Published:Updated:

குளிர் காலைக் கனவுகள்

குளிர் காலைக் கனவுகள்
பிரீமியம் ஸ்டோரி
குளிர் காலைக் கனவுகள்

கவிதை

குளிர் காலைக் கனவுகள்

கவிதை

Published:Updated:
குளிர் காலைக் கனவுகள்
பிரீமியம் ஸ்டோரி
குளிர் காலைக் கனவுகள்
குளிர் காலைக் கனவுகள்

ளங்காலைக் குளிருக்குள்
விரல் நடுங்கும் தேநீர்க் கோப்பை
வளைவுகளினூடே
ஜன்னல் கம்பிகளுக்குள்ளாடும்
பச்சைக் கொடிகளின் வேர்கள்
விதையுண்ட மண்ணின் ஈரம்
பிசைந்து கொண்டிருந்த
மழலையின் பிஞ்சுப்
பாத மென்மை கொண்டு
சிவந்திருந்த பூக்கள் இரண்டைக்
கொய்து வந்து
பத்திரப்படுத்திக் கொண்டேன்...

களவாடிக் கொண்டு வந்திருந்த
கொஞ்சம் நீலத்தைக் கொண்டு
இன்னொரு வானம்
அமைத்துக் கொள்ள
இடம் தேடிக்
கொண்டிருந்த பொழுதில் ,
களவு போன
நட்சத்திரங்களையும் சேர்த்தே
எண்ணிக் கொண்டிருந்தது
குளிர் பிறை நிலவு...

விடியலுக்கு முன்பான
கடைசித் துளி இரவோடு
மீதமிருந்த
ஒரு துளிக் கண்ணீர்
உலர்ந்து போகக் காத்திருந்த
கண நிமிடக் கனவொன்று
சட்டென்று என் மீது
தூவிச் சென்றது
எனக்கென்று வைத்திருந்த
ஒற்றைத் துளித் தூறலை...

ஒரு மலையுச்சியின் மீது
எனக்கென்று காத்திருக்கும்
பறவை ஒன்றுடன்
நானும்
பறந்து போய் விடுவதோடு
முடிந்து போகிறது
என்
ஒவ்வொரு கனவுக் காட்சியும்...

ஒட்டுமொத்த விகடனுக்கும் ஒரே ஷார்ட்கட்!

கிருத்திகா தாஸ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism