Published:Updated:

‘போதினி’...

கிழிகிறது, இணையக் கயவர்களின் முகமூடி! பொன்.விமலா

‘போதினி’...

கிழிகிறது, இணையக் கயவர்களின் முகமூடி! பொன்.விமலா

Published:Updated:

'2013-ம் ஆண்டின் கணக்கெடுப்பின்படி 13-17 வயதுக்கு இடைப்பட்ட குழந்தைகள் 7,000 பேர் சைபர் கிரைம் குற்றங்களால் பாதிக்கப்பட்டுள்ளார்கள். ஏழு குழந்தைகளுக்கு ஒரு குழந்தை சைபர்கிரைம் குற்றங்கள் ஏதேனும் ஒன்றால் பாதிக்கப்படுகிறது’  - அதிர்ச்சி கொடுக்கும் புள்ளிவிவரங்களுடன் ஆரம்பிக்கிறது 'போதினி’ எனும் மலையாளக் குறும்படம். 'ஷிகா’ என்னும் 11 வயதுச் சிறுமி, சைபர் கிரைமில் சிக்கிய கதையை, நடிகை பார்வதி நம்முடன் பகிர்வதாக நகர்கிறது படம்.

 ‘போதினி’...

'ஷிகா’, தன் 11 வயதிலேயே ஃபேஸ்புக்குக்கு அடிமை ஆகிறாள். அவளுடைய பெற்றோருக்கு அவளைக் கண்காணிக்க கொஞ்சமும் நேரமில்லை. விளைவு, முழுக்க முழுக்க இணையத்தின் அடிமையாகிறாள். முன்பின் அறியாத, தன்னைவிட பல மடங்கு வயதான ஒருவனுடன் ஃபேஸ்புக்கில் பழக ஆரம்பித்து, அவனுடன் பல மணி நேரம் 'சாட்’ செய்கிறாள். தன்னுடைய புகைப்படங்கள் மற்றும் தன்னைப் பற்றிய எல்லா தகவல்களையும் ஃபேஸ்புக்கில் ஷேர் செய்ய,

ஒட்டுமொத்த விகடனுக்கும் ஒரே ஷார்ட்கட்!

 ‘போதினி’...

அவளுடைய தகவல்கள் மொத்தமும் அந்தக் கயவனால் திருடப்படுகிறது. ஃபேஸ்புக்கில் அடிமையானதன் விளைவாக படிப்பில் 'ஷிகா’வின் கவனம் சிதறுகிறது. மதிப்பெண்கள் குறைகின்றன. தனக்குப் பிடித்தமான விளையாட்டான பேட்மின்டனில்கூட கவனம் செலுத்தி விளையாட முடியவில்லை.

ஒரு கட்டத்தில் 'ஷிகா’வின் புகைப்படங்களை மார்ஃபிங் செய்து அவளை மிரட்ட ஆரம்பிக்கிறான், அந்தக் கயவன். இதனால் மனம் விரக்தியான 'ஷிகா’ பள்ளிக்கும் செல்ல முடியாமல், நண்பர்கள் மற்றும் பெற்றோரிடமும் இதைப் பற்றி பேச முடியாமல், ஒரு சாலையில் தனியாக தவித்துக்கொண்டிருக்கிறாள். எதேச்சையாக 'ஷிகா’வை பார்க்கும் வகுப்பு ஆசிரியை, உண்மையைக் கேட்டறிந்து உதவுகிறார்.

'ஷிகா’வைப் போல் சைபர் கிரைமில் சிக்கி உதவிக்கு யாருமின்றி தவிக்கும் குழந்தைகள் ஏராளமானோர் இருக்கிறார்கள்... அவர்களுக்குத் தேவையானதெல்லாம் பெற்றோரின் அரவணைப்பும் கண்காணிப்பும் மட்டுமே என அதிர்ச்சியும் அழுத்தமும் கொடுத்துச் சொல்கிறது குறும்படம்.

சைபர் கிரைமில் இருந்து தற்காத்துக் கொள்ள, இந்த 'போதினி’ ஒரு போதனை! வெளியான ஒரு மாதத்துக்குள் 7 லட்சத்துக்கும் அதிகமானோர் பார்த்துள்ள இந்தக் குறும் படத்தை நீங்களும் பார்க்க: http://www.youtube.com/watch?v=Vsq95M_kzWY

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism