Published:Updated:

வீட்டில் வறுமை... மார்க்‌ஷீட்டில் செம்மை!

வீட்டில் வறுமை... மார்க்‌ஷீட்டில் செம்மை!
பிரீமியம் ஸ்டோரி
வீட்டில் வறுமை... மார்க்‌ஷீட்டில் செம்மை!

அசரவைக்கும் அரசுப் பள்ளி தங்கங்கள்...சாதனை

வீட்டில் வறுமை... மார்க்‌ஷீட்டில் செம்மை!

அசரவைக்கும் அரசுப் பள்ளி தங்கங்கள்...சாதனை

Published:Updated:
வீட்டில் வறுமை... மார்க்‌ஷீட்டில் செம்மை!
பிரீமியம் ஸ்டோரி
வீட்டில் வறுமை... மார்க்‌ஷீட்டில் செம்மை!

ப்ளஸ் டூ எனப்படும் பன்னிரண்டாம் வகுப்பு தேர்வு முடிவுகள் வந்துவிட்டன. முதல் மதிப்பெண், இரண்டாம் மதிப்பெண் என வாழ்த்துகள் குவிந்து கொண்டிருக்கின்றன! இதற்கு நடுவே... வீட்டின் வறுமைக்கு இடையிலும், அரசுப் பள்ளியில் படித்து, வீட்டு வேலைகளையும் செய்துகொண்டே ஆயிரம் மதிப்பெண்களைத் தாண்டிய தங்கங்களில் சிலர் இங்கே இடம் பிடிக்கிறார்கள்... உங்களின் வாழ்த்துகளோடு.

ரம்யாகிருஷ்ணா, 1146/1200, அரசு மேல்நிலைப்பள்ளி, ஏலகிரி, தருமபுரி மாவட்டம்

வீட்டில் வறுமை... மார்க்‌ஷீட்டில் செம்மை!
வீட்டில் வறுமை... மார்க்‌ஷீட்டில் செம்மை!

ஒட்டுமொத்த விகடனுக்கும் ஒரே ஷார்ட்கட்!

‘‘அம்மாவும் அப்பாவும் பெங்களூருக்கு கட்டட வேலைக்குப் போய்க்கிட்டு இருக்காங்க. அதனால சின்ன வயசுல இருந்தே எங்க தாத்தா, பாட்டிகிட்டதான் வளர்ந்தேன். ‘என்ன மாதிரி நீயும் கஷ்டப்படக் கூடாது, நல்லா படிக்கணும்’னு எங்கம்மா சொல்லிட்டே இருப்பாங்க. பத்தாவதுல 500-க்கு 483 மார்க் எடுத்தேன்.  இப்போ அரசுப் பள்ளிகளில் மாவட்ட அளவில் மூன்றாம் இடம் பிடிச்சிருக்கேன். அம்மாவுக்கு ரொம்ப சந்தோஷம். அரசாங்கம் கட்டிக்கொடுத்த வீடு, தண்ணி இல்லாததால விவசாயம் பண்ண முடியாமக் கிடக்கிற கொஞ்சம் நிலம், கூலி வேலை சம்பளத்துக்காக அப்பா, அம்மாவை விட்டுப் பிரிஞ்சிருக்கும் நான்... இது எல்லாத்தையும், நல்லா படிச்சு வேலைக்கு போய் மாத்தணும். நான் மாத்துவேன்!’’

சங்கவி, 1149/1200, அரசு மேல்நிலைப்பள்ளி, பூலாங்குளம், திருநெல்வேலி மாவட்டம்

வீட்டில் வறுமை... மார்க்‌ஷீட்டில் செம்மை!
வீட்டில் வறுமை... மார்க்‌ஷீட்டில் செம்மை!

‘‘அப்பா டீக்கடையில் வேலை பார்க்குறாங்க. அம்மாவுக்கு மனநலம் சரியில்ல. ரெண்டு தம்பி, ரெண்டு தங்கச்சி ஸ்கூல்ல படிக்கிறாங்க. ஸ்கூலுக்குப் போயிட்டு வந்து வீட்டு வேலைகளை எல்லாம் நான்தான் செய்வேன். அதனால விடியக்காலை தான் படிப்பேன். ஏழு பேருக்கும் சமையல் செஞ்சு, தம்பி, தங்கச்சிங் களோட அம்மாவையும் பார்த்து கிட்டுனு ரொம்ப சிரமமா இருந்ததால, ஸ்கூல் போறதை நிப்பாட்டிடலாமானு எல்லாம் யோசிச்சிருக்கேன். டீச்சர்ஸ் எல்லோரும்தான் ஆறுதல் சொல்லி ஊக்கப்படுத்தினாங்க. அப்புறம் வீட்டு வேலைகளுக்கு, படிக்கிறதுக்குன்னு தனித்தனியா நேரம் ஒதுக்கி அட்டவணை போட்டேன். தினமும் காலையில 4 மணியிலேர்ந்து 6 மணி வரை படிச்சுட்டு, அப்புறம் வாசல் தெளிச்சு, காபி போட்டு, சாப்பாடு செஞ்சு, தம்பி, தங்கச்சிங்களை ஸ்கூலுக்குக் கிளப்பிட்டு நானும் கிளம்பிடுவேன். எல்லோரும் ஒரே ஸ்கூலுங்கிறதால ஒண்ணாதான் ஸ்கூலுக்குப் போயிட்டு வருவோம். வந்ததும் வீட்டு வேலைகளை முடிச்சுட்டு 7 மணிக்கு படிக்க உக்காருவேன். நடுவுல தம்பி, தங்கச்சிகளுக்கும் பாடம் சொல்லிக் கொடுப்பேன்.

இப்படி சிரமங்களுக்கு இடையில படிச்சாலும், பள்ளி அளவுல முதல் மாணவியாவும், சேரன்மகாதேவி கல்வி மாவட்டத்துல மூன்றாவது மாணவியாவும் வந்திருக்கேன். எங்கம்மாவுக்கு இந்த சந்தோஷம் எதுவும் தெரியாது, புரியாது. எங்கப்பாவால என்னை மேற்கொண்டு படிக்கவைக்க முடியாது. யாராவது உதவி செய்வாங்களா?!’’

சிவசத்யா, 1178/1200, அரசு மேல் நிலைப்பள்ளி, ஒத்தக்கால் மண்டபம், கோவை

வீட்டில் வறுமை... மார்க்‌ஷீட்டில் செம்மை!
வீட்டில் வறுமை... மார்க்‌ஷீட்டில் செம்மை!

``எங்கப்பா கட்டட வேலைக்குப் போறார். சொற்ப வருமானம்தான். ஆனா, என்னை நல்லா படிக்க வைக்கணும்னு அப்பாவும் அம்மாவும் சொல்லிட்டே இருப்பாங்க. அவங்களை பெருமைப்படுத்தணும்னு நானும் கடின உழைப்போட படிச்சேன். புள்ளியியல், பொருளியல் பாடத்தில் 200/200 மதிப்பெண்களும், கணக்குப்பதிவியல், வணிகவியல் பாடங்கள்ல 199/200 மதிப்பெண்களும் எடுத்ததோட, அரசுப் பள்ளியில் படிச்ச மாணவர்களில் மாநில அளவில் இரண்டாம் இடத்தையும் பிடிச்சேன். எங்க ஆசிரியர்களுக்கு நன்றி சொல்லணும். அப்பா, அம்மாவுக்கு இப்போ ரொம்ப சந்தோஷம். தொடர்ந்து சி.ஏ படிக்கப்போறேன். நல்லா படிச்சு, நல்ல வேலைக்குப் போய் அப்பா, அம்மாவை சந் தோஷமா பார்த்துக்கணும். அவங்க உழைப்புக்கு ஓய்வு கொடுக்கணும்!’’

ஜானகி, 1146/1200, அரசு மேல்நிலைப் பள்ளி, பூந்தோட்டம், திருவாரூர் மாவட்டம்

வீட்டில் வறுமை... மார்க்‌ஷீட்டில் செம்மை!
வீட்டில் வறுமை... மார்க்‌ஷீட்டில் செம்மை!

‘‘என்னோட சேர்த்து எங்க வீட்ல மொத்தம் நாலு பொண்ணுங்க. அப்பா சென்னை, வடபழனியில வாடகைக்கு ஆட்டோ ஒட்டுறார். நாங்க திருவாரூர்ல இருக்கோம். அப்பாவுக்கு சவாரி நல்லா கிடைச்சாதான், எங்களுக்கு  நல்ல சாப்பாடு கிடைக்கும். சென்னையில மழை வந்த சமயத்துல எல்லாம் ஆட்டோ சுத்தமா ஓடல. அப்போ நாங்க பட்ட கஷ்டமெல்லாம் மறக்க முடியாதது. ஆனா, அதையெல்லாம் மனசுல ஏத்திக்காம, படிப்புதான் நமக்கு வாழ்க்கைனு நினைச்சுப் படிச்சேன். வணிகவியல் பாடப்பிரிவில், அரசுப் பள்ளி வட்டத்தில் மாவட்ட அளவில் முதலிடம் பெற்றேன். எங்க வீட்டுல எல்லாருக்கும் ரொம்ப சந்தோஷம். பி.எல் படிக்க ஆசை. ‘எப்பாடுபட்டாவது படிக்க வெச்சிடுறேம்மா’ன்னு அப்பா சொல்றார். அது நடந்துட்டா, என் குடும்பத்தை நான் கரை சேர்த்துடுவேன்!’’

கரோலின்மேரி, 1029/1200, தூய இதய மகளிர் மேல்நிலைப்பள்ளி, தஞ்சாவூர்

வீட்டில் வறுமை... மார்க்‌ஷீட்டில் செம்மை!
வீட்டில் வறுமை... மார்க்‌ஷீட்டில் செம்மை!

‘‘எங்க அப்பா கட்டடத் தொழிலாளி. எல்லா நாட்களும் அவருக்கு வேலை இருக்காது. அன்றாடச் செலவுக்கே அப்பப்போ கடன் வாங்குற நிலைமை. இதுக்கு இடையிலும் நான் நல்லா படிச்சு பத்தாவதுல 500-க்கு 484 மார்க் எடுத்தேன். அதேபோல பன்னிரண்டாவதுலயும் நல்ல மார்க் எடுக்கணும்னு படிச்சேன். ரிசல்ட் வந்ததும், அப்பாகிட்ட என் மார்க்கை சொன்னேன். ‘இதுவரைக்கும் எப்படியோ கஷ்டப்பட்டு படிக்க வெச்சுட்டேன். இனிமே என்ன செய்றதுனு தெரியலையே?’னு அப்பா புலம்பினப்போ, ‘ஒருவேளை நாம குறைச்சு மார்க் எடுத்திருந்தா அப்பா இவ்வளவு வருத்தப்பட்டிருக்க மாட்டார். இப்போ, இவ்வளவு மார்க் எடுத்த புள்ளைய மேற்கொண்டு படிக்கவைக்க முடியலையேனு அப்பாவை வருத்தப்பட வெச்சுட்டோமே’னு தோணுச்சு.

அப்பாவுக்கு 60 வயசாயிருச்சு. வேலைக்கும் முன்ன மாதிரி சரியா போக முடியல. இந்நிலையில, என் தங்கச்சி இந்த வருஷம் ப்ளஸ் டூ போறா. அவளும் நல்லா படிப்பா. அடுத்து என்னனு யோசிக்கத் தைரியமில்லாம, வழியில்லாம உட்கார்ந்திருக்கோம்!’’

நளினி, 1054/1200, அரசினர் பெண்கள் மேல்நிலைப்பள்ளி, போரூர், சென்னை

வீட்டில் வறுமை... மார்க்‌ஷீட்டில் செம்மை!
வீட்டில் வறுமை... மார்க்‌ஷீட்டில் செம்மை!

‘‘எங்கப்பா ஆட்டோ ஓட்டுறாங்க. பத்தாவதுல 500-க்கு 492 மார்க்கு வாங்கினேன். ‘படிக்கிற புள்ள பன்னிரண்டாவதுலயும் நல்ல மார்க் வாங்கணும்’னு நான் படிக்கும்போது வீட்டுல எதுவும் வேலை சொல்ல மாட்டாங்க. எல்லாத்தையும் அம்மாவே பாத்துக்குவாங்க. இப்போ நல்ல மார்க் வாங்கினதில் அம்மாவுக்கும் அப்பாவுக்கும் சந்தோஷம். கவுன்சலிங்க்கு அப்ளை செஞ்சிருக்கேன். லோன் எடுத்துதான் படிக்கணும். படிச்சு நல்ல வேலைக்குப் போய் தங்கச்சியைப் படிக்க வைக்கணும். அம்பா, அப்பாவை நல்லா பார்த்துக்கணும். ஐ.ஏ.எஸ் பரீட்சை எழுதணும். நமக்கெல்லாம் அறிவுதான் மூலதனம். எல்லாத்தையும் நிச்சயம் சாதிக்கலாம்!’’

நல்ல கனவுகள் நிச்சயம் கைகூடும் கண்மணிகளே!

ச.ஜெ.ரவி, கே.குணசீலன், எல்.ராஜேந்திரன், எம்.புண்ணியமூர்த்தி, படங்கள்: தா.நந்திதா தி.விஜய், க.தனசேகரன், ச.பிரசாந்த்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism