி கொள்ளும். அவற்றால் தப்பிக்க முடியாது.

ஓணான்
ஓணான்

பின் அந்த ஓணானை அடித்து துரத்திவிடுவோம். சில சமயங்களில் ஓணான்கள் பரிதாபமாக இறந்துவிடும். இப்போது நினைத்தால் குற்றவுணர்ச்சியாக இருக்கிறது.

நாம் எவ்வளவு பெரிய தப்பு செய்திருக்கிறோம் என்று மனசு கஷ்டபடும். அதற்கு காரணம் அன்று நமக்கு சொன்ன கதை. முட்டாள்தனமான இந்தக் கதை இப்போதுள்ள சிறுவர்களுக்கு தெரியாமல் இருப்பதே நல்லது.

- செந்தில் வேலாயுதம்

விகடனில் உங்களுக்கென ஒரு பக்கம்...

உங்கள் படைப்புகளைச் சமர்ப்பிக்க இங்கே க்ளிக் செய்க https://www.vikatan.com/special/myvikatan/

My Vikatan
My Vikatan

ஏதோ ஓர் ஊரில், எங்கோ ஒரு தெருவில் நடந்த ஒரு விஷயம்தான் உலகம் முழுக்க வைரலாகிறது. உங்களைச் சுற்றியும் அப்படியொரு வைரல் சம்பவம் நடந்திருக்கலாம்... நடந்துகொண்டிருக்கலாம்... நடக்கலாம்..! அதை உலகுக்குச் சொல்வதற்காகக் களம் அமைத்துக் கொடுக்கிறது #MyVikatan. இந்த எல்லையற்ற இணையவெளியில் நீங்கள் செய்தி, படம், வீடியோ, கட்டுரை, கதை, கவிதை என என்ன வேண்டுமானாலும் எழுதலாம். மீம்ஸ், ஓவியம் என எல்லாத் திறமைகளையும் வெளிப்படுத்தலாம்.

உங்கள் படைப்புகளைச் சமர்ப்பிக்க இங்கே க்ளிக் செய்க https://www.vikatan.com/special/myvikatan/

அடுத்த கட்டுரைக்கு