Published:Updated:

காஸ் ஸ்டவ் அருகில் செல்போன் உபயோகிக்கலாமா? - ஒரு விளக்கம்

ஒட்டுமொத்த விகடனுக்கும் ஒரே ஷார்ட்கட்

Use App
காஸ் ஸ்டவ் அருகில் செல்போன் உபயோகிக்கலாமா? - ஒரு விளக்கம்
காஸ் ஸ்டவ் அருகில் செல்போன் உபயோகிக்கலாமா? - ஒரு விளக்கம்

எம்.குமரேசன் - படம்: எம்.விஜயகுமார்

பிரீமியம் ஸ்டோரி
காஸ் ஸ்டவ் அருகில் செல்போன் உபயோகிக்கலாமா? - ஒரு விளக்கம்

மீப காலங்களாக, `காஸ் அடுப்புக்கு பக்கத்தில் போன் பேசிய பெண் சிலிண்டர் வெடித்து இறந்தார்; அடுப்பு எரிந்துகொண்டிருக்கும்போது செல்போனை ஸ்விட்ச் ஆன் செய்தாலே சிலிண்டர் வெடிக்கும்' என்பது போன்ற தகவல்கள் வாட்ஸ்அப்பில் வருகின்றன. இதெல்லாம் உண்மையா என்கிற கேள்வியோடு இந்தியன் ஆயில் நிறுவனத்தை தொடர்புகொண்டோம். அதன் துணைப் பொதுமேலாளர் சுரஜித் ராய் நமக்கு விளக்கம் அளித்தார். 

``பொதுவாகவே செல்போன்கள் சமையலின்போது தவிர்க்கப் படவேண்டியவைதான். செல்போனில் பேசிக்கொண்டே சமையல் செய்யும்போது நமது கவனம் சிதறும். சேலை, துப்பட்டாவில் நம்மை அறியாமல் தீப்பிடிக்க வாய்ப்பிருக்கிறது. இந்த காரணங்களுக்காகத்தான் செல்போன்களைத் தவிருங்கள் என்று சொல்கிறோமே தவிர, தீப்பிடித்துவிடும்/வெடித்துவிடும் என்பதற்காக அல்ல.

சிலிண்டர் தீப்பிடிக்க, நான்கு விஷயங்கள் தேவை. அவை, ஆக்ஸிஜன், பெட்ரோல், காஸ் அல்லது வெப்பம்... இவைதான் தீப்பிடிக்க எளிதான காரணிகள். காஸ் ஸ்டவ் அருகில் செல்போனை ஆன் செய்தால் எல்லாம் வெடிக்க வாய்ப்பில்லை. செல்போன் கதிர்களால் காஸ் ஸ்டவ் வெடிக்கவும் வாய்ப்பில்லை. எனவே, நீங்கள் வாட்ஸ்அப்பில் கேள்விப்படுகிற விஷயங்கள் எல்லாம் வதந்தியே'' என்றவர், காஸ் கசிவு இருப்பதாக உணர்ந்தால் எடுக்க வேண்டிய நடவடிக்கைகள் பற்றியும் சொன்னார்.

``காஸ் கசிவு இருப்பதாக உணர்ந்தால், மிக ஜாக்கிரதையாக இருக்க வேண்டும். மின்சார சுவிட்சுகளைப் போட்டு விடக்கூடாது. லைட்டர், தீக்குச்சிகளை பற்ற வைத்து விடக் கூடாது. ஜன்னல், கதவுகளை திறந்து விடுங்கள். அடுப்பை அணைத்து சிலிண்டரை தனியாக கழற்றி, அதை பாதுகாப்பு மூடியால் மூடி, திறந்த வெளியில் வைத்துவிடவேண்டும். உதவிக்கு 1906 என்ற எண்ணைத் தொடர்பு கொள்ள வேண்டும்’’ என்றார் தெளிவாக.

காஸ் ஸ்டவ் அருகில் செல்போன் உபயோகிக்கலாமா? - ஒரு விளக்கம்

அப்படியே சிலிண்டர் விபத்தை சார்ந்த மற்றுமொரு வாட்ஸ்அப் தகவல் பற்றி இந்தியன் ஆயில் நிறுவனத்தின் தலைமை கார்ப்பரேட் கம்யூனிகேஷன் மேலாளர் சபீதா நடராஜிடம் விளக்கம் கேட்டோம். `நாம் சிலிண்டருக்கு ஒவ்வொரு முறையும் பணம் செலுத்தும்போது காப்பீட்டுக்கும் சேர்த்துதான் பணம் செலுத்துகிறோம். உயிரிழப்பு நேர்ந்தால் சட்டப்படி ரூ.50 லட்சம் வரை சம்பந்தப்பட்ட நிறுவனத்திலிருந்து காப்பீட்டுத் தொகை பெற முடியும்' என்பதுதான் அந்தத் தகவல்.

``பொதுவாகவே விபத்து ஏற்பட்ட தன்மையை ஆராய்ந்தே இன்ஷூரன்ஸ் நிறுவனங்கள் இழப்பீட்டுத் தொகை வழங்கும். விபத்து இயல்பாக நடந்திருக்க வேண்டும். திட்டமிட்டோ அல்லது தற்கொலையாக இருந்தாலோ இழப்பீடு கிடைக்காது. விபத்து நடந்த இடத்தை இன்ஷூரன்ஸ் நிறுவனங்கள் மதிப்பீடு செய்து, உயிரிழந்தவரின் வயது மற்றும் அவர் வருமானம் ஈட்டுகிற நபரா என்பதை எல்லாம் கணக்கில் கொண்டே இழப்பீடு அதிகமாகவும் குறைவாகவும் கிடைக்கும். சாலை விபத்து போலத்தான் இதுவும். குடும்பத் தலைவர் இறந்தால் அதிக இழப்பீடும் வருமானம் ஈட்டாதவர் என்றால் சற்று குறைவாகவும் கிடைக்கும். 50 லட்சம் வரையெல்லாம் கிடைக்க வாய்ப்பில்லை'' என வதந்திகளுக்கு முற்றுப்புள்ளி வைத்து முடித்துக்கொண்டார் சபீதா நடராஜன்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு