Published:Updated:

People Cards என்னும் மெய்நிகர் விசிட்டிங் கார்டுகள்! - சில ஹைலைட்ஸ் #MyVikatan

Google cards
Google cards

தங்கள் தேடலில் ஒருவரைக் கண்டுபிடிக்க விரும்பும் நபர்களுக்கு தேடும் நபர்களின் முழுமையான விபரங்களை உள்ளடக்கிய மெய்நிகர் விசிட்டிங் கார்டு கிடைக்கும்...

பொறுப்புத் துறப்பு: இந்தக் கட்டுரை வாசகரின் படைப்பு. கட்டுரையில் குறிப்பிடப்பட்டுள்ள தகவல்களுக்கும் கருத்துகளுக்கும் அதன் ஆசிரியரே பொறுப்பாவார். கட்டுரை சம்பந்தமாக உங்களுக்கு ஆட்சேபனை இருந்தால், my@vikatan.com-க்கு மின்னஞ்சல் அனுப்புங்கள்!

விசிட்டிங் கார்டுகள் ஒருவரின் தகவல் தொடர்பு விபரங்களைப் பிறர் அறிந்துகொள்ள உதவுகின்றன. ஆனால் இன்றைய டெக் உலகில் விசிட்டிங் கார்டுகள் பெரிய அளவில் தாக்கத்தை ஏற்படுத்துவது கிடையாது. எனவே இவற்றில் காலத்திற்கு ஏற்ப புதுமை தேவைப்படுகிறது.

நாம் உலகத்துக்குக் கூற விரும்பும் நம்மைக் குறித்த அனைத்துத் தகவல்களும் விசிட்டிங் கார்டுகளில் இருந்தால், இவற்றை உலகத்தின் எந்தவொரு மூலையில் இருப்பவரும் உடனே பார்க்க முடிந்தால், நம்மைக் குறித்த பிம்பத்தை விசிட்டிங் கார்டு வழியே நம்மால் கட்டமைக்க முடிந்தால் நன்றாக இருக்கும் தானே!

Google cards
Google cards

டெக் உலக ஜாம்பவான்களில் ஒன்றான கூகுள், மக்களுக்குப் பயன்படும் பல்வேறு தொழில்நுட்ப வசதிகளைப் புதுமையாகச் சிந்தித்தும், அவற்றை வெற்றிகரமாகச் செயல்படுத்தியும் வருகிறது. அந்த வகையில் கூகுள் நிறுவனம் People Cards எனப்படும் மெய்நிகர் விசிட்டிங் கார்டு (Virtual Visiting Card) வசதியை இந்த வாரம் இந்தியாவில் அறிமுகப்படுத்தி உள்ளது.

இந்த வசதி மூலம் நமக்கென ஒரு மெய்நிகர் விசிட்டிங் கார்டை நாம் உருவாக்கிக்கொள்ள முடியும்.

People Cards-களில் இடம்பெற வேண்டிய தகவல்களை நமக்குப் பிடித்தமான வகையில் ஒருங்கமைத்து உலகத்துடன் பகிர்ந்து கொள்ளலாம். நமது பிம்பத்தைக் கட்டமைக்க, வியாபாரத்தைப் பெருக்க, வேலை தேட என பல வகைகளிலும் இந்த மெய்நிகர் விசிட்டிங் கார்டுகள் பயன்படும் என கூகுள் தெரிவித்துள்ளது.

சிறப்பம்சங்கள்:

#People Cards வசதி பயனர்கள் தங்கள் மெய்நிகர் விசிட்டிங் கார்டை உருவாக்கவும், அவர்களின் வலைதள மற்றும் சமூக வலைதள விவரங்களை முன்னிலைப்படுத்தவும் உதவுகிறது.

#People Cards பயனரின் ஆன்லைன் இருப்பை உருவாக்க உதவும்.

#தங்கள் தேடலில் ஒருவரைக் கண்டுபிடிக்க விரும்பும் நபர்களுக்கு தேடும் நபர்களின் முழுமையான விபரங்களை உள்ளடக்கிய மெய்நிகர் விசிட்டிங் கார்டு கிடைக்கும்.

#பயனர்கள் தங்களைப் பற்றி தேடும் நபர்கள் தெரிந்து கொள்ள விரும்பும் அனைத்து தகவல்களைச் சேர்க்கவும் இந்த அம்சம் அனுமதிக்கிறது.

#இந்தியா முழுவதும் உள்ள பயனர்கள் தங்கள் மொபைல் போன்களில் மட்டும் People Cards-களை உருவாக்கவும், தேடிக் கண்டறியவும் செய்யலாம்.

#People Cards-கள் தற்போது ஆங்கிலத்தில் மட்டுமே கிடைக்கின்றன.

#People Cards அம்சம் தனிநபர்கள், புகழ்மிக்கவர்கள், தொழில்முனைவோர், ஊழியர்கள், சுயதொழில் செய்பவர்கள், பகுதி நேர பணியாளர்கள் உள்ளிட்டவர்களுக்கு உதவுவதை நோக்கமாகக் கொண்டுள்ளது.

Google cards
Google cards

# கூகுளில் மக்கள் நம்மைத் தேடும்போது நமது வணிகம், ஆர்வம் மற்றும் நாம் பகிர விரும்பும் Portfolio வினை People Cards காண்பிக்கும்.

# ஒருவரின் பெயரை உள்ளிட்டு தேடும்போது பயனருக்கு People Card கிடைக்கும். மேலும் இதில் தேடுபவரின் பெயர், தொழில் மற்றும் இருப்பிடத்துடன் கூடிய விபரங்களின் ஒரு தொகுதியும் இருக்கும். பயனர்கள் தாங்கள் விரும்பும் அட்டையைப் பார்க்க இவற்றில் ஒன்றையும் தட்டலாம்.

# ஒரே பெயரில் பல நபர்கள் People Cards களை உருவாக்க வாய்ப்புண்டு. இத்தகைய சூழ்நிலையில் ஒரு பெயரைப் பயனர் தேடும்போது கூகுள் தேடல் பல தகவல் தொகுதிகளைக் காட்டும். சரியான நபர்களின், துல்லியமான தகவல்களைக் கண்டுபிடிக்க பயனர்கள் தேடுபவர்களின் தனிப்பட்ட விபரங்கள் உதவும்.

நமக்கென People Cards உருவாக்கும் முறை:

Step1:

People Cards உருவாக்க பயனர்கள் முதலில் தங்கள் கூகுள் கணக்கில் (Chrome) உள்நுழைந்து, கூகுள் தேடலில் தங்களின் பெயரைத் தேட வேண்டும்.

Step 2:

பக்கத்தில் தோன்றும் Add yourself to Google Search விருப்பத்தின் கீழ் உள்ள Get started என்ற விருப்பத்தைத் தேர்வு செய்யவும்.

Step 3:

உங்களது புகைப்படத்தைப் பதிவேற்றவும். சுயவிவரங்கள், சமூக வலைதள விபரங்கள், வலை தளங்களுக்கான இணைப்புகள் ஆகியவற்றைப் பதிவிடவும். உங்களது இயல்பு, பொழுதுபோக்கு, விருப்பங்கள் உள்ளிட்ட விபரங்களை About என்னுமிடத்தல் உள்ளிடலாம். மெய்நிகர் விசிட்டிங் கார்டில் உங்கள் தொலைபேசி எண் அல்லது மின்னஞ்சல் முகவரியை நீங்கள் விரும்பினால் சேர்க்கலாம்.

Google cards
Google cards

Step 4:

விபரங்கள் அனைத்தையும் உள்ளிட்ட பிறகு Preview என்ற வாய்ப்பின் மூலம் உங்கள் மெய்நிகர் விசிட்டிங் கார்டு எப்படி இருக்கும் என்று நீங்கள் பார்க்கலாம்.

மீண்டும் தேவையான திருத்தங்களைச் செய்யலாம்.

