Published:Updated:

கல்விச் சான்றிதழ்கள்... கவனம் ப்ளீஸ்!

ஒட்டுமொத்த விகடனுக்கும் ஒரே ஷார்ட்கட்

Use App
கல்விச் சான்றிதழ்கள்... கவனம் ப்ளீஸ்!
கல்விச் சான்றிதழ்கள்... கவனம் ப்ளீஸ்!

வேலைவாய்ப்பு ஸ்பெஷல்

பிரீமியம் ஸ்டோரி
கல்விச் சான்றிதழ்கள்... கவனம் ப்ளீஸ்!

ஒரு நிறுவனத்தில் வேலைக்கு விண்ணப்பிக்கும்போது கவனிக்க வேண்டிய விஷயங்கள், அந்த நிறுவனத்துக்கு தேவையான நம்முடைய சான்றிதழ்களைக் கொடுப்பது, அந்த நிறுவனத்தில் இருந்து நாம் விலக நேர்ந்தால் நம்முடைய ஒரிஜினல் கல்விச் சான்றிதழ்களைத் திரும்ப பெறுவது தொடர்பான விஷயங்களில் சிக்கல் ஏற்படாமல் இருக்க... நாம் செய்ய வேண்டியவற்றை விளக்குகிறார், பவானியைச் சேர்ந்தவரும், ஐ.டி நிறுவனம் ஒன்றில் ஜெனரல் மேனேஜராக பணியாற்றி ஓய்வுபெற்றவருமான சிவசுப்ரமணியன்.

* ஒரு நிறுவனத்தில் வேலைக்குச் சேரும் முன்பாக, அந்த நிறுவனத்தின் விதிமுறை படிவத்தை கவனமாகப் படியுங்கள். அதில் குறிப்பிடப்பட்டிருக்கும் விதிமுறைகள் நம் எதிர்கால திட்டத்துக்கு பாதகமாக இருக்கிறதா என பார்த்துதான் கையெழுத்திட வேண்டும்.

கல்விச் சான்றிதழ்கள்... கவனம் ப்ளீஸ்!

* தற்போது போலிச் சான்றிதழ்களைப் பயன்படுத்தி பலர் வேலைக்குச் சேருகிறார்கள் என்பதைக் காரணம் காட்டி, ஐ.டி போன்ற பல்வேறு நிறுவனங்கள், தங்களிடம் வேலைக்குச் சேரும் ஊழியர்களிடம் ஒரிஜினல் சான்றிதழ்களை வாங்கி, அவர்களே வைத்துக்கொள்கிறார்கள். இது சட்டப்படி தவறு. சரிபார்த்துவிட்டு ஊழியர்களிடம் ஒரிஜினல் சான்றிதழ்களைத் திரும்பத் தந்துவிட வேண்டும்.

* முடிந்தவரையில், அக்ரிமென்ட் மற்றும் ஒரிஜினல் சான்றிதழ்களை கேட்கும் கம்பெனிகளில் சேராமல் இருப்பதே நல்லது. அப்போதுதான் நாம் எதிர்பார்க்கும் வேலை வேறு இடத்தில் கிடைத்தால் உடனே செல்வதற்கு எளிதாக இருக்கும்.

* நம் ஒரிஜினல் சான்றிதழ்களை முடிந்த வரையில் ஜெராக்ஸ் எடுத்துக்கொள்வது அவசரத் தேவைக்கு உதவும்.

* ஒருவேளை ஒரிஜினல் சான்றிதழ்களைக் கொடுத்தால்தான் வேலை கிடைக்கும் என்கிற நிலையில், நீங்கள் ஒரிஜினல் சான்றிதழ்களைக் கொடுத்திருப்பீர்கள். ஆனால், வேலையை விட்டு இடையில் விலகும்போது, அவர்கள் ஒரி ஜினல் சான்றிதழ்களைத் தர மறுத்தால் காவல்
துறை, நீதிமன்றம் மூலமாக பெற முடியும்.

கல்விச் சான்றிதழ்கள்... கவனம் ப்ளீஸ்!

* சட்ட ரீதியாகப் போராடி பெற்று விடலாம் என்றாலும், அது அத்தனை எளிதான காரியமாக இருப்பதில்லை பலருக்கும். எனவே, அலுவலகம் உங்கள் மீது நன்மதிப்பு வைத்திருக்கும்படி நடந்துகொள்வது, சான்றிதழ்களை திரும்பப் பெறுவதை எளிதாக்
கும். இது என்னுடைய தனிப்பட்ட கருத்து.

 கு.ஆனந்தராஜ்

தொலைந்துபோன சான்றிதழ்கள்... புதிதாக பெறும் வழிமுறைகள்!

ல்விச் சான்றிதழ்கள் காணாமல் போனால், அவற்றை மீண்டும் பெறுவதற்கான வழிமுறை களை விளக்குகிறார், சென்னை எஸ்.எஸ்.என் பொறியியல் கல்லூரியின் எலெக்ட்ரிகல் துறைத் தலைவரான பேராசிரியர் டாக்டர் காமராஜ்.

* சான்றிதழ்கள் காணாமல் போன எல்லைக்குட்பட்ட காவல்நிலையத்தில் உடனடியாக புகார் அளிக்க வேண்டும். குறிப்பிட்ட காலத்துக்குள் அச்சான்றிதழ்கள் கிடைக்காவிட்டால், அந்த காவல்நிலையத்தில் இருந்து `நான் ட்ரேசபிள் சான்றிதழை (non traceable certificate)’ வாங்க வேண்டும். அதேபோல தாங்கள் படித்த பல்கலைக்கழகத்தின் இணையதளத்தில் காணாமல் போன சான்றிதழ்களை பெறும் வழிமுறை அறிவிப்பு பகுதியில் இருக்கும் அஃபிடவிட் (affidavit) சான்றிதழ்களை வாங்கும் வழிமுறை படிவத்தை பதிவிறக்கம் செய்து, பின்னர் அந்த படிவத்தில் எந்த சூழ்நிலையில், என்ன காரணத்தால் தன் சான்றிதழ் காணாமல் போனது மற்றும் அந்த சான்றிதழ் தொடர்பான கேள்விகளைப் பூர்த்திசெய்து, படித்த கல்லூரி முதல்வர் அல்லது நோட்டரி பப்ளிக் (வழக்கறிஞர்) ஒருவரிடம் கையெழுத்து வாங்க வேண்டும். தொலைந்துபோன சான்றிதழ் தொடர்பாக பிரபலமான தினசரி நாளிதழில் அறிவிப்பை வெளியிட்டு, அந்த ஒரிஜினல் நியூஸ் பேப்பருடன், தொலைந்துபோன சான்றிதழின் நகலை சேர்ந்து, சம்பந்தப்பட்ட பல்கலைக்கழக இணையதளத்தில் இருந்து காணாமல் போன சான்றிதழ் தொடர்பான விண்ணப்ப படிவத்தை பதிவிறக்கம் செய்து பூர்த்தி செய்ய வேண்டும். அதோடு காணாமல் போன்ற சான்றிதழை புதிதாக பெறுவதற்கான  தொகையை ‘கன்ட்ரோலர் ஆஃப் எக்ஸாமினேஷன்’ (controller of examination), பல்கலைக்கழக பெயருக்கு `டி.டி’ எடுத்து, விண்ணப்ப படிவத்தை சேர்த்து அனுப்பிவைக்க வேண்டும். விண்ணப்பம் அனுப்பிய 15 நாட்கள் கழித்து பல்கலைக்கழகத்தில் இருந்து நம் வீட்டுக்கே புதிய சான்றிதழ் அல்லது சான்றிதழ் தொடர்பான அறிவிப்புகள் வரும்.

கல்விச் சான்றிதழ்கள்... கவனம் ப்ளீஸ்!

* கல்லூரியில் படித்துக்கொண்டிருக்கும் மாணவர்கள் தங்கள் துறைத் தலைவரிடம் இதுகுறித்த புகாரைத் தெரிவிக்கலாம். மேலும், ஒவ்வொரு கல்லூரியிலுமே செயல்படும் தேர்வு கட்டுப்பாட்டு மையத்தின் வாயிலாக காணாமல் போன சான்றிதழ் தொடர்பான பிரச்னைகளுக்கு தீர்வு பெற்றுக்கொள்ளலாம்.

* ஒவ்வொரு பல்கலைக்கழக இணையதளத்திலுமே படித்து முடித்த, படித்துக்கொண்டிருக்கும் மாணவர்களின் காணாமல் போன கல்விச் சான்றிதழ்களை திரும்ப பெறும் வழிமுறைகள் தொடர்பான விவரங்கள் தெளிவாக கொடுக்கப்பட்டிருக்கும். அதனைப் பார்த்து இந்தப் பிரச்னை சார்ந்த உதவி தேவைப்படும் மாணவர்கள் பயன்பெறலாம்.

* பள்ளிச் சான்றிதழ்கள் தொலைந்துபோக நேர்ந்தால், உடனடியாக நீங்கள் படித்த பள்ளியைத் தொடர்புகொண்டு, அதற்கான வழிகாட்டுதலை பெற முடியும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு