Published:Updated:

நோய் நாடி..! - BP  - அறிந்ததும் அறியாததும்!

நோய் நாடி..! - BP  - அறிந்ததும் அறியாததும்!
பிரீமியம் ஸ்டோரி
News
நோய் நாடி..! - BP  - அறிந்ததும் அறியாததும்!

கம்ப்ளீட் மெடிக்கல் கைடு!

நோய் நாடி..! - BP  - அறிந்ததும் அறியாததும்!

ன்று பெரும்பாலானவர்கள் அவதியுறும் ஆரோக்கியப் பிரச்னையான ரத்த அழுத்தம் பற்றிய மருத்துவத் தகவல்களை விரிவாகப் பேசுகிறார், சென்னையைச் சேர்ந்த ரத்த அழுத்த மற்றும் சர்க்கரை நோய் சிறப்பு நிபுணர் டாக்டர் செந்தில் மணிகண்டன்.

ரத்த அழுத்தம் என்பது என்ன?

நோய் நாடி..! - BP  - அறிந்ததும் அறியாததும்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz



இதயத்திலிருந்து ரத்தக் குழாய்கள் வழியாக உடல் உறுப்புகளுக்கு ரத்தம் அனுப்பப்படும். இந்த ரத்த ஓட்டம் இதயத்துக்கு வரும்போது ஒரு குறிப்பிட்ட வேகத்திலும், இதயத்திலிருந்து வெளியேறும் போது வேறு ஒரு வேகத்திலும் செல்லும். இப்படிச் செல்லக்கூடிய இந்த வேகத்துக்குப் பெயர்தான், ரத்த அழுத்தம் (Blood pressure).

பொதுவாக, ரத்த அழுத்தத்தை 120/80 mm Hg என்ற அளவில் குறிப்பிடும்போது, இதில், 120 என்பது சிஸ்டாலிக் அழுத்தத்தை (Systolic pressure) குறிக்கும். இது, இதயம் சுருங்கி ரத்தத்தை வெளியில் தள்ளும்போது ஏற்படுகிற அழுத்தம். 80 என்பது டயஸ்டாலிக் அழுத்தத்தை (Diastolic pressure) குறிக்கும். இது, இதயம் தன்னிடம் இருந்த ரத்தத்தை வெளியேற்றிய பிறகு, தன் அளவில் விரிந்து உள்ளே வருகின்ற ரத்தத்தைப் பெற்றுக்கொள்ளும்போது ஏற்படுகிற அழுத்தம்.

எது நார்மல்?

ரத்த அழுத்தத்தை ஒழுங்குபடுத்தி நிர்வகிப் பதில் சிறுநீரகங்கள், அட்ரினல் சுரப்பிகள், மூளை மற்றும் நரம்பு மண்டலம் உள்ளிட்டவை மிக முக்கியப் பங்கு வகிக்கின்றன. இந்தத் தொடர் சங்கிலி அமைப் பில் ஏதேனும் சிக்கல் ஏற்பட்டால் ரத்த அழுத்தம் அதிகரித்துவிடும். இது சிலருக்கு தற்காலிகமாகவும், பலருக்கு நிரந்தரமாகவும் அதிகரிக்கக்கூடும். ஒரு நபருக்கு 100/70 mm Hg முதல் 140/90 mm Hg வரை உள்ள ரத்த அழுத்தத்தை ‘நார்மல்’ என்று உலக சுகாதார நிறுவனம்  வரையறை செய்துள்ளது. 140/90 mm Hgக்கு மேல் அதிகரித்தால் அது உயர் ரத்த அழுத்தம் (ஹை பிரஷர் -  High Pressure), 90/60 mm Hgக்கு குறைவாக இருந்தால் அது குறைந்த ரத்த அழுத்தம் (லோ பிரஷர் - Low Pressure).

உயர் ரத்த அழுத்தத்துக்கான காரணங்கள்...

*மரபு

*உடல் பருமன்

*உடல் உழைப்பின்மை, உடற்பயிற்சியின்மை

*உணவில் அதிக உப்பு சேர்ப்பது

*சிறுநீரகம், இதயம் சார்ந்த பாதிப்புகள்

*சர்க்கரை வியாதி

*பிறவி ரத்தக்குழாய் பாதிப்பு

*புகை, மதுப்பழக்கம்

*மனஅழுத்தம்

*உறக்கமின்மை, ஓய்வின்மை

*வலி, ஹார்மோன் மாத்திரைகளை மருத்துவர் ஆலோசனை இல்லாமல் உட் கொள்வது

குறைந்த ரத்த அழுத்தத்துக்கான காரணங்கள்...

*ரத்தசோகை

*வாந்தி, பேதி போன்றவற்றால் உடலில் நீர் வற்றிப்போவது

*அதிகநேரம் வெயிலில் இருப்பது உள்ளிட்டவை.

நோய் நாடி..! - BP  - அறிந்ததும் அறியாததும்!

அறிகுறிகள் என்னென்ன?