Step 5:

இறுதியாக சேமி விருப்பத்தைத் தட்டவும். அவ்வளவுதான் இப்போது உங்கள் மெய்நிகர் விசிட்டிங் கார்டு உருவாகிவிட்டது.

பாதுகாப்பு அம்சங்கள்:

* மக்கள் நம்பகமான மற்றும் பயனுள்ள தகவல்களைக் கண்டுபிடிப்பதை உறுதிசெய்ய, தொழில்நுட்ப ஜாம்பவானான கூகுள் கடுமையான பாதுகாப்பு நுட்பங்களையும், கட்டுப்பாடுகளையும் People Cards வசதியில் கட்டமைத்துள்ளது.

* சைபர் தாக்குதல்கள் உள்ளிட்டவற்றிலிருந்து People Cards அம்சத்தைப் பாதுகாக்க பல்வேறு பாதுகாப்பு (Safeguard Mechanisms) வழிமுறைகளையும் கூகுள் சேர்த்துள்ளது.

* ஒவ்வொரு புதிய அட்டைக்கும் பயனர் ஒரு தனிப்பட்ட மொபைல் எண்ணைக் கொண்டு கணக்கை அங்கீகரிக்க வேண்டும்.(OTP)

Google cards
Google cards

* அட்டையை உருவாக்கும் பயனர் அட்டையில் சேர்க்கப்பட வேண்டிய தகவல்களின் முழுமையான கட்டுப்பாட்டைக் கொண்டிருப்பார்.

* People Cards அனுபவத்தை எப்போது வேண்டுமானாலும் விலக்கிக்கொள்ள முடியும். இவ்வாறு விலக்கிக் கொள்ளும் பயனர்களின் விவரங்கள் கூகுள் தேடலில் தோன்றாது.

* பயனர்கள் குறைந்த தரம் வாய்ந்த People Cards தகவல்களைக் காணும்போதும், கார்டுகள் ஏமாற்றும் நோக்குடன் உருவாக்கப்பட்டதாக நம்பும்போதும் அவற்றைப்பற்றி புகாரளிக்க ஒரு பின்னூட்ட (Feedback) பொத்தான் உள்ளது.


நமது அடையாளத்தை உலகத்திற்கு சிறப்பாக வெளிப்படுத்தவும், வியாபாரம், வேலைவாய்ப்பு, வணிகம் உள்ளிட்ட பல்வேறு உபயோகங்களுக்கும் People Cards என்னும் மெய்நிகர் விசிட்டிங் கார்டுகள் உதவும் என்கிறது கூகுள். இந்தியாவில் இந்த Virtual Visiting Card கள் வெற்றியடையுமா என்று பொருந்திருந்து பார்ப்போம்!

- அகன் சரவணன்

விகடனில் உங்களுக்கென ஒரு பக்கம்...

உங்கள் படைப்புகளைச் சமர்ப்பிக்க இங்கே க்ளிக் செய்க https://www.vikatan.com/special/myvikatan/

My Vikatan
My Vikatan

ஏதோ ஓர் ஊரில், எங்கோ ஒரு தெருவில் நடந்த ஒரு விஷயம்தான் உலகம் முழுக்க வைரலாகிறது. உங்களைச் சுற்றியும் அப்படியொரு வைரல் சம்பவம் நடந்திருக்கலாம்... நடந்துகொண்டிருக்கலாம்... நடக்கலாம்..! அதை உலகுக்குச் சொல்வதற்காகக் களம் அமைத்துக் கொடுக்கிறது #MyVikatan. இந்த எல்லையற்ற இணையவெளியில் நீங்கள் செய்தி, படம், வீடியோ, கட்டுரை, கதை, கவிதை என என்ன வேண்டுமானாலும் எழுதலாம். மீம்ஸ், ஓவியம் என எல்லாத் திறமைகளையும் வெளிப்படுத்தலாம்.

உங்கள் படைப்புகளைச் சமர்ப்பிக்க இங்கே க்ளிக் செய்க https://www.vikatan.com/special/myvikatan/

அடுத்த கட்டுரைக்கு