Published:Updated:

மனுஷி - 3

மனுஷி - 3
பிரீமியம் ஸ்டோரி
மனுஷி - 3

பொன்னகையில் புன்னகை! சுபா கண்ணன், ஓவியங்கள்: ஸ்யாம்

மனுஷி - 3

பொன்னகையில் புன்னகை! சுபா கண்ணன், ஓவியங்கள்: ஸ்யாம்

Published:Updated:
மனுஷி - 3
பிரீமியம் ஸ்டோரி
மனுஷி - 3
மனுஷி - 3

I think women are foolish to pretend they are equal to men. They are far superior and always have been. Whatever you give a woman, she will make it greater. If you give her sperm, she’ll give you a baby. If you give her a house, she’ll give you a home. If you give her groceries, she’ll give you a meal. If you give her a smile, she’ll give you her heart. She multiples and enlarges what is given to her.

- William Golding

ஒட்டுமொத்த விகடனுக்கும் ஒரே ஷார்ட்கட்!

போன வாரம், ஒன்றுவிட்ட என் அக்கா மகள் மதுஸ்ரீ யைப் பார்க்கப் போயிருந்தேன். அவளுக்குப் பெண் குழந்தை பிறந்து எட்டு மாதங்கள் ஆகின்றன. நான் போன நேரத்தில் அக்காவுக்கும், அமெரிக்காவிலிருந்து வந்திருந்த அவளின் மகன் பரத்துக்கும் ஏதோ பெரிய வாக்குவாதம் ஓடிக்கொண்டிருந்தது.

என் தலையைக் கண்டதும், “நீங்களே சொல்லுங்க சித்தி, இத்துனூண்டு குழந்தைக்கு எதுக்கு கொலுசு? உறுத்தாதா? கழட் டிடுன்னா கேக்க
மாட்டேங்கறா என்

அம்மா!” என்று என்னைப் பஞ்சாயத்துக்கு இழுத்தான் பரத்.

அவன் சொன்னதிலும் நியாயம் இருக்கிற மாதிரிதான் பட்டது. ஆனால், அக்கா பாரம்பர்ய மனுஷி. அவள் செய்வது எதிலும் ஒரு காரண காரியம் இருக்கும். எனவே, “நீ என்னக்கா சொல்றே?” என்று நீதிபதி ஸ்தானத்தில் என்னை அமர்த்திக்கொண்டு, அவள் தரப்பு வாதத்தைக் கேட்க விரும்பினேன்.

“கொலுசு குழந்தையின் காலுக்கு அழகுதான்! ஆனா, வெறுமனே அழகுக்காக மட்டுமே நம்ம முன்னோர் எதுவும் செய்யறது இல்லை. அதுல ஆரோக்கியத்தையும் ஒளிச்சு வெச்சிருக்காங்க.

நீங்க நினைக்கிறாப்போல, மென்மையான வெள்ளிக்கொலுசு உறுத்த வெல்லாம் செய்யாது. கொலுசு அணிஞ்ச குழந்தையின் குட்டிப் பாதம் கண்ணுக்கு அழகு; அது தவழ்ந்து வரும்போது கேட்கும் `ஜல் ஜல்' சத்தம் காதுக்கு இனிமை! அது மட்டுமில்லே, அம்மா உள்ளே வேலை செஞ்சிட்டிருப்பா. குழந்தை ஹால்ல படுத்திருக்கும். அது படுத்திருக்கா, இல்லே தவழ்ந்து போகுதான்னு அதோட அசைவை, குழந்தையின் இருப்பை, அதன் கொலுசு சத்தத்தை வெச்சு, உள்ளே இருந்தபடியே கண்காணிச்சுக்கிட்டிருப்பா அதன் அம்மா…” என்று தொடர்ந்தவளைக் குறுக்கே மறித்து, “அதிருக்கட்டும்… ஏதோ ஆரோக்கியம், அது இதுன்னு கதை விட்டியே... அதைச் சொல்லு!” என்று மடக்கினான் பரத்.

மனுஷி - 3

“கதையெல்லாம் விடலை! உண்மையைச் சொல்றேன். நம்ம பாரம்பர்ய பழக்கம் ஒவ்வொன்றின் பின்னாடியும் விஞ்ஞான உண்மை இருக்கு. அக்குபங்சர், அக்குபிரஷர்னெல்லாம் இப்போ சொல்றீங்களே, அந்த வேலையைத்தான் நகைகள் செய்யுது. நகைகள் நம் உடலில் உள்ள முக்கிய வர்மப் புள்ளிகளைத் தூண்டி, அவற்றைச் சுறு சுறுப்பா செயல்பட வைக்குது; ஆரோக்கியத்தைப் பராமரிக்குது.

பெண்களுக்கு மூக்குக் குத்துவது ஒருவிதமான அக்குபங்சர் வைத்தியம்தான். `மைக்ரேன்'கிற ஒற்றைத்தலைவலி, நரம்பு சம்பந்தமான நோய்கள், மனத்தடுமாற்றம் இதெல்லாம் ஏற்படாமல் இருக்க மூக்குத்தி உதவுதுன்னு நம்ம ஞானிகளும் ரிஷிகளும் எப்பவோ கண்டுபிடிச்சுச் சொன்னதை இப்போ விஞ்ஞானமும் ஏத்துக்குது.

இலங்கை, இந்தியா போன்ற கீழைத்தேச நாடுகள், பூமத்தியரேகைக்கு அருகில் இருக்கு. எனவே, இங்கெல்லாம் வெப்பம் அதிகம். இந்த வெப்பத்தைக் குறைச்சு, உடலைக் குளிர்ச்சியா வெச்சிருக்கிற வேலையைத் தான் தங்கமும் வெள்ளியும் செய்யுது. வெள்ளி நகைகள் நம் ஆயுளை விருத்தி செய்யக்கூடியவை. நம் உடல் சூட்டை அகற்றிக் குளிர்ச்சியாக வைப்பதில், சருமத்தை ஆரோக்கியமாகப் பாதுகாப்பதில் வெள்ளிக்கு நிகர் வேறு எதுவுமே இல்லை. அது மட்டுமில்லாம, வெள்ளி ஒரு அற்புதமான கிருமி நாசினிங்கிறது தெரியுமா உனக்கு? அதனாலதான் அந்தக் காலத்துல மண்ணுல விளையாடிட்டிருந்த குழந்தைகளுக்கு தொற்று எதுவும் ஏற்படக்கூடாதுன்னு வெள்ளியில கொலுசும் அரைஞாண் கயிறும் செஞ்சு போட்டாங்க பெரியவங்க” என நீண்ட லெக்சர் அடித்தாள் என் அக்கா.

மனுஷி - 3

“அவ்வளவுதானா, இன்னும் இருக்கா?” என்றான் பரத்.

“ஏகப்பட்டது இருக்கு. ஆண்களைவிடப் பெண்கள் ரொம்ப சென்ஸிடிவ்வான வங்க. சட்டுனு உணர்ச்சி வசப்படுவாங்க. நம்ம குதி காலின் பின்னால் இருக்கும் நரம்பு ஒண்ணு, மூளையோடு கனெக்ட் ஆகுது. கொலுசு போடும்போது, அது அந்தப் பின் நரம்புல தட்டிக்கிட்டே இருக்கிறதால, அதன் மூலமா மூளையின் உணர்ச்சி மையத்தைத் தொட்டு, உணர்ச்சிகளைக் குறைச்சுக் கட்டுப்படுத்துது. இது ஒருவிதமான அக்குபிரஷர் சிகிச்சை. பெண்களின் இடுப்புப் பகுதியை ஸ்திரப்படுத்தவும், மாதவிடாய் காலங்களில் வரும் வலிகளைக் குறைக்கவும்கூட கொலுசு பயன்படுதுன்னா பார்த்துக் கோயேன்.

கல்யாணமான பெண்களுக்குக் கால்களில் மெட்டி அணிவிக்கிறாங்களே, அதுகூட ஏதோ அர்த்தமில்லாத சடங்கு, சம்பிரதாயம்னு நினைக்க வேணாம். பெண்களின் கருப்பைக்கும் கால்களின் நடுவிரல் நரம்புகளுக்கும் ஒரு தொடர்பு இருக்கு. கால் விரலில் மெட்டி அணியறதால, கருப்பையின் நீர்ச் சமநிலை எப்பவும் சீராக இருக்கும். பெண்கள் கர்ப்பம் தரிக்கும்போது மயக்கம், வாந்தி, சோர்வு, பசியின்மை எல்லாம் ஏற்படும். கால் நடு விரல் நரம்பை அழுத்தித் தேய்ச்சா, இந்த நோவுகள் குறையும். ஆனா, இதை எப்பவும் செய்துட்டு இருக்க முடியாதில்லையா, அதனாலதான் வெள்ளியில மெட்டி செஞ்சு போடச் சொன்னாங்க. காலை அழுத்தி நடக்கும்போது, மெட்டி அந்த நரம்புல உராய்ந்து, நோவுகளைக் குறைக்குது.

அதேபோல, அரைஞாண் கயிறு அணிவிக்கிறதன் முக்கிய நோக்கமும் உடலின் ரத்த ஓட்டத்தைச் சீராக வைக்கிறதுதான். அதோட ஆண், பெண் இருவரின் மலட்டுத்தன்மையைப் போக்குறதுக்கும், உடல் உஷ்ணத்தைக் குறைக்கிறதுக்கும்கூட அது பயன்படுது.”

“அடேங்கப்பா… நகைகள் போடுறதுல இவ்ளோ விஷயம் இருக்கா!” என்று வியப்பால் விழிகளை விரித்தான் பரத்.

தொடர்ந்து, “அதிருக்கட்டும்…” என்று தொடங்கினவனைச் சட்டென்று குறுக்கிட்டாள் அவன் தங்கை மதுஸ்ரீ

“அம்மா… அண்ணனோட அடுத்த கேள்வி ரெடியாயிடுச்சு போல! மிருதுவான ரப்பர் பொம்மைகளை வாங்கிக் கொடுக்காம, உன் பேத்திக்கு மரப்பாச்சி பொம்மையை வாங்கிக் கொடுத்திருக்கியே, ஏன்னு கேக்கப் போறான்னு நினைக்கிறேன். சமாளி!” என்று சிரித்தாள்.

மதுஸ்ரீ யூகித்தது சரிதான். அதைத்தான் கேட்டான் பரத். அதற்கு அக்கா என்ன பதில் சொல்லப் போகிறாள் என்று ஆவலோடு காத்திருந்தேன் நானும்!

(இன்னும் உணர்வோம்!)

மனுஷி - 3

அம்பாள் கொலுசு!

திருமீயச்சூர் லலிதாம்பிகை, ஒரு பக்தையின் கனவில் வந்து, தனக்குக் கொலுசு வாங்கி அணிவிக்கும்படி சொன்னாள். ‘கொலுசை எப்படிச் சிலையில் அணிவிக்கமுடியும்?’ எனக் குழம்பிய பக்தை, ‘சரி, அம்மனே வந்து கேட்ட பிறகு, நாம் ஏன் தவிர்க்க வேண்டும்? கொலுசு வாங்கிப் போய் அர்ச்சகரிடம் கொடுத்துவிடுவோம். அப்புறம் அதை அணிவிப்பது அவர் பாடு!’ என்று, உத்தேசமான அளவில் கொலுசு வாங்கிச் சென்று, அர்ச்சகரிடம் விஷயத்தைச் சொல்லி அவற்றைக் கொடுத்தாள். அவரும் முதலில் குழம்பி, பின்பு சிலையின் காலில் தேடிப் பார்த்ததில் இரண்டு துளைகள் இருந்தனவாம். ஒரு காலை மடித்து, ஒரு காலைத் தொங்கப்போட்டுத் தரையில் பதித்து அமர்ந்திருக்கும் அம்மனின் திருப்பாதத்தில் இன்றைக்கும் அந்தக் கொலுசைக் காணலாம். தவிர, கன்னியாகுமரி அம்மனின் மூக்குத்தியின் பிரகாசமும், திருவானைக்காவல் அகிலாண்டேஸ்வரியின் தாடங்கத்தின் (காதணி) மகிமையும் உலகப் பிரசித்தம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism