Published:Updated:

தூய்மை மற்றும் மிடுக்கான வளாகம்... எஸ்ஆர்எம் கல்வி நிறுவனத்துக்கு மத்திய அரசு விருது!

எஸ்ஆர்எம் கல்வி நிறுவனம்
எஸ்ஆர்எம் கல்வி நிறுவனம்

காட்டாங்குளத்தூர் எஸ்ஆர்எம் கல்வி நிறுவனத்துக்குச் சிறந்த தூய்மை வளாக விருது - மத்திய கல்வி அமைச்சர் தர்மேந்திர பிரதான் வழங்கினார்.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

நாட்டில் உள்ள பல்கலைக்கழகங்கள் மற்றும் நிகர்நிலை பல்கலைக்கழகங்களில் காட்டாங்குளத்தூர் எஸ்ஆர்எம் கல்வி நிறுவனத்துக்கு தூய்மை மற்றும் மிடுக்கான வளாகமாக மத்திய அரசால் தேர்வு செய்யப்பட்டு அதற்கான முதன்மை விருதினை மத்திய கல்வி அமைச்சர் தர்மேந்திர பிரதான் வழங்கினார். அதனை எஸ்ஆர்எம் அறிவியல் தொழில்நுட்ப கல்வி நிறுவனத்தின் துணைவேந்தர் முனைவர் சி.முத்தமிழ்ச்செல்வன் பெற்றுக் கொண்டார். அத்துடன் மேலும் இரண்டு விருதுகள் எஸ்ஆர்எம் நிறுவனத்துக்கு வழங்கப்பட்டுள்ளது.

மத்திய அரசின் அகில இந்திய தொழில்நுட்ப கல்வி கழகம் (AICTE All India Council of Technical Education) நாட்டில் உள்ள பல்கலைக்கழகங்கள் மற்றும் நிகர்நிலை பல்கலைக்கழக வளாகங்களில் தூய்மை பராமரித்து வரும் சிறந்த வளாகங்களை தேர்வு செய்து விருது வழங்கி வருகிறது. அதன்படி கடந்த ஆண்டு(2020) நடத்தப்பட்ட ஆய்வு மூலமாக காட்டாங்குளத்தூர் எஸ்ஆர்எம் அறிவியல் தொழில்நுட்ப கல்வி நிறுவன(SRMIST SRM Institute of Science and Technology) வளாகம் நாட்டில் தூய்மையான மற்றும் மிடுக்கான சிறந்த வளாகமாக(Clean and Smart Campus) முதலிடத்திற்கு தேர்வு செய்துள்ளது.

அண்மையில் நடைபெற்ற விருது வழங்கும் நிகழ்ச்சியில் மத்திய கல்வி அமைச்சர் தர்மேந்திர பிரதான் பங்கேற்று அதற்கான விருதினை வழங்க அதனை எஸ்ஆர்எம் அறிவியல் தொழில்நுட்ப கல்வி நிறுவனத்தின் துணைவேந்தர் முனைவர் சி.முத்தமிழ்ச்செல்வன் பெற்றுக் கொண்டார்.

எஸ்ஆர்எம் கல்வி நிறுவனம்
எஸ்ஆர்எம் கல்வி நிறுவனம்

அதேபோல இந்தாண்டு ஆசிரியர் தின விழாவை யொட்டி அகில இந்திய தொழில்நுட்ப கல்வி கழகத்தின் நல்லாசிரியர் விருதான விஸ்வேஸ்ராயா நல்லாசிரியர் விருது எஸ்ஆர்எம் அறிவியல் தொழில்நுட்ப கல்வி நிறுவனத்தின் கணினி பள்ளியின் நெட்வொர்க் மற்றும் கம்யூனிகேஷன் துறை உதவி பேராசிரியை முனைவர் பி.சுப்ரஜாவிற்கு வழங்கப்பட்டு உள்ளது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

கொரொனா தொற்று அபாயம் நிலவி வரும் சூழலில் மருத்துவ சேவையில் உள்ள தடைகளை களைவதற்கான தீர்வு காண்பதற்கு பேராசிரியர் சந்தீப் கே.லகிரா தலைமயில் மாணவர்கள் அடங்கிய குளோடெக் குழு (Clotech Team) உருவாக்கிய நிரமே (Niramay) என்ற தீர்வு தேசிய அளவில் இரண்டாவது இடத்திற்கு தேர்வு செய்யப்பட்டு அதற்கான விருதும் எஸ்ஆர்எம் நிறுவனத்துக்கு வழங்கப்பட்டுள்ளது.

எஸ்ஆர்எம் கல்வி நிறுவனம் மத்திய அரசின் மூன்று விருதுகள் பெற்றமைக்காக அதன் வேந்தர், இணைவேந்தர்கள் மற்றும் நிர்வாக குழவினர் பாராட்டு தெரிவித்துள்ளனர்.
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு