Published:Updated:

பாரம்பர்ய டிரெஸ்... பராக் பராக்!

ஒட்டுமொத்த விகடனுக்கும் ஒரே ஷார்ட்கட்

Use App
பாரம்பர்ய டிரெஸ்... பராக் பராக்!
பாரம்பர்ய டிரெஸ்... பராக் பராக்!

பாரம்பர்ய டிரெஸ்... பராக் பராக்!

பிரீமியம் ஸ்டோரி
பாரம்பர்ய டிரெஸ்... பராக் பராக்!

ந்தியாவின் பாரம்பர்ய உடை புடவை, சல்வார். இதுபோல, உலக நாடுகளில் பெண்கள் உடுத்தும் பாரம்பர்ய உடைகளை ஒரு லுக் பார்க்கலாமா?!

ஆ டை (Ao Dai)

‘என்னது... ஆடையை ரெண்டா பிரிச்சு ‘ஆ டை’னு போட்டிருக்காங்களே..?’னு பாக்குறீங்களா? அதுதான் அந்த உடைக்குப் பேரு. இது வியட்நாம் நாட்டோட பாரம்பர்ய உடைகள்ல ஒண்ணு. ‘ஆ’ என்றால் மேற்புறம் அணிகிற உடை, ‘டை’ என்றால் நீளம். பார்க்க நம்ம ஊரு பலாஸோ சல்வார் மாதிரி இருக்குற `ஆ டை', கால்கள் வரை நீண்டிருக்கு. வியட்நாம் நாட்டு புத்தாண்டின்போது, பெண்கள் எல்லோரும் `ஆ டை' உடுத்துறதை வழக்கமா வெச்சுருக்காங்க. இதன் ஆரம்ப விலை, ரூ ` 1,300.

பாஜூ குருங் (Baju Kurung)

பாரம்பர்ய டிரெஸ்... பராக் பராக்!

மலாய் மக்களோட பாரம்பர்ய ஆடையான பாஜூ குருங், மலேசியா, சிங்கப்பூர், இந்தோனேசியா நாட்டுப் பெண்களால உடுத்தப்படுது. மேற்புறம் கமீஸ் மற்றும் கீழே லாங் ஸ்கர்ட்... இதுதான் பாஜூ குருங்கின் வடிவமைப்பு. 19-ம்  நூற்றாண்டைச் சேர்ந்த ஜோஹர் மன்னர் அபு பக்கரால் பிரபலப்படுத்தப்பட்ட இந்த உடை, சில இடங்களில் இஸ்லாம் பெண்களின் திருமண உடையாகவும் இருக்கு. இந்தியா, ஜப்பான், தென்கொரியா போன்ற நாடுகள்ல தயாரிக்கப்படுற பட்டுத் துணியில நெய்யப்படும் ஆடை இது. ரம்ஜான் மாதத்துல பெண்கள் அதிகமா அணிகிற ஆடையான பாஜூ குருங்கின் ஆரம்ப விலை,  ரூ `  1,000.

சியோங்ஸாம் (Cheongsam)

பாரம்பர்ய டிரெஸ்... பராக் பராக்!

பேரைக் கேட்டாலே சீன நாட்டு உடைனு புரியுற சியோங்ஸாம், சீனப் பெண்களின் உடையிலேயே மிகவும் அழகானது. சிவப்பு, பிங்க், நீலம், வெள்ளை போன்ற நிறங்கள்ல தயாரிக்கப்படுற சியோங்ஸாமோட ஆங்கிலப் பேர், ‘மேண்டரின் கவுன்’. கால் வரை நீளமான கவுன், காலத்துக்கு ஏற்றமாதிரி மாற்றம் செய்யப்பட்டு ஷார்ட் கவுன் ஆகிடுச்சு. ஆனாலும், திருமணம், விழாக்களின்போது பாரம்பர்ய சியோங்ஸாம்தான் உடுத்தப்படுது. ஹாங்காங்ல சில பள்ளிகள்ல யூனிஃபார்மே இந்த உடைதான். சீனாவின் சில்க் மெட்டீரியல்ல வேலைப்பாடுகள் செய்யப்பட்ட சியோங்ஸாமின் ஆரம்ப விலை,  ரூ `  5000.

ட்ரிண்டில் (Dirndl)

பாரம்பர்ய டிரெஸ்... பராக் பராக்!

ஆஸ்திரியா, ஜெர்மனி போன்ற நாடுகள்ல உடுத்தப்படுற பாரம்பர்ய ஆடை, ட்ரிண்டில். இது ஒரு ஃபோர் பீஸ் உடை. தெற்கு ஜெர்மனி பகுதியில, `ட்ரிண்டில்'னா இளம்பெண்னு அர்த்தமாம். வெயில் காலத்துல காட்டன் மெட்டீரியல்ல தயாரிக்கப்படுற ட்ரிண்டில், குளிர் காலத்துல லினன், வெல்வெட், கம்பளி போன்ற மெட்டீரியல்கள்ல முழு கையோட தயாரிக்கப்படுது. பார்க்க சிம்பிளா இருக்கும் ட்ரிண்டில், கைகளாலேயே பிரின்ட் செய்யப்பட்ட பட்டுத்துணி கொண்டு டிசைன் செய்யப்படுறதால, இதோட ஆரம்ப விலை, ரூ  `  10,000.

ட்ரஜெ டி ஃப்ளெமெங்கா (Traje de Flamenca)

பாரம்பர்ய டிரெஸ்... பராக் பராக்!

உச்சரிக்கவே கஷ்டமா இருக்கிற ட்ரஜெ டி ஃப்ளெமெங்கா, ஸ்பெயின் நாட்டின் பாரம்பர்ய உடை. முக்கிய விழாக்களின்போது அணியப்படுற இந்த உடை, ஸ்பெயின்ல இருக்கிற ஆண்டலூசியா என்ற பகுதியில மிகவும் பிரபலம். இந்த உடை, டான்ஸர்களுக்கு வசதியா இறுக்கம் குறைவாவும், மற்ற பெண்களுக்கு இறுக்கமாவும் இரு வேறு வகையில தயாரிக்கப்படுது. கை மற்றும் கால் பகுதிகள்ல இருக்கிற மிகப்பெரிய மடிப்புகள்தான் இந்த உடையோட ஸ்பெஷல். இதுக்கு ஷாலும் அணிந்துகொள்ளலாம். இந்த ஆடையின் ஆரம்ப விலை,  ரூ `  15,000 – 20,000.

ஜெ.விக்னேஷ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு