Published:Updated:

வலிகளைத் தாண்டிய வலிமை

வலிகளைத் தாண்டிய வலிமை
பிரீமியம் ஸ்டோரி
வலிகளைத் தாண்டிய வலிமை

அஞ்சலியாழ் ஸ்ரீதேவி - ஓவியம்: ராஜேந்திரன்

வலிகளைத் தாண்டிய வலிமை

அஞ்சலியாழ் ஸ்ரீதேவி - ஓவியம்: ராஜேந்திரன்

Published:Updated:
வலிகளைத் தாண்டிய வலிமை
பிரீமியம் ஸ்டோரி
வலிகளைத் தாண்டிய வலிமை
வலிகளைத் தாண்டிய வலிமை

சேலத்தில் இருந்து பேளூர் செல்லும் வழியில் அனுப்பூர் கிராமத்தின் உள்ளே நுழைந்து சில கட்டடங்களையும் மரங்களையும் தாண்டினால் ஆதவ் ட்ரஸ்ட் நம்மை அன்புடன் வரவேற்கிறது. 26 ஆண்டுகால போராட்ட வாழ்க்கையின் இடையே ஒரு பெண் கண்ட பெருங்கனவு அது. மஸ்குலர் டிஸ்ட்ரஃபி என்கிற விசித்திர நோயின் பிடியில் சிக்கிய தன்னைப் போன்றோருக்கு புன்னகையைப் பரிசளிக்க வேண்டும் என்கிற ஆதங்கத்தோடு, அவளது சக்கர நாற்காலி உருண்டும் ஓடியும் கட்டி முடித்த அந்தக் கட்டடத்தின் மௌனத்தில் அவளது ஆசைகள் அடர்ந்திருக்கின்றன.  தனது கனவின் வாசலில் ஒரு குழந்தை போல அடக்கம் செய்யப்பட்டிருக்கிறார் வானவன் மாதேவி. 

‘‘நான் வராமல் அவள் எங்குமே சென்ற தில்லை. இந்த உலகத்தை விட்டு செல்லும்போது மட்டும் என்னை விட்டுச் செல்ல அவளுக்கு எப்படி மனசு வந்தது’’ என்று வெடித்து அழும் இயலிசை வல்லபியின் வார்த்தைகளில் அவர் அக்கா வானவன் மாதேவியைப் பற்றிய நினைவுகள் மின்னலாகத் தெறிக்கின்றன...

‘‘நாங்கள் இருவருமே மஸ்குலர் டிஸ்ட்ரஃபி நோயால் பாதிக்கப்பட்டதால், வலியையும் ஒன்றாகவே உணர்ந்தவர்கள். அவள் படிப்பது, சமூக ஊடகங்களில் உரையாடுவது, மற்றவர்களுக்கு உதவுவது என எப்போதும் சுறுசுறுப்பாக இருப்பாள். பல்வேறு சிரமங்களுக்கு இடையில் பத்தாம் வகுப்பு படிப்போடு கணினி பயிற்சியும் முடித்து டிசைனிங் செய்யத் தொடங்கிய போது நம்பிக்கை மனுஷிகளாக நாங்கள் இந்தச் சமூகத்துக்கு அறிமுகமானோம். மஸ்குலர் டிஸ்ட்ரஃபி  நோயாளிகளுக்கு எளிய மருத்துவ சேவைகளை இலவசமாகக் கொடுக்க வேண்டும் என்பதற்காக ஆதவ் ட்ரஸ்ட்டை உருவாக்கினாள் அவள். தங்கும் விடுதியுடன் சிகிச்சை அளிப்பதற்கான மையம் தொடங்க 80 லட்சம் ரூபாய் வரை நிதி திரட்ட பெரும்பாடு பட்டோம். இதற்கிடையில் சென்னை வெள்ளத்தில் பாதிக்கப்பட்டவர்களுக்கு உதவ தன் நண்பர்களையும் இணைத்துக்கொண்டு முகநூல் வழியாக சுமார் 4 ஆயிரம் பேருக்கு உதவிப் பொருட்கள் கிடைக்க பாடுபட்டாள். ஒரு விஷயத்தை கையில் எடுத்தால், அதை முடிக்கும் வரை அவள் உறங்கியதே இல்லை!''