Published:Updated:

காப்பீடு வேறு... முதலீடு வேறு!

காப்பீடு வேறு... முதலீடு வேறு!

காப்பீடு வேறு... முதலீடு வேறு!

காப்பீடு வேறு... முதலீடு வேறு!

Published:Updated:
காப்பீடு வேறு... முதலீடு வேறு!

வேலை பார்க்கும் பெண்கள் பலரும், வருமான வரி சேமிப்புக்காக ஆயுள் காப்பீடு பாலிசி எடுத்திருப்பார்கள். அவர்களில் பெரும்பாலானோர், பாலிசி முடிவில் முதிர்வுத் தொகை கிடைக்கும் விதமாக இருக்கும் பணப் பலன் பாலிசியான எண்டோவ்மென்ட் பாலிசியைத்தான் எடுத்திருப்பார்கள். ஏஜென்ட்டுகளும், `இந்த எண்டோவ்மென்ட் பாலிசி ஆயுள் காப்பீடு தருவதோடு, நல்ல முதலீடாக இருக்கும்' என்று சொல்லியிருப்பார்கள். இதில் நீங்கள் கட்டி வரும் பிரீமிய தொகை, 20 ஆண்டுகளில் இரு மடங்காக அதிகரிப்பதாக இருக்கிறது என்பது நிதர்சனம். அதாவது, இந்த பணப் பலன் பாலிசிகள் ஆண்டுக்கு சுமார் 5 முதல் 6%  மட்டுமே  வருமானம் தருவதாக இருக்கிறது. பணவீக்க விகிதத்தை (விலைவாசி உயர்வு) கணக்கில் கொள்ளும்போது இது வருமானமே இல்லை.

காப்பீடு வேறு... முதலீடு வேறு!

ஒட்டுமொத்த விகடனுக்கும் ஒரே ஷார்ட்கட்!

ஒரு விஷயத்தை முக்கியமாகப் புரிந்துகொள்ள வேண்டும். காப்பீடு (Insurance) என்பது வேறு; முதலீடு (Investment)  என்பது வேறு. இரண்டையும் ஒன்றாகக் குழப்பிக்கொண்டால் மிஞ்சுவது வருமான இழப்புதான். காப்பீடு என்கிறபோது முற்றிலும் காப்பீடு மட்டும் அளிக்கும் டேர்ம் பிளானைத்தான் எடுக்க வேண்டும். இதில் பிரீமியம் குறைவாக இருக்கும், அதே நேரத்தில் இந்தப் பாலிசி அளிக்கும் கவரேஜ் தொகை மிக அதிகமாக இருக்கும். இந்த பாலிசியில் அசம்பாவிதம் எதுவும் நடக்கவில்லை என்றால், பாலிசி முதிர்வில் பைசா எதுவும் கிடைக்காது. அப்படி இருந்தாலும் இந்த பாலிசியை எடுப்பது லாபம்தான். அது எப்படி என்று
பார்ப்போம்.

டேர்ம் பிளான் எடுத்துவிட்டு, மீதித் தொகையை வேறு முதலீட்டுத் திட்டங்களில் போட்டு வந்தால் நீண்ட காலத்தில் நல்ல வருமானத்தைப் பெற முடியும்.

புதுச்சேரியைச் சேர்ந்த முன்னணி நிதி ஆலோசகர் (Wisdomwealthplanners.com) சா.ராஜசேகரன், ‘‘பணப் பலன் அளிக்கும் எண்டோவ்மென்ட் பிளான் ஒன்றில் 30 வயதான பெண் ஒருவர், 15 ஆண்டு பாலிசி எடுக்கிறார். ஆண்டுக்கு சுமார் 72,000 ரூபாய் பிரீமியம் கட்டினால், 15 ஆண்டுகள் முடிவில் 10,80,000 ரூபாய் கட்டியிருப்பார். முதிர்வுத் தொகை ` 16 லட்சம் கிடைக்கும். அதாவது ஆண்டுக்கு சராசரியாக 5.38% தான் வருமானம் கிடைத்திருக்கிறது (இடையில் அசம்பாவிதம் ஏதும் நிகழ்ந்தால், கவரேஜ் தொகையான 10 லட்ச ரூபாய் மற்றும் போனஸ் கிடைக்கும்).

காப்பீடு வேறு... முதலீடு வேறு!

இதுவே இந்த 10 லட்சம் ரூபாய் கவரேஜுக்கு, டேர்ம் இன்ஷூரன்ஸ் பாலிசி எடுத்திருந்தால் ஆண்டு பிரீமியம் 3,000 ரூபாய்-க்குள்தான். மீதி 69,000 ரூபாயை வருமான வரிச்சலுகை அளிக்கும் பப்ளிக் பிராவிடென்ட் ஃபண்ட் (பிபிஎஃப்) திட்டத்தில் முதலீடு செய்து, அதற்கு ஆண்டுக்கு 8.70% வருமானம் கிடைத்தால், கிடைக்கும் தொகை ` 19.78 லட்சமாக இருக்கும். அந்த வகையில் டேர்ம் பிளான் எடுத்துவிட்டு மீதியை, `பிபிஎஃப்' திட்டத்தில் முதலீடு செய்வது மூலம் கூடுதலாக ` 3.78 லட்சம் கிடைத்திருக்கும் (பார்க்க : பெட்டிச் செய்தி). இது ரிஸ்க் எடுக்க விரும்பாத பெண்களுக்கு ஏற்றது. `பிபிஎஃப்' திட்டத்தில் தனியாக முதலீடு செய்ய விரும்பாதவர்கள், சம்பளத்தில் `பிஎஃப்' பிடிக்கும்பட்சத்தில், அதில் `விருப்ப  பிஎஃப்' (வாலன்டரி பிஎஃப்) மூலம் கூடுதலாக முதலீடு செய்து வரலாம்” என்றவர், சற்று நிறுத்தித் தொடர்ந்தார்...

‘‘ரிஸ்க் எடுக்கத் தயார், பங்குச் சந்தை முதலீடு குறித்து எனக்கு ஓரளவுக்கு விவரம் தெரியும் என்கிற தோழிகள், டேர்ம் பிளான் எடுத்துவிட்டு, மீதித் தொகையை வருமான வரிச் சலுகை அளிக்கும் பங்குச் சந்தை சார்ந்த சேமிப்புத் திட்டமான `இஎல்எஸ்எஸ்' மியூச்சுவல் ஃபண்டில் முதலீடு செய்யலாம். நீண்ட காலத்தில் இந்த ஃபண்டு முதலீடு மூலம் ஆண்டுக்கு சராசரியாக 15% வருமானம் கிடைக்க வாய்ப்பு உள்ளது. அப்படி கிடைக்கும்பட்சத்தில், மேலே கூறப்பட்ட உதாரணத்தின்படி, ` 10 லட்சத்துக்கு ஆயுள் காப்பீடு கிடைப்பதோடு, 15 ஆண்டு இறுதியில் ` 32.83 லட்சம் கிடைக்கக் கூடும்!” என்றார்.

காப்பீடா, முதலீடா... முடிவெடுங்கள்!

சி.சரவணன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism