Published:Updated:

வலைபாயுதே

வலைபாயுதே
பிரீமியம் ஸ்டோரி
வலைபாயுதே

சைபர் ஸ்பைடர்

வலைபாயுதே

சைபர் ஸ்பைடர்

Published:Updated:
வலைபாயுதே
பிரீமியம் ஸ்டோரி
வலைபாயுதே
வலைபாயுதே

twitter.com/Itzmejaanu: சிலர் கோபத்தை `வீரம்'னு நினைச்சுட்டிருக்காங்க!

twitter.com/udayanews: மறைந்த பொதுச்செயலாளருக்குப் பதிலாக, மறைந்து இருந்த பொதுச்செயலாளர் வெளியே வந்திருக்கிறார். அவ்வளவுதான்... ஆச்சர்யப்பட ஒன்றும் இல்லை!

twitter.com/narsimp: அவ்வளவு அபத்தங்களும் யாருக்கோ, எந்த நாட்டினருக்கோ நடப்பதுபோல் பார்த்துக் கொண்டிருக்கிறோம்!

twitter.com/maanniiiiiii: புதுசா பிறந்த இந்தியாவுக்கு `ஏமாந்தியா?'னு பேரு வெச்சிருக்காங்களாம், ரொம்ப நல்லாயிருக்கு!

twitter.com/thirumarant: அம்மாவுடன் இருந்தேன் என்பதைத் தவிர, சசிகலாவிடம் பேச எதுவும் இல்லை... இதையே எல்லா மேடைகளிலும் பேசி எதிர்க்கட்சிகளுடன் அரசியல் செய்ய முடியாது!

வலைபாயுதே

ஒட்டுமொத்த விகடனுக்கும் ஒரே ஷார்ட்கட்!

twitter.com/jeytwits: நடுத்தரவர்க்கத்தின் சேமிக்கும் எண்ணம் எல்லாம், மீதமான குழம்பை ஃப்ரிட்ஜில் வைப்பதோடு முடிந்துவிடுகிறது!

twitter.com/indiavaasan: `ஆபீஸுக்குக் கிளம்பிட்டீங்களா?', `சாப்பிட்டுட் டீங்களா?'னு இனி யாராவது யதார்த்தமாகக் கேட்டால்கூட, சந்தேகமாகப் பார்க்க வைத்துவிட்டது அரசியல்!

twitter.com/Kozhiyaar: பையனுக்கு லீவ் லெட்டர் எழுதும்போது `எந்த க்ளாஸ்?'னு கேட்டதுக்கு, வீட்டுல சோறு போட மாட்டேங்கிறாங்க மக்களே!

வலைபாயுதே

twitter.com/meenammakayal: தானும் ஓர் இலை என அமர்ந்திருக்கும் பறவை... தானும் ஒரு பறவை எனப் படபடக்கும் இலை!

twitter.com/CreativeTwitz: `என்னம்மா... இப்படிப் பண்றீங்களேம்மா?' - போன வருஷ ட்ரெண்ட். `சின்னம்மா இப்படிப் பண்றீங்களேம்மா!' - இந்த வருஷ ட்ரெண்டா இருக்கும்!

வலைபாயுதே

twitter.com/inban_ofl: பொண்ணுங்களுக்கு, தன்னைப் பார்த்துக்கிற பையன் மட்டும்தான் முக்கியம். ஆனா பசங்களுக்கு, தன்னைப் பார்த்துக்கிற எல்லா பொண்ணுங்களும் முக்கியம்!

twitter.com/ValluvarM: கடவுளே... ரெய்டு வர்ற அளவுக்குச் சம்பாதிக்க முடியலைன்னாலும், டாக்ஸ் கட்டுற அளவுக்காவது சம்பாதிக்கணும். இந்த 2017-ல!

twitter.com/kavi_rt: ஓர் ஏழை டீக்கடைக்காரரை நிம்மதியாக ஆட்சி செய்யவிடுகிறதா, இந்த மாஃபியா கும்பல்?

வலைபாயுதே

facebook.com/Saravanan Chandran: மறைந்த முதலமைச்சர் ஜெ.ஜெயலலிதா அவர்களின் மரணச் செய்திகள் பலவற்றில், ஒன்று மட்டும் என்னைக் கவனிக்கவைத்தது. அந்தச் செய்தியின் வழியாக ஒரு வாழ்வு தொடங்கி முடிந்த விதத்தை யோசித்தேன். அவருக்கு ஐஸ்க்ரீம் மற்றும் சாக்லேட்கள் என்றால் உயிர். `உயிர் போய்விடும்!' என எச்சரித்த பிறகும் உயிர். எல்லோருக்கும் இதுபோல ஏதாவது ஒரு ஸ்ட்ரஸ் பஸ்ட்டர் தேவையாகத்தான் இருக்கிறது. பொதுவாகவே அவர் மன அழுத்தங்கள் வழியாகவே தன்னுடைய வாழ்வை நகர்த்தியிருக்கிறார். ஹாயாக அமர்ந்து ஐஸ்க்ரீம் சாப்பிடவே விரும்பியிருக்கிறார். இப்போதுபோல அப்போது நடிகைகளுக்கு கேரவன் எல்லாம் கிடையாது. ஏவி.எம் மரத்தடியில் லன்ச் ஹவரில் அமர்ந்துகொண்டு கதாநாயகர்கள் மட்டித்தனமாக இலைமறை சிலேடையில் ஜோக் சொல்வார்கள். அதைத் தயாரிப்பதற்கு, தனி டிபார்ட்மென்டே இருந்தது. அந்த ஜோக்குகளுக்கு எல்லாம் சிரித்துத் தொலைக்க வேண்டும். அவரும்கூட இதைக் கடந்துதான் வந்திருக்க வேண்டும். அதைக் கடந்து அவர் அரசியலுக்கு வந்தது, நின்றது எல்லாம் உங்களுக்குத் தெரிந்தவைதான்.

அவர், வாழ்க்கையின் அத்தனை கலராகவும் இருந்தார்; செய்த தவறுகளுக்கான தண்டனைகளையும் அனுபவித்தார்; உச்சங்களைப் பார்த்தார்; வீழ்ச்சிகளைச் சந்தித்தார்; கொண்டாடப்பட்டார்; தூற்றப்பட்டார்; முன்னுதாரணமாக இருந்தார்; பின்னுதாரணமாகவும் இருந்தார். இந்தப் பெரிய சுழற்சியில் எப்பவும் ஐஸ்க்ரீமையும் சாக்லேட்டையும் தேடிக்கொண்டே இருந்தார் எனப்படுகிறது. இங்கே, அது அவர் வாழ நினைத்த வாழ்க்கைக்கான குறியீடு எனச் சொல்ல முடியும். பல நேரங்களில் உயிரைப் பறிப்பதாகச் சொல்லப்பட்டாலும் ஐஸ்க்ரீம் கனவுகள்தான் வாழ்க்கையை நகர்த்துகின்றன. நானும்கூட ஐபேக்கோவில் இருந்து ஐஸ்க்ரீம் வாங்கிச் சாப்பிட்டபடிதான் இதைக்கூட எழுதினேன். அவர் வாழ்ந்த வாழ்க்கை ஒரு சாகச வாழ்க்கைதான். சந்தேகமே இல்லை. தத்துவார்த்தரீதியில் பார்த்தால், வெகுசாதாரண வாழ்க்கைதான். கேவலம் ஒரு ஐஸ்க்ரீமுக்காக வாழ்வைத் தொலைத்த சாமானிய வாழ்க்கைதான்!

facebook.com/giridaran.giri: என்ன ஓவரா குளிருது... குளிக்கும்போது ஸ்வெட்டர் போட்டுக்கிட்டுத்தான் குளிக்கணும்போல!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism