Published:Updated:

யார் முடிவு செய்ய வேண்டும்?

யார் முடிவு செய்ய வேண்டும்?
பிரீமியம் ஸ்டோரி
யார் முடிவு செய்ய வேண்டும்?

மாற்றம்கே.புவனேஸ்வரி, படங்கள்: தே.அசோக்குமார்

யார் முடிவு செய்ய வேண்டும்?

மாற்றம்கே.புவனேஸ்வரி, படங்கள்: தே.அசோக்குமார்

Published:Updated:
யார் முடிவு செய்ய வேண்டும்?
பிரீமியம் ஸ்டோரி
யார் முடிவு செய்ய வேண்டும்?

காராஷ்டிரா மாநிலத்தில் உள்ள சனீஸ்வரன்,  கேரளாவில் உள்ள  சபரிமலை கோயில்களில் பெண்கள் நுழைவதற்கு தடை உள்ளது. இது தொடர்பாக பெண்கள்  அமைப்புகள் பல  ஆண்டுகளாக போராடி வருகின்றன. வழக்குகளும் நடைபெற்று  வருகின்றன. ‘பெண்கள் வரவே கூடாது’ என்று சொல்லும் விதிமுறைகளுக்கு   இடையே ‘மாதவிடாய்  காலங்களில் பெண்கள் கோயிலுக்குள் வரக்கூடாது’  என ஆகம விதிகளையும் வைக்கத் தவறவில்லை.

யார் முடிவு செய்ய வேண்டும்?

‘பாலினப் பாகுபாட்டைக் காரணம் காட்டக் கூடாது!’

அனைத்துப் பெண்களையும் கோயிலுக்குள் அனுமதிக்க உத்தரவிடக் கோரி இந்திய இளம் வக்கீல்கள் சங்கம் என்ற அமைப்பு, உச்சநீதிமன்றத்தில்  பொதுநலன் மனு தாக்கல் செய்துள்ளது.  இவ்விசாரணையின்போது நீதிபதிகள், “கோயில் என்பது பொதுவான ஆன்மிக தலம். அங்கு வரும் பெண்களுக்கு அனுமதி மறுக்க முடியாது. அரசியல் சட்டத்தில் பெண்களுக்கு சம உரிமை வழங்கப்பட்டுள்ளது. அவர்களுக்கு அனுமதி மறுப்பது, அடிப்படை உரிமைகளை மீறும் செயல்’ என்று கூறியுள்ளனர். இதுபோலவே, ‘மும்பையில் உள்ள ஹாஜி அலி தர்ஹாவுக்கு, பெண்கள் செல்ல உரிமை உள்ளது’ என்று மும்பை உயர் நீதிமன்றம் ஓர் அதிரடித் தீர்ப்பை  அண்மையில் வழங்கியுள்ளது.

‘இந்த  வழக்கில்  தர்ஹாவுக்குப் பெண்கள் செல்வதற்கு உரிமை உள்ளது’ என்று இந்திய அரசியலமைப்புச் சட்டப் பிரிவு 14, 15, 19 மற்றும் 25 ஆகியவற்றில் சொல்லப்பட்டு இருப்பதைச் சுட்டிக்காட்டிய நீதிபதிகள், ‘சட்டத்தின் முன் அனைவரும் சமம். சட்டம், அனைவருக்
கும் பொதுவானது. எனவே, தர்ஹாவின் மையப் பகுதிக்குப் பெண்கள் செல்வதற்கு உரிமை உள்ளது. மதத்தை வழிநடத்தவும், அதன் கொள்கைகளைப் பின்பற்றவும் அவர்களுக்கு உரிமை உள்ளது. பாலினப் பாகுபாட்டைக் காரணம் காட்டி தடைபோடக் கூடாது’ என்று  தீர்ப்பில்   கூறியுள்ளார்கள்.

ஓய்வுபெற்ற உச்ச நீதிமன்ற  தலைமை நீதிபதி மார்க்கண்டேய கட்ஜு, “பெண்கள் கோயில், மசூதிக்குச் சென்று நேரத்தை வீணடிப்பதைக் காட்டிலும், அறிவியல் நிறுவனங்கள், பொறியியல், மருத்துவக் கல்லூரிகளுக்குச் செல்ல வேண்டும். அதிக
அளவில் அறிவியலும் அறிவியல் சிந்தனையும் குறைந்த அளவில் மதச் சிந்தனையுமே இந்தியாவின் வளர்ச்சிக்குத் தேவை’’ என்கிறார். அவருடைய  கருத்தில் நியாயம் இருந்தாலும், ஏன் இதே கருத்தை இருபாலருக்கும் சொல்லாமல் பெண்களை  மையப்படுத்திச் சொல்கிறார்?

கோயிலுக்கு வர வேண்டாம் என யார் கூறுவது?


பெண்கள் கோயிலுக்குச் செல்வதா, வேண்டாமா என பெண்தான் முடிவு செய்ய வேண்டும் என்கிறார் வழக்கறிஞர் அருள்மொழி.

“கோயிலுக்குச் செல்வது பற்றி அந்தப் பெண்தான் முடிவு செய்ய வேண்டும். ‘நீ வரக்கூடாது’  என்கிற கருத்தை எதிர்ப்பதற்கு எல்லோருக்கும் உரிமை உண்டு. இதைத் தடுக்கிறவர்கள் அந்த மதத்தில் உள்ள ஆணாதிக்கவாதிகள்தான். கலெக்டராக, பைலட்டாக,  ராணுவ அதிகாரியாக... இப்படி எல்லாமாக பெண்கள் இருக்கிறார்கள். கோயிலுக்குள் மட்டும் அவர்களால் செல்லமுடியவில்லையே. அப்படியானால், பிரச்னை எங்கே உள்ளது? ‘ஜாதகம், சடங்குகள், சம்பிரதாயங்களில் நேரத்தை வீணாக்காதீர்கள்’ என்று கட்ஜு சொல்லி இருந்தால், நியாயம் உள்ளது. கோயில் நுழைவு உரிமைக்கான போராட்டத்தில் நேரத்தை வீணாக்க வேண்டாம் என்று சொல்வதை ஏற்க முடியாது!” என்கிறார் அருள்மொழி.

ஆணாதிக்கமும் மத சிந்தனையுமே காரணம் !

‘‘ஆணாதிக்கமும் மத சிந்தனையுமே  கட்ஜுவின் கருத்தில் உள்ளது’’ என்கிறார் கவிஞர் சல்மா.

‘‘ஒரு பெண் எதைச் செய்ய வேண்டும் என்பதை அவள்தான் முடிவு செய்ய வேண்டும்.  கோயிலுக்குள் செல்வது என்பது  நம்பிக்கை சம்பந்தப்பட்ட ஒன்று. ஆனால், நீ இங்கே வராதே என்று தடுப்பது ஏன்? காரணம் என்ன?

நாம் செய்கிற விஷயத்தில் நமக்கு என்ன உரிமை என்று நம்புகிறோமோ, அது மறுக்கப்படும்போது வரும் கோபம்தான் பெண்களின் போராட்டத்துக்கான அடிப்படை. ஒவ்வொரு போராட்டமும் அவரவர் உரிமை சார்ந்தது. எங்கெல்லாம் மதமும்  ஆணாதிக்கமும் இணைந்து பெண்களை ஒடுக்க நினைக்கிறதோ அங்கெல்லாம் போராடத்தான் செய்வார்கள்.

அவர் சொல்வதுபோல வளர்ச்சியை நோக்கிய  செயல்பாடுகள் இருந்துகொண்டே தான் உள்ளன. ஆனால், பெண் என்பதால் கோயிலுக்குள் அவள் போக முடியாது என்றும், அதற்கான போராட்டத்தை முன்னெடுக்காதீர்கள் என்றும்  சொல்ல யாருக்கும் உரிமையோ, தகுதியோ இல்லை’’ என்றார் சல்மா.      
 

ஒட்டுமொத்த விகடனுக்கும் ஒரே ஷார்ட்கட்!

யார் முடிவு செய்ய வேண்டும்?

சட்டத்தில் சம உரிமை... சமூகத்தில் ?

‘‘ஒருவருடைய கருத்தோ, உரிமையோ செயற்கையாக மறுக்கப்படும்போது  எதிர்த்துப் போராட வேண்டிய நிலையே  பெண்களின்  கோயிலுக்குள் செல்லும் போராட்டம்’’ என்கிறார் வழக்கறிஞர் அங்கயற்கண்ணி.

‘‘பெண் சமூகம் கல்வியாலும் வளர வேண்டும் என்ற கட்ஜு அய்யாவின் கருத்தை வரவேற்கிறேன். எந்தச் சிக்கலில் இதைச் சொல்லியிருக்கிறார் என்பதையும் பார்க்க வேண்டும். நம்முடைய சட்டத்தில் பெண்களுக்கு சம உரிமை இருந்தாலும் சமூகத்தில் அங்கீகரிக்கப்படவில்லை என்பதே இவருடைய கருத்தில் இருந்து பிரதிபலிக்கிறது.

‘நீங்கள் சொல்வது எனக்கு எதிரான கருத்தாகக்கூட இருக்கலாம். அந்தக் கருத்தை நீங்கள் சொல்வதற்கு உங்களுக்கு உரிமை மறுக்கப்படுமானால், அந்த உரிமைக்காக முதலில் நான் குரல் கொடுப்பேன்’ என்பதே வால்டரின் கருத்துரிமை வாசகம். ஒருவருடைய  கருத்து செயற்கையாக மறுக்கப்படும்போது அதனை எதிர்க்க வேண்டும் என்பதுதான் என்னுடைய வாதமும். 

சட்டத்தில் பெண்களுக்கு உரிமை இருந்தாலும், அந்தச் சட்டத்தை செயல்படுத்துகிறவர்கள்  கண்டும் காணாமல் இருப்பதுதான்  கவலை  அளிக்கிறது’’ என்றார் அங்கயற்கண்ணி.

பாலினப்பாகுபாட்டையும் அதிகாரத்தையும் வைத்துக்கொண்டு ஒடுக்க நினைத்தால், அவர்கள் எல்லா நாளும்  குனிந்துகொண்டே செல்ல மாட்டார்கள்; ஒடுக்க நினைத்தவர்கள் என்றாவது ஒருநாள் பெண்களின் பார்வை ஜுவாலையில் தடம் தெரியாமல் போவார்கள் என்பதையே பெண் ஆளுமைகளின் கருத்துரைகள்  காட்டுகின்றன!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism