Published:Updated:

பீச் இல்லாத ஊரில் பீச் கபடி சாம்பியன்!

பீச் இல்லாத ஊரில் பீச் கபடி சாம்பியன்!
பிரீமியம் ஸ்டோரி
பீச் இல்லாத ஊரில் பீச் கபடி சாம்பியன்!

சாம்பியன்வெ.வித்யா காயத்ரி - படங்கள்: க.விக்னேஷ்வரன்

பீச் இல்லாத ஊரில் பீச் கபடி சாம்பியன்!

சாம்பியன்வெ.வித்யா காயத்ரி - படங்கள்: க.விக்னேஷ்வரன்

Published:Updated:
பீச் இல்லாத ஊரில் பீச் கபடி சாம்பியன்!
பிரீமியம் ஸ்டோரி
பீச் இல்லாத ஊரில் பீச் கபடி சாம்பியன்!
பீச் இல்லாத ஊரில் பீச் கபடி சாம்பியன்!

குக்கிராமத்தில் பிறந்து வியட்நாமில் நடந்த ஆசிய அளவிலான பீச் கபடி போட்டியில் இந்தியாவுக்குத் தங்கம் வாங்கித் தந்திருக்கிறார், நம் தமிழ்ப்பெண் அந்தோணியம்மாள்.

‘’என்னோட சொந்த ஊர் விழுப்புரம் மாவட்டம் சோழபாண்டிபுரம் என்கிற குக்கிராமம். அப்பா பால் வியாபாரி, அம்மா கூலி வேலை பாக்குறாங்க. சின்ன வயசுல விளையாட்டா விளையாடின கபடில ஆர்வம் வர, அதுல என் முழு திறமையைக்காட்ட ஆரம்பிச்சேன். ஆறாம் வகுப்பில் இருந்து கபடி விளையாடுறேன். ஒருமுறை மாவட்ட அளவிலான கபடிப் போட்டியில் கலந்துகொண்டு ஆடின என்னோட திறமையைப் பார்த்த மதுரை யாதவா கல்லூரி பயிற்சியாளர் ஜனார்த்தனன் சார், ஸ்போர்ட்ஸ் கோட்டாவுல என்னை அங்க சேர்க்க உதவினார். அப்படியே எனக்கு பீச் கபடி எப்படி விளையாடணும்னு ட்ரெய்னிங்கும் கொடுத்தார்'' என்கிறவரின் மெடல் லிஸ்ட் அவருடைய பெயரைப் போலவே கியூட் நீளம்.

``பீச் கபடில அப்படியென்ன வித்தியாசம்னு என்னை பார்க்கிறவங்க எல்லாம் கேப்பாங்க. கபடியைவிட பீச் கபடி கஷ்டமானது. மணல்ல விளையாட அதிக ஆற்றலும், திறமையும் வேணும். பீச் கபடியில் ஆட்டம் இழந்தாலும் புள்ளிகள் மட்டுமே குறையும், ஆட்டம் இழந்தவங்க வெளியேறத் தேவையில்லை. 30 நிமிஷம் தொடர்ந்து ஆடணும்" என்றவர் தன் பயிற்சி முறைகள் பற்றிச் சொன்னார்.

பீச் இல்லாத ஊரில் பீச் கபடி சாம்பியன்!

ஒட்டுமொத்த விகடனுக்கும் ஒரே ஷார்ட்கட்!

``காலையில் ரெண்டு மணி நேரம், மாலையில் ரெண்டு மணி நேரம் பயிற்சி எடுப்பேன். பயிற்சியாளர் சொல்ற டயட்டை மீறமாட்டேன். மதுரையில் பீச் இல்லாததால எங்க கல்லூரி நிர்வாகம் எனக்காக மைதானத்தில் மணல் கொட்டி கொடுத்திருக்காங்க. விளையாடும்போது ஏற்படுற எந்த வலியையும் பெருசா எடுத்துக்க மாட்டேன். கடினமா பயிற்சி எடுப்பேன். எங்க டீம்ல யார்கிட்டயுமே மொபைல் கிடையாது. கவனம் சிதறும்னு எங்களோட பயிற்சியாளர் அனுமதிக்கல. காலையில 6 மணிக்கு பயிற்சியாளர் வரும்போது, அவர் போனில் அப்பா, அம்மாகிட்ட மட்டும் பேசிக்குவோம்’’ என்று சொல்லும் அந்தோணியம்மாளின் கனவு, சர்வதேச அளவிலான பெண்களுக்கான கபடிப் போட்டியில் தங்கம் வெல்வது.

‘`இதுவரைக்கும் எனக்கான ஸ்பான்சர் எங்க கல்லூரி நிர்வாகம்தான். எனக்கு கிடைச்ச மாதிரி ஸ்பான்சர், பயிற்சியாளர் கிடைச்சா குக்கிராமங்கள்ல இருந்து பல அந்தோணியம்மாள் வர ஏராளமான வாய்ப்புகள் இருக்கு. தற்சமயம் எனக்கு கிடைத்திருக்கிற இந்த வசதிகளை வெச்சு மேலும் மேலும் வெற்றிகளை குவிக்கணும். வரும்காலத்துல நானும் ஒரு பயிற்சியாளரா உருவாகி நாலு பிளேயர்ஸை உருவாக்கிக் காட் டணும். மாரியப்பனுக்கு கிடைச்ச மாதிரி குக்கிராமங்கள்ல இருந்து சாதிக்கிற எங்களுக்கும் அங்கீகாரம் கிடைச்சா கடல் அளப்போம்'' என்கிற அந்தோணியம்மாளின் நம்பிக்கை நிறைவேறட்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism