Published:Updated:

'லிக்விட் எம்ப்ராய்டரி' யில் லிம்கா சாதனை முயற்சி!

'லிக்விட் எம்ப்ராய்டரி' யில் லிம்கா சாதனை முயற்சி!

'லிக்விட் எம்ப்ராய்டரி' யில் லிம்கா சாதனை முயற்சி!

'லிக்விட் எம்ப்ராய்டரி' யில் லிம்கா சாதனை முயற்சி!

Published:Updated:

சென்னை, ஜஸ்டிஸ் பஷீர் அஹமத் சயீது கல்லூரி மாணவிகள் சமீபத்தில் எடுத்த லிம்கா சாதனை

'லிக்விட் எம்ப்ராய்டரி' யில் லிம்கா சாதனை முயற்சி!

முயற்சி, வித்தியாச ரகம். கிட்டத்தட்ட 3,500 மாணவிகள், ஒரே நேரத்தில், ஒரு மணி நேரத்துக்குள், 7,000 பிளவுஸ்களில் லிக்விட் எம்ப்ராய்டரி வேலைப்பாடுகளைச் செய்துமுடித்து, ‘ஹிப்ஹிப் ஹுர்ரே!’ சொன்னபோது, கல்லூரி வளாகமே கலர்ஃபுல்லாகக் குலுங்கியது! 

ஒட்டுமொத்த விகடனுக்கும் ஒரே ஷார்ட்கட்!

'லிக்விட் எம்ப்ராய்டரி' யில் லிம்கா சாதனை முயற்சி!

அதென்ன லிக்விட் எம்ப்ராய்டரி?! நூல் கொண்டு செய்யப்படும் எம்ப்ராய்டரிக்குப் பதிலாக, ஆடைகளுக்கான பிரத்யேக மினுமினுக்கும் வஸ்து (ஃபேப்ரிக் கிளிட்டர்), கம் கொண்டு, எண்ணங்களையும் வண்ணங்களையும் வரைந்து, ஆடைக்கு அழகு சேர்ப்பது. முதலில் டிசைன்களை வரைந்து, பின் அதன் மீது கற்கள், மோடிஃப் ஒட்டி என, ஒரு புரொஃபஷனல் டிசைனராக குனிந்த தலை நிமிராமல் வேலை பார்த்துக் கொண்டிருந்தார்கள் மாணவிகள்.

“எங்கள் கல்லூரியின் சார்பாக ஒரு சாதனை முயற்சி எடுக்க வேண்டும் என்று அதற்கான ஐடியாக்களை யோசித்தபோது, அது மாணவிகளுக்கு அந்த நாளுக்கான உற்சாகம் தருவதாக மட்டும் இல்லாமல், வாழ்க்கைக்கும் பயனுள்ளதாக இருக்க வேண்டும் என்று நினைத்தோம். அதனால்தான் லிக்விட் எம்ப்ராய்டரியை தேர்வு செய்தோம். அவர்களுக்கு இதுபற்றிய அடிப்படைப் பயிற்சிகள் வழங்கப்பட்டன. எனவே, எதிர்காலத்தில் சுயதொழில் பற்றி அவர்கள் யோசிக்கும்போது, இந்த லிக்விட் எம்ப்ராய்டரியும் நினைவில் தோன்றி நம்பிக்கை கொடுக்கும்!’’ என்று அக்கறையுடன் பேசினார் கல்லூரி முதல்வர் டாக்டர் ஷனாஸ் அஹமது.

நிகழ்ச்சியை ஒருங்கிணைத்த கிராஃப்ட் பயிற்றுநர் ஷியாமளா தேவி, ‘‘இந்த முயற்சிக்கு 15 ஆசிரியர்கள் குழுவாகச் செயல்பட்டோம். ஒவ்வொரு நூறு மாணவிகளுக்கும் ஓர் ஆசிரியர் என, மூன்று நாட்கள் ஒரு மணி நேரம் லிக்விட் எம்ப்ராய்டரி பற்றி வகுப்பெடுத்தோம். அப்போதே மாணவிகளின் மனதில் சாதிக்கும் உற்சாகம் வந்துவிட்டது. பொதுவாக, ஒரு பிளவுஸில் ஆரி எம்ப்ராய்டரி செய்ய 2,000 ரூபாயும், ஒரு வாரமும் தேவைப்படும். ஆனால், லிக்விட் எம்ப்ராய்டரியில் 200 ரூபாய் செலவில் ஒரு மணி நேரத்தில் இரண்டு பிளவுஸ்கள் வேலையை முடித்துவிடலாம்; தரத்துக்கும் கியாரன்டி!’’ எனும் ஷியாமளா தேவி, இது போன்ற எட்டு சாதனை நிகழ்ச்சிகளுக்கு இதுவரை ஒருங்கிணைப்பாளராக இருந்தவர்.

விரல்களில் ‘V’ காட்டி உற்சாகத் துடன் பேசினார்கள் மாணவிகள். ‘‘ஒவ்வொருத்தரும் ரெண்டு பிளவுஸ் கொண்டு வந்தோம். வாவ்... எவ்ளோ கிரியேட்டிவிட்டி, டிசைன்ஸ்! இப்படி யூத் படையா சேர்ந்து லிம்கா ரெக்கார்டுக்கு முயற்சி பண்ணினது ரொம்ப இன்ட்ரஸ்டிங்கா இருந்தது. அதே நேரம், எங்க படைப்பாற்றலை நாங்க அறிந்துகொள்வதற்கான வாய்ப்பாவும் அமைந்தது. இந்த வாய்ப்பை எங்களுக்கு ஏற்படுத்திக்கொடுத்த கல்லூரிக்கு நன்றி!’’ என்றனர் கோரஸாக.

ச.சந்திரமௌலி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism