Published:Updated:

விநாயகருக்கு படைப்போம் விதம்விதமான கொழுக்கட்டை!

விநாயகருக்கு  படைப்போம்  விதம்விதமான கொழுக்கட்டை!
பிரீமியம் ஸ்டோரி
News
விநாயகருக்கு படைப்போம் விதம்விதமான கொழுக்கட்டை!

பண்டிகை ரெசிப்பி

விநாயகர் சதுர்த்தியையொட்டி எளிதாக செய்யக்கூடிய கொழுக்கட்டைகளை இங்கே தந்திருக்கிறோம். அவற்றை செய்து விநாயகருக்கு படைப்பதோடு உண்டு மகிழுங்கள்.

விநாயகருக்கு  படைப்போம்  விதம்விதமான கொழுக்கட்டை!

எள்ளுப் பூரண கொழுக்கட்டை

தேவையானவை: அரிசி மாவு - ஒரு கப், கறுப்பு எள் - 50 கிராம், தேங்காய்த் துருவல் - ஒரு டேபிள்ஸ்பூன், பொடித்த வெல்லம் - அரை கப், நெய் - ஒரு டீஸ்பூன், ஏலக்காய்த்தூள் - கால் டீஸ்பூன், எண்ணெய் - தேவையான அளவு, உப்பு - ஒரு சிட்டிகை, தண்ணீர் - 2 கப்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
விநாயகருக்கு  படைப்போம்  விதம்விதமான கொழுக்கட்டை!

செய்முறை: வாணலியில் தண்ணீர்,1 டீஸ்பூன் எண்ணெய், உப்பு சேர்த்து அடுப்பில் வைக்கவும். கொதி வந்ததும் தீயைக் குறைத்து வைத்துவிட்டு, அரிசி மாவை சேர்த்து கட்டி தட்டாமல் கிளறவும். வாணலியை மூடி வைக்கவும். சில நிமிடங்கள் கழித்துத் திறந்து மாவு கெட்டியானவுடன் அடுப்பை அணைத்துவிடவும். எள்ளை தண்ணீர் விட்டுக் களைந்து, வடிகட்டி எடுத்து, வாணலியில் சேர்த்து,

விநாயகருக்கு  படைப்போம்  விதம்விதமான கொழுக்கட்டை!

அடுப்பில் வைத்து, நன்றாகப் பொரியவிட்டு எடுக்கவும். ஆறியதும் மிக்ஸியில் போட்டுப் பொடித்து வைக்கவும். வாணலியில் வெல்லத்தூள், 2 டேபிள்ஸ்பூன் தண்ணீர் விட்டு அடுப்பில் வைத்து, கரைந்தவுடன் எடுத்து வடிகட்டவும். இந்த வெல்லக் கரைசலை மீண்டும் அடுப்பில் வைத்து தேங்காய்த் துருவல், நெய் சேர்த்துக் கிளறவும். சேர்ந்து வரும்போது பொடித்த எள்ளைப் போட்டுக் கிளறி, ஏலக்காய்த்தூள் சேர்த்துக் கலந்து இறக்கவும். வேகவைத்த அரிசி  மாவை கட்டி இல்லாமல் பிசைந்து, அதிலிருந்து ஒரு சிறு உருண்டை எடுத்து, எண்ணெயைத் தொட்டுக்கொண்டு, கை விரல்களால் அழுத்தி சிறு கிண்ணம் போல் செய்து, நடுவில் எள்ளுப் பூரணம் சிறிது வைத்து கொழுக்கட்டையாக செய்துகொள்ளவும். இப்படி எல்லாவற்றையும் செய்து இட்லித் தட்டில் வைத்து ஆவியில் 10 நிமிடங்கள் வேகவிட்டு எடுக்கவும்.

ரவை மோதகம்

தேவையானவை: ரவை - ஒரு கப், பால் - 2 கப், வேகவைத்த கடலைப்பருப்பு - அரை கப், பொடித்த வெல்லம் - முக்கால் கப், தேங்காய்த் துருவல் - அரை கப், ஏலக்காய்த்தூள் - அரை டீஸ்பூன், நெய் - ஒரு டேபிள்ஸ்பூன்.

விநாயகருக்கு  படைப்போம்  விதம்விதமான கொழுக்கட்டை!

