Published:Updated:

வலைபாயுதே

வலைபாயுதே
பிரீமியம் ஸ்டோரி
வலைபாயுதே

சைபர் ஸ்பைடர்

வலைபாயுதே

சைபர் ஸ்பைடர்

Published:Updated:
வலைபாயுதே
பிரீமியம் ஸ்டோரி
வலைபாயுதே

facebok.com/Saravanan Chandran

அதிகாலையில் நாம் வளர்த்த செடியில் இருந்து பழத்தை எடுத்துச் சாப்பிட்டு நாளைத் துவக்குவது, உண்மையிலேயே எதனைக் காட்டிலும் பேருசியாக இருக்கிறது. காக்கைக்குத் தன் குஞ்சு பொன் குஞ்சே. தொட்டியில் வைத்தாவது எதையாவது வளர்த்துப் பாருங்கள். அருமை புரியும்.

வலைபாயுதே

facebook.com/Umamaheshvaran Panneerselvam

ரிலேட்டிவிட்டி தியரி, பித்தகோரஸ் தியரம், ஆர்க்கிமெடீஸ் தத்துவம், மின்சாரம், லைட் பல்ப், ஆர்யபட்டரின் பூஜ்யம், சுஸ்ருதரின் அறுவைசிகிச்சை என மாபெரும் கண்டுபிடிப்புகள் நிழத்தப்பட்டபோது, அங்கே நிச்சயம் ஓர் அசரீரி கேட்டிருக்கும்.

“மாவு எடுத்து ஃப்ரிட்ஜில வெச்சியா?’’

facebook.com/Karthick Rama samy

அநேகமா இன்னும் சில வருடங்களில் வரி கொடா இயக்கம், ஒத்துழையாமை இயக்கம் எல்லாம் ஆரம்பிக்க வேண்டியிருக்கும்.

twitter.com/karukkan

வெளிநாட்டுக்குப் போனா, இங்கிலீஷ்ல தானே பேசுறீங்க... தமிழ்நாட்டுக்கு வந்தா மட்டுமே ஏன் இந்தியில பேசுறீங்க...

twitter.com/thowfiqs

மக்கள் எல்லோரும் பார்த்துட்டு இருக்கும் போதே கீழடியை மூடுறானுகளே, அந்தக் காலத்துல அதிகாரத்தில இருந்துட்டு எவ்ளோ வரலாற்றை மாத்தி எழுதிருப்பானுக?

twitter.com/vandavaalam

பசங்க பொண்ணுகிட்ட பேச ஆரம்பிச்சதுமே கரெக்ட் பண்ணிட்டேன்னு சொல்லுவானுக. பொண்ணுக பத்திரிகை கொடுக்கும்போதுதான் இவனை லவ் பண்றேன்னே சொல்லுவாங்க!

facebook.com/Vannadasan Sivasankaran S

காகிதக் கடல்.
காகிதப் படகு.
காகித ஞாயிறு.

வலைபாயுதே

facebook.com/Guru Srini

அந்த இஸ்ரேலியப் பிரதமர் இந்தியிலேயும் பேசியிருந்தார்னா, இன்னும் சிறப்பா இருந்திருக்கும்.

twitter.com/prakash24894

வட்டிக்குப் பயந்தகாலம் போய், வரிக்குப் பயப்படுற காலம் வந்துட்டு!

twitter.com/ShivaP_Offl 

 டிக்கெட் விலை 200 ரூபாய்க்கு விற்பதுகூட பிரச்னை இல்ல.

ஆனா, 10 ரூபாய்க்குக்கூட வொர்த் இல்லாத, பாப்கார்னை 180 ரூபாய்க்கு விற்பதைத்தான் தாங்க முடியல!

twitter.com/Kozhiyaar

 உன்கிட்ட குச்சி இருக்குதுங்கிறதுக்காக எல்லோரையும் குரங்கா நினைக்கக் கூடாது!

டு ஆல் மானேஜர்ஸ்!

வலைபாயுதே

twitter.com/nithratweets

தகுதியில்லாமல் ஒருவரைப் புகழ்வது, மறைமுகமாகத் திட்டுவதற்குச் சமம்.

twitter.com/amuduarattai

பெற்றோரை வரச்சொல்லி, வண்டி வண்டியாகத் திட்டினால், அது தனியார் பள்ளி. பெற்றோர் வந்து, வண்டி வண்டியாகத் திட்டினால், அது அரசுப் பள்ளி.

twitter.com/HAJAMYDEENNKS 

ட்விட்டர், ஃபேஸ்புக் வந்தது; எல்லோரும் எழுத்தாளர் ஆனார்கள். டப்ஷ்மாஸ் வந்தது; எல்லோரும் நடிகன் ஆனார்கள். ஸ்மூல்ஆப் வந்தது; எல்லாரும் பாடகர் ஆனார்கள்.

twitter.com/Sathik_143

VEG / NON-VEG ஹோட்டல்னு தேடிப் போன எங்களை,
GST / NON-GST ஹோட்டல் எங்கே இருக்குன்னு தேட வெச்சிட்டீங்களேடா!

twitter.com/manipmp

காலை முழுவதும் ஸ்கூல் ட்யூஷன்,
மாலை முழுவதும் ஹோம் ட்யூஷன்
என்று வழக்கப்படுத்திக்கொள் பாப்பா!

twitter.com/HAJAMYDEENNKS

பிக்பாஸ்ல யாருக்கு ஓட்டுப் போடலாம்னு யோசிக்கிற அளவுக்கு, எல்லாரும் எம்.எல்.ஏ, எம்.பி எலக்‌ஷன்ல யோசித்து ஓட்டுப் போட்டிருந்தால், நாடு நல்லா இருந்திருக்கும்!

twitter.com/Kannan_Twitz

அப்பல்லோவில் மருத்துவரானோம்,
மெரினாவில் போராளியானோம்,
கூவத்தூரில் அரசியல் மேதைகளானோம், இப்போ GST-யில் பொருளாதார அறிஞராகியிருக்கோம்.

twitter.com/Viky_Twitz

உலகிலேயே `சிகரெட்’ அதிகம் ஏற்றுமதி செய்யும் நாடு `இஸ்ரேல்’. உலகிலேயே புகையிலைப் பொருள்களைப் பயன்படுத்தத் தடை உள்ள நாடு `இஸ்ரேல்.’

Think about it!

வலைபாயுதே

twitter.com/ShivaP_Offl

நகை, துணிக்கடையில 30 நிமிஷத்துக்குள்ள செலக்ட் பண்ணிட்டு, கேஷ்கவுன்ட்டருக்கு வரும் பெண்களுக்கு GSTவரி இல்லைன்னு ஒரு போர்டு போடுங்க!

கும்பல் கூடும்.

twitter.com/Kannan_Twitz

எண்ணெயில் சுடும் வடைகளைவிட, சிலர் வாயால் சுடும் வடைகளில் கொலஸ்ட்ரால் அதிகம்.

twitter.com/mekalapugazh

செய்தியை எப்படி வெளியிடுகிறார்கள் என்பதைவிட, எல்லாச் செய்திகளையும் வெளியிடுவதில்லை என்பதில்தான் தனியார் செய்தி ஊடகங்களின் அரசியல் உள்ளது.

twitter.com/Kozhiyaar

இப்பல்லாம் முடி வெட்டத் தோனுச்சுன்னா கடைக்குப் போறதில்லை; தலை குளிச்சுட்டுத் துண்டால அழுத்தித் தேய்ச்சா, அதுவா கொட்டிடுது!

twitter.com/sathyathetruth

தூங்குற நேரத்தைத் தவிர மற்ற நேரமெல்லாம் தூக்கமா வருது.

twitter.com/urs_priya  

நூறு நாள்கள் கழிச்சு நமீதா நல்லா தமிழ் பேசுவாங்க. மற்ற எல்லோரும் நமீதா மாதிரி தமிழ் பேசிட்டுருப்பாங்க.

twitter.com/mekalapugazh

நாம் வாங்கும் புத்தகத்தின் விலை, காகிதம், மை, பிரதியெடுப்பவரின் உழைப்புக்கூலி மட்டுமே; சிந்தனை,கற்பனைக்கெல்லாம் காசு கொடுத்து மாளாது.

twitter.com/thimirru

நம்மளை யாராவது ஒரு பொண்ணு அங்கிள்னு கூப்பிடுறதை ரெக்கார்ட் பண்ணி அலாரம் டோனா வெச்சுட்டா, அலாரம் அடிக்கிறதுக்கு முன்பே எழுந்து ஜாகிங் போய்டுவோம்.

twitter.com/withkaran 

சமைக்கும்போதுகூட கொக்கு நெட்டை கொக்கு முட்டைன்னு ஓவியா மாதிரி ஆடிட்டே சமைக்கிறேன். அடிக்டட்

twitter.com/fanatic_twit

குளிக்க ஐந்து நிமிஷம், டிரெஸ் பண்ண ஐந்து நிமிஷம், சாப்பிட ஐந்து நிமிஷம், வண்டி சாவி தேட 20 நிமிஷம்!

twitter.com/teakkadai1 

என் உழைப்புக்கு ஏற்ற அங்கீகாரம் கிடைக்காதபோதெல்லாம் கமல்ஹாசனை நினைத்து ஆறுதல் அடைந்து கொள்கிறேன்.

twitter.com/mekalapugazh

அந்தக் கால பள்ளிப்படிப்பில் அறிவு குறைவாகவும், ஒழுக்கம் அதிகமாகவும் போதிக்கப்பட்டது.

twitter.com/ShivaP_Offl

அம்சமான அந்த ஐந்து நிமிட தூக்கத்தின் முக்கியத்துவத்தை, முதன்முதலில் அலாரம்தான் மனிதனுக்கு உணர்த்துகிறது!

வலைபாயுதே

ட்ரெண்டிங்

பிரதமர் மோடி சமீபத்தில் கால் வைத்த தேசம் இஸ்ரேல். மற்ற நாட்டு பிரதமர்களை விட இஸ்ரேல் பிரதமர் நேதன்யாஹூ கொஞ்சம் அதிகமாகவே மோடியிடம் அன்பு காட்டினார். மோடி விமானத்தை விட்டு இறங்கியதில் இருந்து, எங்குச் சென்றாலும் நேதன்யாஹூவும் உடன் இருந்தார். “மோடியின் உற்சாகம் எனக்கும் தொற்றிக்கொண்டது. என்னை யோகா செய்யச் சொல்லியிருக்கிறார். நிச்சயம் செய்வேன்” என நெகிழ்ந்திருக்கிறார் நேதன்யாஹு. “எப்படியோ... மோடியை பாலஸ்தீனம் பக்கம் போக விடாம செஞ்சிட்ட மேன்” என விமர்சனம் செய்த நெட்டிசன்ஸ் அதோடு விடவில்லை. இருவரையும் இணைத்து மீம்ஸும் உருவாக்கி வைரல் ஆக்கினர்.