Published:Updated:

தாய்மொழி அறிவே நம்மைக் காக்கும்!

தாய்மொழி அறிவே நம்மைக் காக்கும்!
பிரீமியம் ஸ்டோரி
News
தாய்மொழி அறிவே நம்மைக் காக்கும்!

முத்தான முயற்சி செ.சங்கீதா - படம்: க.மணிவண்ணன்

தாய்மொழி அறிவே நம்மைக் காக்கும்!

ண்ணதாசன் சாகித்ய அகாடமி விருது பெற்ற அதே நாளில்தான் கோவையைச் சேர்ந்த சரோஜா சுந்தரராஜனுக்கும் சாகித்ய அகாடமியின் ‘பாஷா சம்மன்’ விருது வழங்கப்பட்டது. இந்தியாவில் உள்ள அங்கீகரிக்கப்படாத மொழிகளில் (Unrecognized language) எழுதும் படைப்பாளிகளின் பங்களிப்பைப் பாராட்டி அளிக்கப்படும் சிறப்பு  விருது இது. இந்த ஆண்டு, சரோஜா சுந்தரராஜன் எழுதிய ‘யோகேந்த்ருன் மொன்னு ஸிங்காரு லாடுன்’ என்ற சௌராஷ்ட்ர மொழி புத்தகத்துக்கு இந்த விருது அளிக்கப்பட்டுள்ளது. ‘யோகேந்ர தலைவர்களின் மனதில் எழுந்த அழகிய அலைகள்’ என்பது இதன் பொருள்.

1940-ம் ஆண்டு மதுரையில் பிறந்த சரோஜாவுக்கு எட்டாம் வகுப்பு முடித்ததுமே திருமணம். தனியார் கல்வி நிலையத்தில் பத்தாம் வகுப்பு படித்தார் சரோஜா. பிறகு, மதுரை காமராஜர் பல்கலைக்கழகத்தில் தமிழ்ப் புலவர் பட்டம் பெற்ற இவர், இந்தி மொழியிலும் புலமை பெற்றிருக்கிறார். அத்தனை சிறப்புகளுக்கும் காரணம் கணவர்  சுந்தரராஜன். அவர் இதய நோயால் பாதிக்கப்பட்டிருந்தபோதும், தன் மனைவியைத் தொடர்ந்து படிக்கவைத்து ஊக்கப்படுத்த, `செளராஷ்ட்ரா கவி'யாகவும் உருவானார் சரோஜா.

1975-ம் ஆண்டு முதல், இவர் எழுதிய கவிதைகள் `பாநாபிமானி', `செளராஷ்ட்ரா டைம்' ஆகிய இதழ்களில் வெளியானதோடு, நூல் வடிவமும் பெற்றுள்ளன. ‘தேவிமாநாத்ம்யம்’ என்கிற இவரது நூலில் பராசக்தியின் படைப்பு ரகசியம் விவரிக்கப்பட்டுள்ளது. கந்தசஷ்டி கவசம், ஹனுமான் சாலிஷா ஆகியவற்றையும் செளராஷ்ட்ர மொழியில் மொழிபெயர்த்துள்ளார் சரோஜா.

2012-ம் ஆண்டு வெளியான ‘யோகேந்த்ருன் மொன்னு ஸிங்காரு லாடுன்’ நூலில் ஆதிசங்கரர், நடன கோபால நாயகி சுவாமிகள், சத்யசாயி பாபா ஆகிய மூவரையும் யோகத்தின் தலைவர்களாக எடுத்துக்கொண்டு, அவர்கள் மனதில் எழுந்த அலைகளைப் பாடல்களாக இயற்றியுள்ளார். நடன கோபால் ஒருபுறமும் சாயிபாபா ஒருபுறமும் பாடுவது போல தமிழிலும் ஒரு நூல் எழுதிவருகிறார்.

“அழிந்துகொண்டே வரும் எங்கள் செளராஷ்ட்ரா  மொழியில் நிறைய கருத்துகளும் உபதேசங்களும் புதைந்துள்ளன. அவற்றை உலகுக்கு அளிக்க வேண்டும் என்பதே என் ஆசை.  என்னால் முடிந்தவரை, சபாக்களின் மூலமாகவும், உறவினர் வீடுகளுக்குச் சென்று அங்குள்ள குழந்தைகளுக்கும் செளராஷ்ட்ர மொழியைக் கற்பித்து வருகிறேன். எல்லோருமே தாய்மொழியை நன்கு கற்று அதில் உள்ள புதையல்களை வெளிக்கொணர வேண்டும். மூலிகை மருத்துவம், பண்பாடு, வீரம் ஆகியவற்றை நம் மொழிகள் மூலமே அடைய முடியும்” என்கிறார் சரோஜா!