செய்முறை: ஒரு பாத்திரத்தில் பாலை விட்டு சூடாக்கவும். கொதி வந்தவுடன் ரவையை சேர்த்து கிளறவும். பிறகு தீயைக் குறைத்து, பாத்திரத்தை மூடி வைக்கவும். கெட்டியானவுடன் அடுப்பை அணைத்துவிடவும். ஒரு வாணலியில் நெய்யை சூடாக்கி... தேங்காய்த் துருவல், வேகவைத்த கடலைப்பருப்பு, பொடித்த வெல்லம் சேர்த்துக் கிளறவும். சேர்ந்து வந்தவுடன் ஏலக்காய்த்தூள் போட்டுக் கலந்து இறக்கவும். வெந்த ரவைக் கலவையைக் கட்டி இல்லாமல் பிசைந்து சிறு உருண்டை எடுத்து, கைகளால் அழுத்தி சிறு கிண்ணம் போல் செய்து, அதன் நடுவில் பூரணம் சிறிது எடுத்து வைத்து மோதகம் போல செய்யவும் (இதை வேகவைக்க வேண்டிய அவசியம் இல்லை).

தேங்காய்ப் பூரண கொழுக்கட்டை

தேவையானவை: பச்சரிசி மாவு - ஒரு கப், தண்ணீர் - 2 கப், நெய் (மேல் மாவுக்கு) - ஒரு டீஸ்பூன், தேங்காய்த் துருவல் - ஒரு கப், பொடித்த வெல்லம் - முக்கால் கப், ஏலக்காய்த்தூள் - அரை டீஸ்பூன், நெய் (பூரணத்துக்கு) - ஒரு டேபிள்ஸ்பூன், உப்பு - ஒரு சிட்டிகை.

விநாயகருக்கு  படைப்போம்  விதம்விதமான கொழுக்கட்டை!

செய்முறை:  வாணலியில் தண்ணீர், உப்பு, ஒரு டீஸ்பூன் நெய் விட்டு அடுப்பில் வைக்கவும். கொதி வந்ததும் தீயைக் குறைத்து வைத்துவிட்டு, பச்சரிசி மாவைத் தூவி, கட்டி தட்டாமல் கிளறவும். வாணலியை மூடி வைக்கவும். இரண்டு நிமிடம் கழித்து, வாணலியைத் திறந்து நன்றாகக் கிளறி, மாவு கெட்டியானவுடன் அடுப்பை அணைத்து, வாணலியை மூடி வைக்கவும்.

இன்னொரு வாணலியில் நெய்யை சூடாக்கி, தேங்காய்த் துருவல், பொடித்த வெல்லம் சேர்த்துக் கிளறவும். எல்லாம் சேர்ந்து வரும்போது ஏலக்காய்த்தூள் போட்டுக் கலந்து இறக்கி வைக்கவும். இதுதான் தேங்காய்ப் பூரணம். வேகவைத்த மாவை கட்டி இல்லாமல் பிசைந்து, அதிலிருந்து ஒரு உருண்டை எடுத்து, எண்ணெயைத் தொட்டுக்கொண்டு, கை விரல்களால் அழுத்தி சிறு கிண்ணம் போல் செய்து, நடுவில் தேங்காய்ப் பூரணம் கொஞ்சம் வைத்து மூடி, வேண்டிய வடிவத்தில் கொழுக்கட்டையாக செய்யவும். இப்படி எல்லாவற்றையும் செய்து, இட்லித் தட்டில் வைத்து, 10 நிமிடங்கள் ஆவியில் வேகவிட்டு எடுக்கவும்.

உளுத்தம்பருப்பு கொழுக்கட்டை

தேவையானவை: பச்சரிசி மாவு - ஒரு கப், எண்ணெய் (மேல் மாவுக்கு) - ஒரு டீஸ்பூன், உளுத்தம்பருப்பு - முக்கால் கப், பச்சை மிளகாய் - 2, கறிவேப்பிலை - சிறிதளவு, பெருங்காயத்தூள் - கால் டீஸ்பூன், தேங்காய்த் துருவல் - கால் கப், கடுகு, உளுத்தம்பருப்பு (பூரணத்துக்கு) - தலா ஒரு டீஸ்பூன், எண்ணெய் (பூரணத்துக்கு) - ஒரு டேபிள்ஸ்பூன்,  உப்பு - தேவையான அளவு, தண்ணீர் - 2 கப்.

விநாயகருக்கு  படைப்போம்  விதம்விதமான கொழுக்கட்டை!

செய்முறை:  உளுத்தம்பருப்பை ஊறவைத்து, அதனுடன் பச்சை மிளகாய், கறிவேப்பிலை, உப்பு சேர்த்து கொரகொரப்பாக அரைத்து எடுக்கவும். வாணலியில் 2 கப் தண்ணீர் விட்டு உப்பு, ஒரு டீஸ்பூன் எண்ணெய் சேர்த்து சூடாக்கி, கொதிக்கும்போது அரிசி மாவைப் போட்டுக் கட்டி இல்லாமல் கிளறி நன்றாக வேகவிட்டு எடுக்கவும்.

மற்றொரு வாணலியில் ஒரு டேபிள்ஸ்பூன் எண்ணெய் விட்டு சூடாக்கி... கடுகு, உளுத்தம் பருப்பை சேர்க்கவும். கடுகு வெடித்தவுடன் பெருங்காயத்தூளை சேர்த்து... பொரிந்தவுடன் அரைத்து வைத்திருக்கும் உளுத்தம்பருப்பு கலவையைப் சேர்த்து, இரண்டு நிமிடங்கள் கிளறி, இறக்கும்போது தேங்காய்த் துருவல் சேர்த்துக் கலந்து இறக்கவும். இதுதான் பூரணம்.

வேகவைத்திருக்கும் அரிசி மாவில் இருந்து ஒரு சின்ன உருண்டை எடுத்து, விரல்களால் அழுத்தி சிறு கிண்ணம் போல் செய்து, நடுவில் பூரணத்தை வைத்து மூடவும். இப்படி எல்லா வற்றையும் செய்து ஆவியில் 10 நிமிடம் வேகவிட்டு எடுக்கவும்.

பச்சைப் பயறு காரக் கொழுக்கட்டை

தேவையானவை: பச்சைப் பயறு - அரை கப், கடுகு, உளுத்தம்பருப்பு - தலா ஒரு டீஸ்பூன், பெருங்காயத்தூள் - அரை டீஸ்பூன், கறிவேப்பிலை - சிறிதளவு, காய்ந்த மிளகாய் - 2, தேங்காய்த் துருவல் - கால் கப், எண்ணெய் (பூரணத்துக்கு) - 2 டீஸ்பூன், பச்சரிசி மாவு - ஒரு கப், எண்ணெய் (மேல் மாவுக்கு) - ஒரு டீஸ்பூன், உப்பு - ஒரு சிட்டிகை, தண்ணீர் - 2 கப்.

விநாயகருக்கு  படைப்போம்  விதம்விதமான கொழுக்கட்டை!

செய்முறை: பச்சைப் பயறை ஒரு மணி நேரம்  ஊறவைக்கவும். குக்கரில் பயறைப் போட்டு, தேவையான தண்ணீர் விட்டு மூடி அடுப்பில் வைத்து 3 விசில் விட்டு எடுக்கவும்.  வாணலியில் உப்பு, தண்ணீர், ஒரு டீஸ்பூன் எண்ணெய் விட்டு அடுப்பில் வைக்கவும். கொதிக்க ஆரம்பித்தவுடன் மாவைப் போட்டு கட்டி தட்டாமல் கிளறவும். மாவு கெட்டியானவுடன் அடுப்பை அணைத்துவிடவும். இன்னொரு வாணலியில் 2 டீஸ்பூன் எண்ணெய் விட்டு அடுப்பில் வைக்கவும். சூடானதும் கடுகு, உளுத்தம்பருப்பு, கிள்ளிய மிளகாய் சேர்க்கவும். கடுகு வெடித்தவுடன் பெருங்காயத்தூள், கறிவேப்பிலையை சேர்க்கவும். பொரிந்தவுடன் வேகவைத்திருக்கும் பச்சைப் பயறைச் சேர்த்து, நன்றாகக் கிளறி, தேங்காய்த் துருவல் சேர்த்துக் கலந்து இறக்கி வைக்கவும்.

வெந்த மாவில் இருந்து ஒரு சிறு உருண்டை எடுத்து, கைகளால் அழுத்தி சிறு கிண்ணம் போல் செய்து, நடுவில் பச்சைப் பயறு பூரணத்தை வைத்து மூடி கொழுக்கட்டைகளாக செய்யவும். இப்படி எல்லாவற்றையும் செய்து, 10 நிமிடங்கள் ஆவியில் வேகவைத்து எடுக்கவும்.