Published:Updated:

கலாம் மீதான அன்பை தூரிகையில் காட்டிய ராஜேஷ்

ஜெ.பஷீர் அஹமது
கலாம் மீதான அன்பை தூரிகையில் காட்டிய ராஜேஷ்
கலாம் மீதான அன்பை தூரிகையில் காட்டிய ராஜேஷ்

இளைஞர்களே நாட்டின் எதிர்காலம் என்று ஓயாமல் சொல்லி வந்தவர் டாக்டர் ஏபிஜே அப்துல் கலாம்.

நாட்டின் ஒவ்வொரு இளைஞனும் தன்னுடைய அஞ்சலியையும், அன்பையும் மறைந்த குடியரசுத் தலைவர் அப்துல் கலாமுக்கு செலுத்தி வருகின்றனர். 

இந்நிலையில் தன்னுடைய அன்பை தன் தூரிகையின் கைவண்ணத்தால் காட்டினார் ராஜேஷ் 

தன்னுடைய ஆறாம் விரலுக்கு தன் அன்பை அழுத்தமாக கொடுத்து கலாமின் சாதனைகளை வரைந்து சமூக வலைதளங்களில் டிரண்ட் அடித்து இருக்கிறார் ராஜேஷ்.

அவரது ஓவிய படைப்புகளை பற்றி அவரிடம் கேட்ட போது பல சுவாரஸ்ய தகவல்களை நம்மிடையே பகிர்ந்தார்.

நீங்கள் எத்தனை வயதில் இருந்து வரைய ஆரம்பித்தீர்கள்?

நான் சிறு வயதில் இருந்தே வரைய ஆரம்பித்தேன். 1998ல் 12ம் வகுப்பு படிக்கும் போது செயல்முறை நோட்டில் வரையும் போது அதன் மீதான ஆர்வம் அதிகமானது.

அப்துல் கலாம் மீதான உங்கள் படைப்பு என்பது மிகவும் அழகாக இருக்கிறதே? 

சிறு வயதில் இருந்தே அப்துல் கலாம் மீது அதிக ஈர்ப்பு. 15வருடமாக அவரை கவனித்து வருகிறேன். அவரது முகத்தின் எல்லா அசைவுகளையும் ரசித்து வருகிறேன். அவரது மகிழ்ச்சி, கவலை, சிந்தனை, அறிவு கூர்மை இவைகளெல்லாம் முகத்தில் தெரியும்படி வரைவேன்.

இதுவரை நீங்கள் வரைந்த மொத்த படங்கள் எத்தனை? யாரையெல்லாம் வரைந்து இருக்குறீர்கள்? 

நான் 3000க்கும் மேற்பட்ட பல படங்களை வரைந்திருக்கிறேன். முக்கியமாக நாட்டின் பல தலைவர்களையும், எழுத்தாளர்களையும் வரைந்திருக்கிறேன். இதில் அப்துல் கலாம் படம் மொத்தம் 18 வரைந்திருக்கிறேன்.

தொடர்ந்து வரைகிறீர்கள் அதற்காக நீங்கள் எடுக்கும் முயற்சிகள் எவை?

சிறு வயதி்ல் இருந்தே வரைவது பிடிக்கும். மேலும் தொடர்ந்து வரையும் போது கண்ணெரிச்சல் ஏற்படும். அப்துல் கலாமின் படங்களை வரையும் போது அது பெரிதாக தெரிவதில்லை.

ராஜேஷ் வரைந்திருக்கும் அனைத்து படங்களும் அசல் வடிவத்தையே பெற்றிருக்கிறது. குறிப்பாக அப்துல் கலாம் படங்களில் அவர் பேசுவது போன்றும், சிந்திப்பது போன்றும், எழுதுவது போன்றும், மாணவர்களோடு விளையாடுவது போன்றும், அவர் வடிவமைத்த ராக்கெட்டின் படத்தையும் கதை சொல்லும் வண்ணம் வரைந்து இருக்கிறார்.