*தலைசுற்றல்

*தலைவலி

*மயக்கம்

*வாந்தி

*மூக்கில் ரத்தக்கசிவு

*கண் பார்வை மங்குவது

*மூச்சுத் திணறல்

*கால் வீக்கம்

*நெஞ்சு வலி

*களைப்பு

*படபடப்பு

நோய் நாடி..! - BP  - அறிந்ததும் அறியாததும்!

குறிப்பு: சிலருக்கு இந்த அறிகுறிகள் எதுவும் வெளியில் தெரியாது. திடீரென மயக்கம், பக்கவாதம், மாரடைப்பு என நேர்ந்து உயிருக்கு ஆபத்தை ஏற்படுத்தக் கூடும். அதனால்தான் இதனை `சைலன்ட் கில்லர்' (Silent Killer) என்கிறார்கள். எனவே, ரத்த அழுத்தத்துக்கு தொடர் பரிசோதனைகளும், சிகிச்சையும் மிக வும் முக்கியம்.

சோதனை முறைகள்

1. ரத்தப் பரிசோதனை: ரத்தத்தில் உள்ள சிவப்பணுக்களின் அளவு, கொலஸ்ட்ரால், சர்க்கரை, தைராய்டு உள்ளிட்டவற்றைக் கண்டறியலாம்.

2. அட்ரினல் ஹார்மோன் சோதனை:
30 வயதுக்குக் குறை வானவர்களுக்கும், 50 வயதுக்கு அதிக மானவர்களுக்கும் மேற்கொள்ளப்படும் இந்த சோதனையில், பாரா தைராய்டு ஹார்மோனின் அளவைக் கண்டறியலாம்.

3. சிறுநீர் பரிசோதனை: சிறுநீரில் புரதம் வெளியேறுகிதா என்பதைக் கண்டறியலாம்.

4. அல்ட்ரா சவுண்ட் ஸ்கேனிங் டெஸ்ட்: சிறுநீரகத்தின் அளவு, அதில் புண், கட்டிகள் ஏதேனும் உள்ளதா போன்றவற்றைக் கண்டறியலாம்.

5. ரீனல் டாப்ளர் டெஸ்ட்: சிறுநீரக ரத்த நாளங்களில் அடைப்பு உள்ளதைக் கண்டறியும் சோதனை.

6. எக்ஸ்ரே - ஈ.சி.ஜி டெஸ்ட்: ரத்த அழுத்தத்தில் இதயத்தில் ஏற்படும் மாறுதல்கள் பற்றி அறிந்துகொள்ளலாம்.

7. கேரோடிட் டாப்ளர் டெஸ்ட்: கழுத்துப் பகுதியில் ரத்த நாளங்களில் அடைப்பு உள்ளதா என்பதைக் கண்டறியும் சோதனை.

இதில் பொதுவாக ரத்தப்பரிசோதனை மட்டுமே போதுமானது. தைராய்டு மற் றும் சிறுநீரகக்கோளாறு இருப்பவர்கள் அவற்றுக்குத் தகுந்தாற்போல் மற்ற பரிசோதனைகளை செய்து கொள்ளலாம்.

நோய் நாடி..! - BP  - அறிந்ததும் அறியாததும்!

சிகிச்சைகள்

1. ஆரோக்கியமான வாழ்க்கைமுறை தொடங்கி, மருத்துவர் வழங்கும் மாத்திரை, மருந்துகள்வரை அடிப்படை சிகிச்சையாக அமையும்.

2. ஹார்மோன், சிறுநீரக சிகிச்சை.

3. அளவுக்கதிகமாக குறட்டைவிடுவதால் (OSA - Obstructive Sleep Apnea) ஹார்மோன் மாற்றம் ஏற்பட்டு ரத்த அழுத்தம் உண்டாகும் என்பதால் அதைத் தவிர்க்க மூச்சுக்குழாய் அடைப்பை சரிசெய்யும் சிகிச்சை.

4. சிறுநீரக பாதிப்புகள் தொடங்கி அட்ரினல் கட்டிகள் போன்றவற்றுக்கான அறுவை சிகிச்சைகள்.

5. இதயம், மூளை போன்ற உறுப்புகள் சார்ந்த பிரச்னைகளுக்கான பிரத்யேக சிகிச்சை முறைகள்.

குறிப்பு: வலி மாத்திரைகள், ஆன்ட்டிபயாட்டிக் மாத்திரைகள், ஹார்மோன் மாத்திரைகள், கருத்தடை மாத்திரைகள் போன்றவற்றை மருத்துவ ஆலோசனை இல்லாமல் சாப்பிட்டால், சமயங்களில் அது உயிரிழப்புவரைகூட பாதிப்பு களை ஏற்படுத்தும் கவனம்.

ரத்த அழுத்தம் வராமல் இருக்க..!

தினமும் 30 முதல் 45 நிமிடம் நடைப்பயிற்சி, சமச்சீர் உணவு, தினமும் 6 - 9 மணி நேரத் தூக்கம் அவசியம். மனஅழுத்தம் தவிர்க்க வேண்டும். புகை, மதுப்பழக்கம் கூடவே கூடாது. 30 வயதுக்கு மேற்பட்டோரும், குடும்பப் பின்னணியில் உயர் ரத்த அழுத்தம் உள்ளவர்களும் ஆறு மாதத்துக்கு ஒரு தடவை ரத்த அழுத்த பரிசோதனை செய்துகொள்வது நல்லது. 30 - 50 வயதுடையவர்களில்தான் 90% பேருக்கு ரத்த அழுத்தம் ஏற்படுகிறது என்பதால் அவர்கள் அதிக விழிப்பு உணர்வுடன் இருக்க வேண்டும்.

``மொத்தத்தில், இன்றைய நவீன மருத்துவத்தில் ரத்த அழுத்த நோயைக் கட்டுப்படுத்த மருந்து, மாத்திரைகள், சிகிச்சைகள் வந்துவிட்டன. என்றாலும், வரும் முன் காப்பதும், நோய்கண்ட பின்னர் தொடர் பரிசோதனைகள், சிகிச்சைகளில் தவறாது இருப்பது மிக அவசியம்’’ என்று அறிவுறுத்தி முடித்தார் டாக்டர் செந்தில் மணிகண்டன்.

சா.வடிவரசு, படங்கள்: பா.காளிமுத்து

உயர் ரத்த அழுத்தத்தை சரிசெய்ய உணவுப் பரிந்துரை..!

நோய் நாடி..! - BP  - அறிந்ததும் அறியாததும்!

உயர் ரத்த அழுத்த நோய்க்கு முதல் காரணம், உணவில் அன்றாடம் சேர்த்துக்கொள்ளும் சோடியம் குளோரைடு உப்பு. உப்பு நிறைந்த ஊறுகாய், அப்பளம், கருவாடு, உப்புக்கண்டம், சிப்ஸ், வடாம் உள்ளிட்ட உணவுப் பொருட்கள், நொறுக்குத்தீனிகள், பதப்படுத்தப்பட்ட பாக்கெட் உணவுகள், துரித உணவுகள், கொழுப்பு உணவுகளைத் தவிர்க்கவும்.

நல்லெண்ணெய், சூரியகாந்தி எண்ணெய், கடலை எண்ணெய், தவிட்டு எண்ணெய் ஆகியவற்றை குறைந்த அளவிலும், சுழற்சி முறையிலும் பயன்படுத்தலாம்.

காபி, தேநீருக்குப் பதிலாக பழச்சாறு, லெமன் டீ, க்ரீன் டீ குடிக்கும்போது இவற்றில் உள்ள ஆன்டிஆக்ஸிடன்ட் ரத்த அழுத்தத்தைக் கட்டுப்படுத்தும்.

ஆவியில் வேகவைத்த உணவுகள் மிகவும் நல்லவை. அசைவப் பிரியர்கள் வாரம் ஒருநாள் கோழி அல்லது மீன் சாப்பிடலாம்.

நார்ச்சத்து உணவுகள் ரத்த அழுத்தத்தைக் குறைப்பதோடு, ரத்தத்தில் உள்ள கொழுப்பு, உடல் எடையைக் குறைத்து, நீரிழிவையும் கட்டுப்படுத்தும்.

குறைந்த ரத்த அழுத்தத்தை சரிசெய்ய உணவுப் பரிந்துரை..!

நோய் நாடி..! - BP  - அறிந்ததும் அறியாததும்!

கம்பு, கேழ்வரகு உள்ளிட்ட சத்துமாவுக் கஞ்சிகள், அரிசி கஞ்சி.

சோயா, பேரீச்சை, கீரைகள்.

எண்ணெய் சேர்க்காத உணவுப்பண்டங்கள், மீன் உணவுகள்.

தனித்த உயர் ரத்த அழுத்தம்

உயர் ரத்த அழுத்தத்தில் தனித்த உயர் ரத்த அழுத்தம் (Isolated Systolic Hypertension) என்று ஒரு சிறப்பு வகை உள்ளது.

அதாவது, இதில் சிஸ்டாலிக் அழுத்தம் மட்டும் 180-க்கு மேல் இருக்கும். டயஸ்டாலிக் அழுத்தம் சீராக இருக்கும். இது இதயத்துக்கு அதிக சுமை தந்து, இதயம் செயல் இழப்பதை ஊக்குவிக்கிற மோசமான ரத்த அழுத்தம். இது பொதுவாக வயதானவர்களுக்குத்தான் வரக்கூடும். ஆனால், இன்றைக்கு சர்க்கரை நோயாளிகளிடம் இது இளம் வயதிலேயே காணப்படுகிறது என்பது குறிப்பிடத்தக்கது. இதனால் பக்கவாதம், சிறுநீரகச் செயலிழப்பு, மறதி நோய், மாரடைப்பில் இருந்து இறப்புவரை ஏற்படக்கூடும் என்பதால், எச்சரிக்கையோடு இருக்கவும்.