Published:Updated:

ஒரு காது சரி; ரெண்டு காதுமா?

தென்கச்சி சுவாமிநாதன்

ஒரு காது சரி; ரெண்டு காதுமா?

தென்கச்சி சுவாமிநாதன்

Published:Updated:
##~##

லய வாசல் திறந்திருந்தது. அங்கே இருந்து ஒருவர் வந்து கொண்டு இருந்தார். அவர் முகம் வாடி இருந்தது.

''என்ன காரணம்?'' என்று விசாரித்தார் எதிரே வந்த நண்பர்.

ஒட்டுமொத்த விகடனுக்கும் ஒரே ஷார்ட்கட்!

''ஒரு தப்பு பண்ணிட்டேன்... அதான் ஆண்டவன் கிட்டே மன்னிப்பு கேட்டுட்டு வர்றேன்.''

''என்கூட வா... உனக்கு ஒரு கதை சொல்றேன்!'' என்று இவர் அவரை அழைத்துக்கொண்டு போனார். இருவரும் அந்த ஆலயத்தின் எதிரே இருந்த ஒரு மரத்தின் அடியில் உட்கார்ந்தார்கள்.

நண்பர் கதை சொல்ல ஆரம்பித்தார்.

''ஒரு ஊர்லே ஒருத்தன் இருந்தான். ஒரு முறை அவன் தன் இரண்டு காதுலேயும் பெரிசா கட்டு போட்டுக்கிட்டு வந்தான்.

'என்னப்பா சந்திர மண்டலம் புறப்பட்டுட்டியா?’னு கிண்டல் செய்தான் அவன் நண்பன்.

ஒரு காது சரி; ரெண்டு காதுமா?

'அதெல்லாம் ஒண்ணுமில்லேப்பா... வீட்டுலே ஒரு சின்ன விபத்து நடந்துடுச்சு... அதுதான் இப்படி!’

'என்ன... மனைவிகூட சண்டை போட்டியா?’

'அந்தப் பழக்கம்லாம் என்கிட்டே கிடையாது!’

'வேற என்ன நடந்தது? கொஞ்சம் விவரமாத்தான் சொல்லேன்.’

அவன் சொல்ல ஆரம்பித்தான்...

'அது... வந்து... வேறே ஒண்ணுமில்லே. டி.வி-யிலே கிரிக்கெட் மேட்ச் நடந்துது. அதை நான் ரொம்ப ஆர்வமா பார்த்துக் கிட்டிருந்தேன். அப்போ என் மனைவி துணிக்கு அயர்ன் பண்ணிக்கிட்டிருந்தா. அயர்ன் பாக்ஸை அப்படியே வெச்சுட்டு அடுப்பங்கரை பக்கம் போயிருக்கா. அந்த நேரம் பார்த்து டெலிபோன் மணி அடிச்சுது. அவசரமா நான் எழுந்திருச்சு ஓடிப் போய் அதை எடுத்துக் காதிலே வெச்சேன். அப்புறம்தான் தெரிஞ்சது, நான் காதுலே வெச்சது டெலிபோன் ரிசீவர் இல்லே... அயர்ன் பாக்ஸ்! சூடா இருந்துதா... சுட்டுப்புட்டுது!’

ஒரு காது சரி; ரெண்டு காதுமா?

'நீ சொல்றபடி பார்த்தா ஒரு காது இப்படி ஆனது சரி. ரெண்டு காதுலேயும் கட்டுப் போட்டிருக்கியே? அது எப்படி?’

'அதே ஆளு மறுபடியும் போன் பண்ணுவான்னு நான் எதிர்பார்க்கலியே!’

மரத்தடியில் அமர்ந்து இந்தக் கதையைக் கேட்டுக்கொண்டு இருந்த அன்பர் விழுந்து விழுந்து சிரித்தார்.

''சிரிக்காதீர்கள்... சிந்தித்துப் பாருங்கள்!'' என்றார் நண்பர்.

''என்ன சொல்கிறீர்கள்?''

''இப்போ ஒரு தப்பு பண்ணிப்புட்டு ஆண்டவன்கிட்டே மன்னிப்பு கேட்டுக்கிட்டு வர்றதா சொன்னீங்க. இது முக்கியம் இல்லை. இதே தப்பை மறுபடியும் நீங்க செய்யாம இருக்கணும்... அதுதான் முக்கியம்!''

அவர் சிந்திக்க ஆரம்பித்தார்.

'பாவங்கள் மன்னிக்கப்படுவது ஏன்?’

சற்று நேரத்தில் விடை அவருக்கு விளங்கியது.

பாவங்களை மனிதன் மறுபடியும் செய்யாமல் இருப்பதற்காகவே அவன் மன்னிக்கப்படுகிறான்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism