Published:Updated:

``மெய்சிலிர்க்க வைத்தார் குடியரசுத்தலைவர்!’’

ஒட்டுமொத்த விகடனுக்கும் ஒரே ஷார்ட்கட்

Use App
``மெய்சிலிர்க்க வைத்தார் குடியரசுத்தலைவர்!’’
``மெய்சிலிர்க்க வைத்தார் குடியரசுத்தலைவர்!’’

விருது

பிரீமியம் ஸ்டோரி
``மெய்சிலிர்க்க வைத்தார் குடியரசுத்தலைவர்!’’

- சமூகப் பணியில் சாதித்த தமிழ்ச்செல்வி

‘‘குடியரசுத் தலைவர் மாளிகையில் பிரணாப் முகர்ஜியுடன் சந்திப்பு. ‘36 வயதினிலே’ ஜோதிகா போல 100 பெண்களும் பதற்றமும் பரவசமுமாக அமர்ந்திருந்தோம். பிரணாப் முகர்ஜி, ‘இன்று நீங்கள் குடியரசுத் தலைவரோடு விருந்து உண்பதை பெருமையாக நினைக்கலாம். ஆனால், குடியரசுத்தலைவரான நான் பன்முகத் திறனுடைய இந்தியாவின் 100 சாதனைப் பெண்களோடு உணவு உண்பதை பெருமையாகக் கருதுகிறேன்’ என்று சொல்ல, அனைவரும் மெய்சிலிர்த்துப் போனோம்!’’ - குரலில் பரவசம் தமிழ்ச்செல்வி நிக்கோலஸுக்கு. 

சென்னை, பெருங்களத்தூரைச் சேர்ந்த தமிழ்ச்செல்வி, மத்திய குழந்தைகள் மற்றும் பெண்கள் நலத்துறை சமீபத்தில் இந்தியா முழுவதும் தேர்ந்தெடுத்து விருதளித்த 100 சாதனைப் பெண்களில் ஒருவர். தன் சமூகப் பணிகளுக்காக விருதளிக்கப்பட்ட இவர், பி.எஸ்.என்.எல் ஊழியர்.

‘‘பத்தாவது முடித்து மேற்படிப்பு படிக்க முடியாத குழந்தைகளுக்கு மேல்நிலைக் கல்விக்கு உதவுவது, கல்லூரி படிக்க வசதியில்லாத மாணவர்களுக்கு கட்டண உதவிக்கு ஏற்பாடு செய்வது, விதவைப் பெண்களுக்கு தையல் பயிற்சி, அரசுப் பள்ளி மாணவர்களுக்கு தன்னம்பிக்கை வகுப்பு, பெண்களுக்கான ரத்ததான முகாம்கள், ‘நேச விழுதுகள்’ எனும் அமைப்பின் மூலம் மரக்கன்றுகள் வழங்குவது என்று இயங்கிக்கொண்டிருந்தேன்.

பார்வையற்ற மாற்றுத்திறனாளியான, விஜய் டி.வி ‘சூப்பர் சிங்கர் ஜூனியர்’ நிகழ்ச்சியில் பாடிய, செந்தில்குமரனுக்கும் உதவினேன். அதை யாரோ இணையத்தில் பதிவேற்ற, என்னைப்பற்றி அறிந்து, விருது கொடுத்திருக்கிறார்கள்’’ எனும் தமிழ்ச்செல்வி யின் கணவர் நிக்கோலஸ் ராஜன் சினிமா துறையில் இருக்கிறார். மகள் மதுமதி எம்.டெக் மாணவி.

விருது அனுபவம் பற்றிச் சொல்லும்போது, ‘‘மாற்றுத் திறன், கல்வி, விளையாட்டு, சாதனை உள்ளிட்ட 12 பிரிவுகளில் மொத்தம் 100 பெண்கள் தேர்ந்தெடுக்கப்பட்டனர். நான் ‘பொது வாழ்வில் பெண்கள்’ என்ற பிரிவின்கீழ் தேர்ந்தெடுக்கப்பட்டேன். தன்னலமற்ற மருத்துவர்கள், கிராமங்களைத் தத்தெடுத்த பெண்கள், கீரை விற்றாலும் உதவி செய்யும் பாட்டி என பலதரப்பட்ட பெண்கள் குழுமியிருந்தார்கள். பார்க்கவே பெருமையாக, சந்தோஷமாக இருந்தது!’’

- கண்களில் மின்னல் தமிழ்ச்செல்விக்கு!

த.க.தமிழ் பாரதன், படங்கள்:மீ.நிவேதன்
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு